Bandi Sanjay : పెద్దలకు చెప్పులు అందించడం భారతీయత - టీఆర్ఎస్ విమర్శలకు బండి సంజయ్ ఘాటు కౌంటర్ !

పెద్దలకు చెప్పులు అందించడం తప్పెలా అవుతుందని టీఆర్ఎస్ నేతల్ని బండి సంజయ్ ప్రశ్నించారు. కుసంస్కారంతో విమర్శలు చేస్తున్నారని మండిపడ్డారు.

పెద్దలకు చెప్పులు అందించడం భారతీయత - టీఆర్ఎస్ విమర్శలకు బండి సంజయ్ ఘాటు కౌంటర్ !

 

Bandi Sanjay :  ఉజ్జయిని మహంకాళీ అలయం ఎదుట అమిత్ షాకు బండి సంజయ్ చెప్పులు అందించిన వీడియో వైరల్ అయింది. ఈ అంశంపై టీఆర్ఎస్ నేతలు బండి సంజయ్ పై విరుచుకుపడుతున్నారు. గులామ్ గిరీ చేస్తున్నారని.. గుజరాత్ నేతల కాళ్ల దగ్గర తెలంగాణ ఆత్మగౌరవాన్ని తాకట్టు పెట్టారని విమర్శలు గుప్పిస్తున్నారు.దీనిపై బండి సంజయ్ స్పందించారు. కుటుంబంలో పెద్దలకు చెప్పులు అందించడం భారతీయతను పాటించే మాకు అలవాటు. మా కుటుంబ పెద్ద,గురుతుల్యుడు కేంద్ర హోంమంత్రివర్యులకు వయస్సులో చిన్నవాడినైన నేను చెప్పులందించడం గులామ్ గిరి ఎలా అవుతుందని టీఆర్ఎస్ నేతల్ని బండి సంజయ్ ప్రశ్నించారు. 

అవసరం ఉంటే కాళ్లు మొక్కడం...
లేదంటే కాళ్ళు పట్టి గుంజడం కేసీఆర్ కుటుంబానికి వెన్నతో పెట్టిన విద్య...
కుటుంబంలో పెద్దలకు చెప్పులు అందించడం భారతీయతను పాటించే మాకు అలవాటు.
మా కుటుంబ పెద్ద,గురుతుల్యుడు కేంద్ర హోంమంత్రివర్యులకు వయస్సులో చిన్నవాడినైన నేను చెప్పులందించడం గులామ్ గిరియా ?

— Bandi Sanjay Kumar (@bandisanjay_bjp) August 22, 2022

ఢిల్లీ లిక్కర్ మాఫియాలో పడి కొట్టుకుంటున్న కుటుంబసభ్యుల రహస్యాలు బయట పడకుండా తంటాలు పడుతూ చేస్తున్న డైవర్షన్ పాలిటిక్స్ తెలంగాణ ప్రజలు గమనిస్తున్నారని బండి సంజయ్ విరుచుకుపడ్డారు. ప్రొఫెసర్ జయశంకర్ సారును, కొండా లక్ష్మణ్ బాపూజీని ఘోరంగా అవమానించిన మీకు, గౌరవాల విలువ ఏమీ తెలుస్తుంది. మమ్మల్ని 'గులామ్' లని వెక్కిరించే మీ కుసంస్కారం చూసి జనం నవ్వుకుంటున్నారని ఎద్దేవాచేశారు. 

అధికారం కోసం లోపటింట్లో రోజూ తన్నుకుంటున్న మీ కుటుంబసభ్యులకు,పెద్దలకు చెప్పులు అందించడంలోని సంస్కారం ఏం అర్థం అవుతుందని బండి సంజయ్ ప్రశ్నించారు.  రామ - భరతుల వారసత్వాన్ని మేం తలకెత్తుకున్నామని.. తండ్రిని బంధించి,అన్నను చంపి అధికారం పొందిన ఔరంగజేబు వారసుల పక్కన తిరిగే మీకు,మా సంస్కృతి ఏం అర్థమవుతుందని విమర్శించారు. మేం పాద రక్షలు మాత్రమే గౌరవంతో అందిస్తాం..మీలా అవసరం తీరాక పాదాలుపట్టి లాగేసే అలవాటు లేదని బండి సంజయ్ స్పష్టం చేశారు. 

అధికారం కోసం లోపటింట్లో రోజూ తన్నుకుంటున్న మీ కుటుంబసభ్యులకు,పెద్దలకు చెప్పులు అందించడంలోని సంస్కారం ఏం అర్థం అవుతది?

రామ - భరతుల వారసత్వాన్ని మేం తలకెత్తుకున్నాం...
తండ్రిని బంధించి,అన్నను చంపి అధికారం పొందిన ఔరంగజేబు వారసుల పక్కన తిరిగే మీకు,మా సంస్కృతి ఏం అర్థమవుతుంది ?
(5/6)

— Bandi Sanjay Kumar (@bandisanjay_bjp) August 22, 2022

బండి సంజయ్ ..  అమిత్ షాకు చెప్పులు అందిస్తున్న వీడియోను టీఆర్ఎస్ సోషల్ మీడియా విపరీతంగా సర్క్యూలేట్ చేస్తోంది. తెలంగాణ ఆత్మ గౌరవాన్ని తాకట్టు పెట్టారని విమర్శిస్తోంది. ఈ క్రమంలో బీజేపీ నేతలు కౌంటర్ ఇవ్వడానికి ఇబ్బంది పడుతున్నారు. టీఆర్ఎస్ నేతల దాడి పెరిగపోవడంతో నేరుగా బండి సంజయ్ స్పందించారు. పెద్దలకు చెప్పులు అందించడం తప్పెలా అవుతుందని వాదిస్తున్నారు. ఈ  విషయంలో టీఆర్ఎస్ కౌంటర్ ఉంటుందో మరి !