Sachin Tendulkar: భార్యతో మంచుకొండల్లో సేదదీరుతున్న క్రికెట్ గాడ్!

ప్రముఖ క్రికెటర్ సచిన్ టెండూల్కర్ కశ్మీర్‌లో వెకేషన్‌లో ఉన్నారు. దీనికి సంబంధించిన ఫొటోలు ఇన్‌స్టాగ్రామ్‌లో షేర్ చేశారు.

భార్యతో సచిన్ టెండూల్కర్

క్రికెట్ గాడ్ సచిన్ టెండూల్కర్ భార్య అంజలితో కలిసి వెకేషన్‌లో ఉన్నారు. ఈ టూర్‌కి సంబంధించిన ఫొటోలను ఆయన తన ఇన్‌స్టాగ్రామ్‌లో షేర్ చేశారు. కశ్మీర్‌కు ఆయన వెకేషన్‌కు వెళ్లడం విశేషం. కశ్మీర్‌లో మంచుతో భార్యతో ఆయన సరదాగా గడిపారు.

క్రికెటర్‌గా సచిన్ టెండూల్కర్ నెలకొల్పిన రికార్డులు అసామాన్యమైనవి. 100 సెంచరీలు, అత్యధిక క్రికెట్ మ్యాచ్‌లు, 24 ఏళ్ల అంతర్జాతీయ కెరీర్ ఆయన కీర్తి కిరీటంలో భాగం.

వన్డేల్లో 18 వేలకు పైగా పరుగులు, టెస్టుల్లో 15 వేలకు పైగా పరుగులను సచిన్ టెండూల్కర్ సాధించారు. వన్డేల్లో 49 సెంచరీలు, టెస్టుల్లో 51 సెంచరీలను కూడా సచిన్ కొట్టడం విశేషం.

2013లో భారతదేశపు అత్యున్నత పురస్కారం అయిన భారత రత్న అవార్డును కూడా సచిన్ టెండూల్కర్ అందుకున్నారు. సచిన్ క్రికెట్ నుంచి రిటైర్ అయిన వెంటనే ఆయనకు ఈ గౌరవం లభించింది.

సచిన్ టెండూల్కర్ వన్డే క్రికెట్ నుంచి 2012లో, అన్ని ఫార్మాట్ల నుంచి 2013లో రిటైరయ్యారు. ఐసీసీ క్రికెట్ హాల్ ఆఫ్ ఫేమ్‌లో కూడా సచిన్ టెండూల్కర్ చోటు సంపాదించారు. ఈ ఘనత సాధించిన తొమ్మిది భారత క్రికెటర్‌గా నిలిచారు.

భారత జట్టు తరఫున 1989 నుంచి 2013 వరకు సచిన్ టెండూల్కర్ క్రికెట్ ఆడారు.