InPics: లార్డ్స్ టెస్టులో టీమిండియా ఘన విజయం... కోహ్లీ సేన సంబరాలు

టీమిండియా

ఇంగ్లాండ్ గడ్డపై టెస్టు సిరీస్‌లో భారత్ బోణి కొట్టింది. లార్డ్స్ వేదికగా సోమవారం ముగిసిన రెండో టెస్టు మ్యాచ్‌లో టీమిండియా 151 పరుగుల తేడాతో ఘన విజయం సాధించింది.

టీమిండియా.. ఐదు టెస్టుల సిరీస్‌లో 1-0తో ఆధిక్యంలో నిలిచింది. వారం క్రితం నాటింగ్‌హామ్ వేదికగా ముగిసిన తొలి టెస్టు మ్యాచ్ ఆఖరి రోజు వర్షం కారణంగా డ్రాగా ముగిసిన విషయం తెలిసిందే.

తొలి ఇన్నింగ్స్‌లో సెంచరీ బాదిన కేఎల్ రాహుల్‌కి మ్యాన్ ఆఫ్ ద మ్యాచ్ అవార్డు దక్కింది.

272 పరుగుల ఛేదనలో ఇంగ్లాండ్ ఏ దశలోనూ సాధికారికంగా బ్యాటింగ్ చేయలేదు.

భారత బౌలర్లలో మహ్మద్ సిరాజ్ 4 వికెట్లు పడగొట్టగా.. జస్‌ప్రీత్ బుమ్రా మూడు, ఇషాంత్ శర్మ రెండు, మహ్మద్ షమీ ఒక వికెట్ తీశాడు.

లార్డ్స్‌లో టెస్టు మ్యాచ్ గెలిచిన భారత మూడో కెప్టెన్‌గా విరాట్ కోహ్లీ నిలిచాడు. ఇప్పటి వరకూ కపిల్‌దేవ్ (1986), మహేంద్రసింగ్ ధోనీ (2014) మాత్రమే అక్కడ కెప్టెన్‌గా గెలుపు రుచి చూశారు.

ఇక మూడో టెస్టు మ్యాచ్ ఈ నెల 25 నుంచి లీడ్స్ వేదికగా జరగనుంది.