Tokyo Olympics Hockey Pics: భారత్ X బెల్జియం హాకీ సెమీఫైనల్ మ్యాచ్... టీమిండియా ఓటమి

By : ABP Desam | Updated: 03 Aug 2021 11:47 AM (IST)

టోక్యో ఒలింపిక్స్‌లో భాగంగా భారత పురుషుల జట్టు సెమీఫైనల్లో బెల్జియంతో తలపడింది.

ఈ మ్యాచ్‌లో భారత్ 2-5 తేడాతో డిఫెండింగ్ ఛాంపియన్ బెల్జియం చేతిలో పోరాడి ఓడింది.

దీంతో భారత పురుషుల హాకీ జట్టు పసిడి ఆశలు గల్లంతయ్యాయి. ఫైనల్ చేరాలన్న కోరిక తీరలేదు.

కాంస్యం కోసం భారత్ మరో మ్యాచ్ ఆడాల్సి ఉంది. ఆగస్టు 5న భారత్ ఒలింపిక్స్‌లో తన ఆఖరి పోరు ఆడనుంది.

ఈ మ్యాచ్ అనంతరం ప్రధాని నరేంద్ర మోదీ... కెప్టెన్ మన్‌ప్రీత్ సింగ్‌కు ఫోన్ చేసి మాట్లాడారు.

బాగా ఆడారని, గెలుపోటములు జీవితంలో భాగమని, ఆటగాళ్లను చూసి భారత్ గర్విస్తోందని, కాంస్య పోరులో రాణించాలని ఆశాభావం వ్యక్తం చేశారు.

ఇప్పటి వరకు విశ్వక్రీడల్లో 8 స్వర్ణాలతో సహా 11 పతకాలు భారత్‌ ఖాతాలో ఉన్నాయి. ఈ జాబితాలో మరో పతకం చేర్చాలని మన్‌ప్రీత్‌ బృందం ఉవ్విళ్లూరుతోంది.

చివరిగా 1980 మాస్కో ఒలింపిక్స్‌లో భారత్‌ స్వర్ణ పతకం సాధించింది.

ఈ రోజు సాయంత్రం ఆస్ట్రేలియా X జ‌ర్మ‌నీ మ‌ధ్య జ‌రిగే మ్యాచ్‌లో ఓడిన జ‌ట్టుతో భార‌త్ కాంస్యం కోసం పోటీప‌డనుంది.

సంబంధిత ఫోటోలు