Divya Deshmukh : చెస్‌క్లాస్‌లో నిద్రపోయే దివ్య దేశ్‌ముక్‌ FIDE మహిళల ప్రపంచ కప్‌ ఛాంపియన్ ఎలా అయ్యింది?

Divya Deshmukh Chess World Cup Winner: భారతదేశానికి చెందిన దివ్య దేశ్‌ముఖ్ FIDE చెస్ ప్రపంచ కప్ ఫైనల్ మ్యాచ్‌లో విజయం సాధించి చరిత్ర సృష్టించింది. ఆమె ఫైనల్‌లో కోనేరు హంపిని ఓడించింది.

చెస్‌క్లాస్‌లో నిద్రపోయే దివ్య దేశ్‌ముక్‌ FIDE మహిళల ప్రపంచ కప్‌ ఛాంపియన్ ఎలా అయ్యింది?

FIDE Women World Cup Champion Divya Deshmukh : జార్జియాలోని బటుమిలో జరిగిన FIDE మహిళల ప్రపంచ కప్‌లో టై-బ్రేకర్‌లో కోనేరు హంపిని ఓడించి కొత్త ఛాంపియన్‌గా చరిత్ర సృష్టించింది 19 ఏళ్ల భారత చెస్ క్రీడాకారిణి దివ్య దేశ్‌ముఖ్

FIDE Women World Cup Champion Divya Deshmukh : ఈ విజయంతో, దేశ్‌ముఖ్ ప్రతిష్టాత్మక టైటిల్‌ను గెలుచుకోవడమే కాకుండా, గ్రాండ్‌మాస్టర్‌గా అవతరించింది. ఈ టైటిల్‌ను గెలుచుకున్న నాల్గవ భారతీయ మహిళ ఆమె.

FIDE Women World Cup Champion Divya Deshmukh : శనివారం-ఆదివారం జరిగిన రెండు ఉత్కంఠభరితమైన క్లాసికల్ గేమ్‌లు తీవ్రంగా పోరాడి డ్రాగా ముగిశాయి. దీంతో సోమవారం టైబ్రేకర్‌ ఆడాల్సి వచ్చింది. ఇందులో దివ్య దేశ్‌ముఖ్ విజయం సాధించి ట్రోఫీ, గ్రాండ్‌మాస్టర్ టైటిల్‌ను కైవసం చేసుకుంది.

FIDE Women World Cup Champion Divya Deshmukh : నాగ్‌పూర్‌కు చెందిన దివ్య దేశ్‌ముఖ్‌ భారతదేశపు 88వ గ్రాండ్‌మాస్టర్‌గా నిలిచింది.కోనేరు హంపి, ద్రోణవల్లి హారిక, ఆర్ వైశాలిని అనుసరిస్తూ ఈ గౌరవాన్ని సాధించిన నాల్గో భారతీయ మహిళగా ఎలైట్ ర్యాంక్‌లలో చేరింది. హంపి 2002లో తన గ్రాండ్‌మాస్టర్ టైటిల్‌ను సంపాదించింది.

FIDE Women World Cup Champion Divya Deshmukh : దివ్య దేశ్‌ముఖ్‌ డిసెంబర్ 9, 2005న మహారాష్ట్ర రాష్ట్రంలోని నాగ్‌పూర్‌లో ఒక మరాఠీ కుటుంబంలో జన్మించింది. ఆమె తల్లిదండ్రులు డాక్టర్ జితేంద్ర దేశ్‌ముఖ్‌, డాక్టర్ నమ్రతా దేశ్‌ముఖ్‌. ఇద్దరూ వైద్యులే. తండ్రి ఒక ప్రభుత్వ వైద్య కాలేజీలో పనిచేస్తారు.తల్లి గైనకాలజిస్టు. అక్క ప్రాచి దేశ్‌ము్‌ న్యాయవిద్యను చదువుతోంది.

FIDE Women World Cup Champion Divya Deshmukh : దివ్య తన ప్రాథమిక విద్యను నాగ్‌పూర్‌లోని భవన్స్ భగవాన్‌దాస్ పురోహిత్ విద్యా మందిర్‌లో పూర్తి చేసింది. ప్రస్తుతం ఆమె దూర విద్య ద్వారా ఉన్నత విద్యను కొనసాగిస్తోంది.

FIDE Women World Cup Champion Divya Deshmukh : దివ్య 4-5 సంవత్సరాల వయస్సులో చెస్‌తో పరిచయం ఏర్పడింది. అక్క బ్యాడ్మింటన్ నేర్చుకోవడానికి వెళ్లినప్పుడు, ఆమెతో వెళ్లిన దివ్య చెస్ క్లాస్‌లో చేరింది. అయిష్టంగానే ఉంటూ చెస్‌ క్లాస్‌లలో నిద్రపోయేది. తల్లిదండ్రుల ప్రోత్సాహం- మొదటి కోచ్ రాహుల్ జోషీ ప్రోత్సాహంతో ఆటపై ఆసక్తి పెరిగింది.

FIDE Women World Cup Champion Divya Deshmukh : దివ్య 7 ఏళ్ల వయసులో 2012లో పుదుచ్చేరిలో జరిగిన U-7 జాతీయ చెస్ చాంపియన్‌షిప్‌లో తన మొదటి పెద్ద టైటిల్ గెలుచుకుంది. దీంతో దివ్య చెన్నైలోని గ్రాండ్‌మాస్టర్‌ ఆర్బి రమేష్ అకాడమీలో శిక్షణ పొందింది. తర్వాత శ్రీనాథ్ నారాయణన్ వద్ద చేరింది.

FIDE Women World Cup Champion Divya Deshmukh : దివ్య 10 సంవత్సరాల వయస్సులోనే అంతర్జాతీయ స్థాయిలో భారతదేశానికి ప్రాతినిధ్యం వహించింది. ఆమె 40 సార్లు భారతదేశానికి ప్రాతినిధ్యం వహించి, 35 పోడియం ఫినిష్‌లు సాధించింది.

FIDE Women World Cup Champion Divya Deshmukh : 2021లో దివ్య భారతదేశ 21వ ఉమన్ గ్రాండ్‌మాస్టర్(WGM) అయింది. ఆమె వయసు అప్పుడు కేవలం 15 సంవత్సరాల 1 నెల మాత్రమే. దివ్య 2023లో ఇంటర్నేషనల్ మాస్టర్ టైటిల్ సాధించింది. ఇది ఆమె చెస్ కెరీర్లో మరో ముఖ్యమైన మైలురాయి.

FIDE Women World Cup Champion Divya Deshmukh : దివ్య 2022లో భారత మహిళల చెస్ చాంపియన్షిప్ గెలుచుకుంది. ఆమె 2023లో ఈ టైటిల్‌ను కొనసాగించి వరుసగా రెండుసార్లు జాతీయ ఛాంపియన్ అయ్యింది. 2023లో అల్మాటీలో జరిగిన ఏషియన్ మహిళల చెస్ చాంపియన్‌షిప్‌ను దివ్య గెలుచుకుంది. ఇది ఆమె అంతర్జాతీయ స్థాయిలో సాధించిన ప్రధాన విజయం. 2024లో గుజరాత్‌లోని గాంధీనగర్‌లో జరిగిన FIDE వరల్డ్ U-20 గర్ల్స్ చెస్ చాంపియన్‌షిప్‌ను దివ్య గెలుచుకుంది. ఆమె 11లో 10 పాయింట్లు సాధించి టైటిల్ గెలుచుకుంది.