Indian Coast Guard: భారత జలాల్లోకి ప్రవేశించిన శ్రీలంక బోట్లు- 11 మంది మత్స్యకారులు అరెస్ట్

By : ABP Desam | Updated: 13 Nov 2022 04:00 PM (IST)

Indian Coast Guard: నిబంధనలు ఉల్లంఘించి భారత సముద్ర జలాల్లో అక్రమంగా ప్రవేశించిన 11 మంది శ్రీలంక మత్స్యకారులను కాకినాడ తీరం సమీపంలో కోస్ట్‌ గార్డ్‌ సిబ్బంది అదుపులోకి తీసుకున్నారు.

నిబంధనలు ఉల్లంఘించి భారత సముద్ర జలాల్లోకి రెండు శ్రీలంక బోట్లు అక్రమంగా ప్రవేశించాయి.

శ్రీకాకుళం జిల్లా కళింగపట్నం వద్ద కోస్టుగార్డు సిబ్బంది వీటిని గుర్తించారు.

విగ్రహ నౌకలో పెట్రోలింగ్ నిర్వహిస్తుండగా 175 నాటికల్‌ మైళ్ల దూరంలో ఈ రెండు బోట్లు కనిపించాయి.

ఇందులో ఉన్న 11 మంది శ్రీలంక మత్స్యకారులను తదుపరి దర్యాప్తు కోసం అదుపులోకి తీసుకున్నారు.

రెండు ఫిషింగ్ బోట్లను కూడా స్వాధీనం చేసుకున్నారు.

దీనిపై దర్యాప్తు చేస్తున్నట్లు అధికారులు తెలిపారు.

Tags: Indian Coast Guard Indian Coast Guard ship Vigraha Two Sri Lankan Fishing Boats