Viral Threat in India : దేశంలో పెరుగుతోన్న వైరల్ ఇన్​ఫెక్షన్లు.. ప్రతి 9 మందిలో ఒక బాధితుడు, కీలక రిపోర్ట్ ఇచ్చిన ICMR

ICMR Warning on Viral Infections : దేశంలో వైరల్ ఇన్ఫెక్షన్లు పెరుగుతున్నాయి. వాతావరణం మారడంతో కేసులు పెరుగుతున్నాయి. నివారణ చర్యలు, వైద్యుల సలహాలు తెలుసుకోండి.

ఇండియాలో పెరుగుతోన్న వైరల్ ఇన్ఫెక్షన్లు

ICMR రిపోర్ట్ ప్రకారం.. దేశంలో ప్రతి తొమ్మిది మందిలో ఒకరు ఏదో ఒక ఇన్ఫెక్షన్ బారిన పడుతున్నారు. 4.5 లక్షల నమూనాలలో 11.1 శాతం మందిలో వైరస్ లేదా వ్యాధికారకాలు కనుగొన్నారు. ఈ పరిస్థితి చాలా తీవ్రంగా ఉంది.

అధ్యయనంలో ARI/SARIలో ఇన్ఫ్లుఎంజా A, తీవ్ర జ్వరాల కేసులలో డెంగ్యూ, కామెర్లలో హెపటైటిస్ A, అతిసారంలో నోరోవైరస్, మెదడు వాపు వంటి కేసులలో HSV వంటి అనేక ప్రధాన వైరస్​లు వెలుగులోకి వచ్చాయి. వైరస్​లు అనేక స్థాయిలలో చురుకుగా ఉన్నాయని ఇది చూపిస్తుంది.

వైద్యులు పెరుగుతున్న సంఖ్య కేవలం తేలికపాటి జ్వరానికి సంబంధించినది కాదని అంటున్నారు. పిల్లలు, వృద్ధులు, రోగనిరోధక శక్తి తక్కువగా ఉండే వ్యక్తులలో.. ఈ ఇన్ఫెక్షన్లు తీవ్రమైన వ్యాధి రూపం దాల్చుతున్నాయి. ఆసుపత్రులపై అదనపు ఒత్తిడిని కలిగిస్తున్నాయి.

రద్దీ, వేగంగా పెరుగుతున్న జనాభా వైరస్ వ్యాప్తికి ప్రధాన కారణంగా మారుతుంది. నగరాల్లో ప్రజా రవాణా, కార్యాలయాలు, మార్కెట్లు ప్రతిరోజూ లక్షలాది మందిని దగ్గరకు తీసుకువస్తాయి. దీనివల్ల ఇన్ఫెక్షన్ వేగంగా వ్యాప్తి చెందుతుంది.

కాలుష్యం కూడా ప్రభావం చూపుతోంది. చెడు గాలి ఊపిరితిత్తులు, రోగనిరోధక వ్యవస్థను బలహీనపరుస్తుంది. దీని వలన దగ్గు, జలుబు, జ్వరం వచ్చే ప్రమాదం పెరుగుతుంది. వాతావరణంలో మార్పులు, దోమలు, వైరస్లు వేగంగా పెరగడానికి కారణమవుతాయి.

కొవిడ్ -19 తర్వాత ఇమ్యూనిటీలో వచ్చిన మార్పులు కూడా దీనికి కారణమవుతున్నాయి. అంతేకాకుండా హెపటైటిస్, డయోరియా వంటివి కూడా వేగంగా పెరుగుతున్నాయి.

నిపుణుల అభిప్రాయం ప్రకారం.. రోజువారీ అలవాట్లే అతిపెద్ద రక్షణ. చేతులు కడుక్కోవడం, మాస్క్ ధరించడం, శుభ్రమైన నీరు తాగడం, దోమల నుంచి రక్షణ, ఇంట్లో నీరు నిల్వ లేకుండా చూడటం, పోషకాహారం తీసుకోవడం, తగినంత నిద్రపోవడం వంటివి ఫాలో అవ్వాలి. అలాగే ఫ్లూ, హెపటైటిస్ టీకాలు సకాలంలో వేయించుకోవడం చాలా ముఖ్యం.