Intestinal Worms : కడుపులో నులి పురుగులను దూరం చేసే ఇంటి చిట్కాలివే.. పిల్లలకే కాదు, పెద్దలకి కూడా

Home Remedies to Intestinal Worms : పొట్టలో పురుగులు ఉంటే కడుపు నొప్పి, ఆకలి తగ్గడం, బలహీనత వంటి లక్షణాలు కనిపిస్తాయి. మందులు లేకుండా ఉపశమనం కలిగించే ఇంటి చికిత్సలు ఇప్పుడు తెలుసుకుందాం.

నులిపురుగులను తగ్గించే ఇంటి చిట్కాలు(Image Source : Freepik)

ఒక చెంచా పచ్చి బొప్పాయి రసం తీసుకుని.. దానిలో తేనె కలిపి.. పరగడుపున ఉదయం తాగండి. పచ్చి బొప్పాయి కడుపులో ఉండే నులి పురుగులను చంపుతుంది. జీర్ణక్రియను మెరుగుపరుస్తుంది.

ప్రతిరోజూ ఉదయం పరగడుపున 2 పచ్చి వెల్లుల్లి రెబ్బలను నమిలి నీరు తాగండి. వెల్లుల్లిలో ఉండే సల్ఫర్ సమ్మేళనాలు కడుపులోని పురుగులను చంపడానికి సహాయపడతాయి.

కొన్ని తాజా వేపాకులను మెత్తగా నూరి రసం తీసి.. ఉదయం పరగడుపున తాగాలి. కావాలంటే వేప పొడి కూడా తీసుకోవచ్చు. వేప యాంటీ-పరాసిటిక్గా పనిచేస్తుంది. ఇది శరీరంలోని క్రిములను బయటకు పంపడానికి సహాయపడుతుంది.

ఒక గ్లాసు వేడి నీరు లేదా పాలల్లో అర టీస్పూన్ పసుపు కలిపి ఉదయాన్నే తీసుకోండి. పసుపు సహజ క్రిమినాశకి. ఇది పేగులను శుభ్రపరచడానికి, పురుగులను తొలగించడానికి సహాయపడుతుంది.

గుమ్మడికాయ గింజలను వేయించి తినండి. లేదా పొడి చేసి నీరు లేదా పాలతో తీసుకోండి. వాటిలో ఉండే సమ్మేళనాలు కడుపులోని పురుగులను శరీరం నుంచి బయటకు పంపడానికి సహాయపడతాయి.

చిటికెడు వామును బెల్లంతో కలిపి ఉదయం పూట తినండి. ఈ మిశ్రమం కడుపులో ఉండే పురుగులను చంపుతుంది. జీర్ణశక్తిని కూడా మెరుగుపరుస్తుంది.