Anandi: సోడాల శ్రీదేవి.. నీ చూపు తగిలితే గుండె గుబేలే!

Image Credit: Anandhi/Twitter

‘శ్రీదేవి సోడా సెంటర్’లో చురకత్తుల్లాంటి కళ్లతో సొగసు బాణాలేస్తున్న ఆనంది మన తెలుగమ్మాయే. తెలంగాణలోని వరంగల్‌కు చెందిన ఆనంది.. ‘ఈ రోజుల్లో’, ‘బస్‌స్టాప్’ సినిమాలు యూత్‌ను ఆకట్టుకుంది.

ఆ తర్వాత వరుణ్ సందేశ్ హీరోగా నటించిన ‘ప్రియతమా నీవచట కుశలమా’ అనే సినిమాలో హీరోయిన్‌గా కనిపించింది. ఆ సినిమా ఫ్లాప్ కావడంతో ఆనంది చిన్న చిన్న పాత్రలకే పరిమితమైంది.

టాలీవుడ్‌లో అవకాశాలు సన్నగిల్లుతున్న సమయంలో ‘పొరియాలన్’ అనే తమిళ సినిమాలో అవకాశం లభించింది. ఆ చిత్రంలో ఆమె ప్రేక్షకులను మెప్పించడంతో ‘కయాల్’ అనే చిత్రంలో అవకాశం లభించింది.

‘కయాల్’ సినిమాలో టైటిల్ పాత్ర పోషించిన ఆనంది నటనకు తమిళనాడు స్టేట్ ఫిల్మ్ అవార్డుల్లో స్పెషల్ ప్రైజ్ నామినేట్ అయ్యింది. బెస్ట్ డెబ్యూట్ ఆర్టిస్ట్‌గా విజయ్ అవార్డును అందుకుంది. ఈ చిత్రంతో ఆనంది కాస్తా కయాల్ ఆనందిగా మారింది.

గ్లామర్ పాత్రలకు దూరంగా.. అభినయానికి అవకాశం ఉన్న సినిమాలనే ఎంపిక చేసుకుంటూ తమిళ ప్రేక్షకులకు దగ్గరయ్యింది.

తమిళ సినిమాలతో మంచి పేరు తెచ్చుకున్న ఆనంది ‘జాంబి రెడ్డి’ సినిమాతో సెకండ్ ఇన్నింగ్స్ మొదలుపెట్టిందనే చెప్పుకోవాలి.

అన్నట్లు ‘శ్రీదేవి సోడా సెంటర్’ ఈ రోజే (ఆగస్టు 26) విడుదల కానుంది. ఆల్ ది బెస్ట.. ఆనంది.

సోడాల శ్రీదేవి.. నీ చూపు తగిలితే గుండె గుబేలే!

సోడాల శ్రీదేవి.. నీ చూపు తగిలితే గుండె గుబేలే!

image 10

సోడాల శ్రీదేవి.. నీ చూపు తగిలితే గుండె గుబేలే!