Miss World 2024 Krystyna Pyszkova : మిస్ వరల్డ్ ఫ్యామిలీలో క్రిస్టినా.. ప్రపంచ సుందరి గురించి ఇంట్రెస్టింగ్ విషయాలివే

Interesting facts about Miss World Winner : చెక్ రిపబ్లిక్ దేశానికి చెందిన క్రిస్టినా పిస్కోవా మిస్ వరల్డ్ 2024 కిరీటాన్ని కైవసం చేసుకుంది. ఈ భామ గురించిన ఆసక్తికరమైన విషయాలు ఇప్పుడు తెలుసుకుందాం.

మిస్ వరల్డ్ 2024 టైటిల్ గ్రహీత క్రిస్టినా పిజ్కోవా

ముంబై వేదికగా జరిగిన మిస్‌ వరల్డ్‌ 2024 విజేతగా చెక్ రిపబ్లిక్ దేశానికి చెందిన క్రిస్టినా పిస్కోవా కిరీటాన్ని అందుకుంది. అనంతరం ఈ భామ మిస్​వరల్డ్ కిరీటంతో ఫోటోలకు క్యూట్ క్యూట్ ఫోజులిచ్చింది.

చెక్ రిపబ్లిక్ దేశానికి చెందిన క్రిస్టినా పిస్కోవా ఏమి చదువుకుంది? ఎలాంటి కార్యక్రమాల్లో ఈమె ఇప్పటివరకు పాల్గొంది వంటి ఇంట్రెస్టింగ్ విషయాలు ఇప్పుడు తెలుసుకుందాం.

ప్రస్తుతం ఈ భామ లా, బిజినెస్​లలో రెండు డిగ్రీలు చదువుతుంది. అంతేకాకుండా చదువుకుంటూనే మోడల్​గా కూడా పలు షోలు, కార్యక్రమాలలో పాల్గొనేది.

24 ఏళ్ల క్రిస్టినా ఇంగ్లీష్, పోలిష్, స్లోవాక్, జర్మన్ భాషలను మాట్లాడగలదు. ఈ భామ చదువు, మోడలింగ్​తో పాటు పలు స్వచ్ఛంద సేవల్లో కూడా పాల్గొంటుంది.

క్రిస్టినా పిస్కోవా టాలెంటెడ్ యువతి మాత్రమే కాదు.. మంచి మనసున్న వ్యక్తి కూడా. పేద పిల్లల కోసం క్రిస్టినా పిస్కోవా అనే ఫౌండేషన్​ను కూడా స్థాపించి.. దానిని నిర్వహిస్తుంది ఈ బ్యూటీ.

టాంజానియాలో పేద పిల్లల చదువు కోసం ఇంగ్లీష్ స్కూల్​ను ప్రారంభించింది. క్రిస్టినా అక్కడ స్వచ్ఛందంగా పనిచేస్తుంది కూడా.

ఫ్లూట్, వయోలిన్ ప్లే చేయడం అంటే క్రిస్టీనాకు చాలా ఇష్టం. ఈ భామ తొమ్మిది సంవత్సరాలుగా ఆర్ట్ అకాడమీలో దీని గురించి శిక్షణ తీసుకుంటుంది.

మిస్ వరల్డ్ క్రిస్టినా పిస్కోవా విజేతగా నిలిచిన తర్వాతా చాలా భావోద్వేగానికి గురైంది. అనంతరం మిస్ వరల్డ్ కిరీటంతో ఫోటోలకు ఫోజులిచ్చింది.