Hansika Motwani: పెళ్లి తర్వాత కూడా ఏం మారలేదు - అదొక్కటి తప్పా అంటున్న హన్సిక

Hansika Motwani Photos: పెళ్లి తర్వాత హీరోయిన్ల లైఫ్‌ స్టైల్లో చాలా మార్పులు వస్తాయి. ఇది స్వయంగా పెళ్లైన చాలామంది హీరోయిన్లు చెప్పిన మాట. కానీ దానికి భిన్నంగా రియాక్ట్‌ అయ్యింది హన్సిక

Image Credit: ihansika/Instagram

Hansika Motwani Photos: ఆపిల్ బ్యూటీ హన్సిక మోత్వాని గురించి పెద్దగా పరిచయం అవసరం లేదు. చిన్న వయసులోనే ‘దేశముదురు’ సినిమాతో టాలీవుడ్ లోకి అడుగు పెట్టి బ్లాక్ బస్టర్ హిట్ అందుకుంది.

ఆ తర్వాత 'కంత్రీ', ‘మస్కా’, ‘కందిరీగ’ లాంటి సినిమాలతో తెలుగు సినీ అభిమానులకు మరింత చేరువయ్యింది. ఆ తర్వాత కూడా సమ్‌థింగ్‌ సమ్‌థింగ్‌, ఓ మై ఫ్రెండ్‌ వంటి సినిమాలతో అలరించిన ఈ బ్యూటీ సడెన్‌గా టాలీవుడ్‌కు దూరమైంది.

ఇక్కడ ఆమెకు ఆఫర్స్‌ తగ్గడంతో కోలీవుడ్‌కు మకాం మార్చింది. అక్కడ వరుస ఆఫర్స్‌, లేడీ ఒరియంటెడ్‌ చిత్రాలు చేస్తూ బిజీ అయిపోయింది.అయితే బొద్దుగా మారి బబ్లీ బ్యూటీ అని పిలుపించుకున్న హన్సిక ఆ తర్వాత సన్నబడిన సంగతి తెలిసిందే.

అప్పటి నుంచి సోషల్‌ మీడియాలో ఫుల్‌ గ్లామర్‌ ట్రీట్‌ ఇస్తుంది. పొట్టి బట్టలు, చీరల్లో గ్లామర్‌ డోస్‌ పెంచేసి ఫొటోలకు ఫోజులు ఇస్తుంది. తాజాగా డిజైనర్‌ సీక్వెన్స్‌ గోల్డ్‌ కలర్‌ చీరలో తళుక్కున మెరిసింది.

ఇదిలా ఉంటే ఏడాది క్రితం చిన్ననాటి మిత్రుడు సోహైల్‌ కథూరియాతో ఏడడుగులు వేసిన ఆమె పెళ్లి తర్వాత కూడా అదే జోరు చూపిస్తుంది. పెళ్లి చేసుకున్నప్పటికీ నటిగా కొనసాగుతుంది.

ఇప్పుడు పాత్రకు ప్రాధాన్యత ఉన్న సినిమాలనే చేస్తుంది. ఈ క్రమంలో 105, గార్డియన్‌, మై నేమ్‌ ఈజ్‌ శ్రుతి చిత్రాలలో నటించింది. మరోవైపు డిజిటల్‌ వరల్డ్‌లో అడుగుపెట్టిది. MY3 మూవీ వెబ్‌ సిరీస్‌తో ఓటీటీలోకి ఎంట్రీ ఇచ్చింది.

ఒకవైపు నటిగా బిజీగా ఉంటూనే మరోవైపు సోషల్‌ మీడియలో ఫుల్‌ గ్లామర్‌ డోస్‌ పెంచేసింది. తరచూ వెకేషన్స్‌ వెళుతూ పొట్టి బట్టల్లో ఫొటోలు షేర్‌ చేస్తుంది. ఇక ఇటీవల ఓ ఇంటర్య్వూలో మాట్లాడిన హన్సిక తన పెళ్లి ముచ్చట్లు చెప్పుకొచ్చింది.

వివాహం తర్వాత తన జీవితంలో ఏం మారలేదంటూ మ్యారీడ్‌ లైఫ్‌ని హ్యాపీగా ఎంజాయ్‌ చేస్తున్నానని చెప్పకనే చెప్పింది. పెళ్లికి ముందు పెళ్లి తర్వాత కూడా నా లైఫ్‌ ఒకేలా ఉంది. నా ఇంటి పేరుతో సహా ఏదీ మారలేదు.

ఒక్క అడ్రస్‌ మాత్రమే మారింది అంటూ చెప్పుకొచ్చింది. హన్సిక మోత్వానిగా గుర్తింపు పొందడానికి చాలా కష్టాపడ్డానని, అందువల్లే తన ఇంటి పేరును మార్చుకోలేదని స్పష్టం చేసింది.