Gold Necklace Price: 2 తులాల బంగారు చైన్‌కు, అంతే మొత్తంలో కాయిన్ తీసుకుంటే ఎంత ఖర్చు అవుతుంది

Gold Rate Today | దీపావళి సందర్భంగా, మార్కెట్లో ఇన్వెస్టిమెంట్ పర్పస్ కోసం బంగారం కొనుగోళ్లు అధికం కావడంతో బంగారం ధరలు పెరుగుతున్నాయి. రెండు తులాల బంగారు హారం, నాణేల ధరల మధ్య వ్యత్యాసం తెలుసుకోండి.

బంగారు ధర

2 తులాల బంగారు చైన్ సాధారణంగా 22 క్యారెట్ల బంగారంతో తయారు చేస్తారు. అంతే బరువున్న బంగారు నాణెం 24 క్యారెట్ల బంగారంతో తయారు చేసింది తీసుకుందాం. క్యారెట్ల వ్యత్యాసం ఒక్కో గ్రాము బంగారం ధరలో మార్పును సూచిస్తుంది.

మేకింగ్ ఛార్జీలు ఆధారంగా ధర మారుతుంది. నెక్లెస్ తయారీని బట్టి, నెక్లెస్ తయారీ ఛార్జీలు బంగారం ధరలో 5 నుంచి 30% వరకు ఉండవచ్చు. అదే నాణేలపై తయారీ ఛార్జీలు తక్కువగా ఉంటాయి. కేవలం 3 శాతం నుండి 11% మధ్య ఉంటుంది.

ఆభరణాలు, నాణేలు రెండింటిపై బంగారం ధర, తయారీ ఛార్జీలతో సహా మొత్తం ధరపై 3 శాతం GST వర్తిస్తుంది. GST ఒకే విధంగా ఉన్నప్పటికీ, నెక్లెస్ పై ధర ఎక్కువ అవుతుంది. ఎందుకంటే తయారీ ఛార్జీలు (Maiking Charges) కూడా ఉంటాయి.

22 క్యారెట్ల బంగారంతో చేసిన 2 తులాల హారం మొత్తం ధర తయారీ ఛార్జీలు, GSTతో కలిపి నేడు దాదాపు 3,58,000 అవుతుంది. రెండు తులాల 24 క్యారెట్ల బంగారు నాణెం ధర దాదాపు 3,57,000 అవుతుంది. కాయిన్ చాలా స్వచ్ఛమైనది.. అయినప్పటికీ కొంచెం చౌకగా ఉంది.

మేకింగ్ ఛార్జీలు తిరిగి ఇవ్వడం సాధ్యం కాదు కనుక, బంగారు చైన్ లతో పోల్చితే నాణేలు వాటి పూర్తి బంగారు విలువను కలిగి ఉంటాయి.

అలంకరణ కోసం నెక్లెస్, చైన్ కొనుగోలు చేస్తారు. అయితే బంగారు నాణేలను ఎక్కువగా ఇన్వెస్టిమెంట్ కోసం కొనుగోలు చేస్తుంటారు. తక్కువ తయారీ ఛార్జీలు, స్వచ్ఛత కారణంగా నాణేలు భవిష్యత్తులో మంచి రాబడిని ఇస్తాయి.