In Pics: హీరో నుంచి అదిరిపోయే బైక్, చూపుతిప్పుకోనివ్వని డిజైన్‌తో అగ్రెసివ్ లుక్!

Hero MotoCorp వ్యవస్థాపకుడు బ్రిజ్‌మోహన్ లాల్ 101వ పుట్టినరోజు జ్ఞాపకార్థం హీరో సెంటెనియల్ లాంచ్ చేశారు. కార్బన్ ఫైబర్‌తో తయారు చేసిన ఈ బైక్‌ కేవలం 100 యూనిట్లు మాత్రమే బయటికి వచ్చాయి.

హీరో సెంటెనియల్ ఎడిషన్

ద్విచక్రవాహనాల తయారీ దిగ్గజ సంస్థ హీరో ఓ కొత్త బైక్‌ను తయారు చేసింది. దీన్ని సంస్థ వ్యవస్థాపకుడైన డాక్టర్ బ్రిజ్ మోహన్ లాల్ ముంజాల్ 101వ జన్మదినం సందర్భంగా తీసుకొచ్చారు.

హీరో సెంటెనియల్ ఎడిషన్ గా పిలుస్తున్న ఈ బైక్ పూర్తిగా లిమిటెడ్ ఎడిషన్. దీన్ని సంస్థ కేవలం 100 యూనిట్లు మాత్రమే తయారు చేసింది.

అయితే, ఈ బైక్‌లు సామాన్య ప్రజలకు అందుబాటులో ఉండవు. పరిమితంగా తయారు చేసి ఈ బైక్‌లను కంపెనీ తన ఉద్యోగులు, బిజినెస్ భాగస్వాములకు మాత్రమే వేలం వేయనుంది.

ఈ బైక్‌ను గతంలోనే హీరో వరల్డ్ ఇవెంట్‌లో చూపించారు. కార్బన్ ఫైబర్ తో తయారైన అగ్రెసివ్ డిజైన్‌తో ఇది అందర్నీ ఆకర్షించింది. కానీ, తాజా డిజైన్‌లో మాత్రం స్వల్ప మార్పులు చేశారు.

ఈ బైక్ బరువు 158 కిలోలు. సింగిల్ సీటు ఉంటుంది. బైక్ ఫ్యుయల్ ట్యాంక్ పైన బ్రిజ్ మోహన్ లాల్ ఫోటోతో ఓ లోగో ఉంది. ఈ సెంటెనియల్ బైక్‌ కరిష్మా ఎక్స్ఎంఆర్ ప్లాట్‌ఫాంపై తయారైనట్లుగా కంపెనీ చెబుతోంది. కరిష్మా కన్నా ఈ బైక్ బరుు స్వల్పంగా తక్కువ.

210 సీసీ సింగిల్ సిలిండర్ యూనిట్‌, 6 స్పీడ్ గేర్ బాక్స్ తో ఇంజిన్ కరిష్మా తరహాలోనే రూపొందించారు. కానీ, పర్ఫామెన్స్ మాత్రం మరింత మెరుగ్గా ఉంటుందని కంపెనీ చెబుతోంది. అయితే, ఈ బైక్ ధర ఎంత అనేది కంపెనీ వర్గాలు వెల్లడించలేదు.