హమాస్‌ ఉగ్రవాదుల్ని వెంటాడి మరీ చంపుతున్న ఇజ్రాయేల్ సైన్యం - వైరల్ వీడియో

Israeli Defence Forces: హమాస్ ఉగ్రవాదుల్ని వెంటాడి మరీ మట్టుబెట్టిన వీడియోని ఇజ్రాయేల్ సైన్యం విడుదల చేసింది.

హమాస్ ఉగ్రవాదుల్ని వెంటాడి మరీ మట్టుబెట్టిన వీడియోని ఇజ్రాయేల్ సైన్యం విడుదల చేసింది.

Israeli Defence Forces Videos:  

వైరల్ వీడియో..

అక్టోబర్ 7వ తేదీన ఇజ్రాయేల్‌పై హమాస్ ఉగ్రవాదులు దాడులు ప్రారంభించారు. అప్పటి నుంచి ఈ యుద్ధం కొనసాగుతూనే ఉంది. హమాస్‌పై ఇజ్రాయేల్‌ సైన్యం ప్రతిదాడులు చేస్తోంది. వాళ్లని వెంటాడి మరీ మట్టుబెడుతోంది. ఈ క్రమంలోనే కొన్ని వీడియోలు విడుదల చేస్తూ వస్తోంది ఇజ్రాయేల్ డిఫెన్స్ ఫోర్సెస్ ( Israel Defense Forces).ఈ క్రమంలోనే ట్విటర్‌లో ఓ వీడియో పోస్ట్ చేసింది. అక్టోబర్ 7వ తేదీన హమాస్ ఉగ్రవాదుల్ని ఎలా వెంటాడి మట్టుబెట్టారో ఈ వీడియోలో చాలా క్లియర్‌గా కనిపించింది. టెర్రరిస్ట్‌లు దాడులు చేసి ఓ కార్‌లో అక్కడి నుంచి పరారవుతుండగా ఇజ్రాయేల్ సైన్యం నిఘా పెట్టింది. నేరుగా ఆ కార్‌ డ్రైవర్‌కి తుపాకీ గురి పెట్టి కాల్చింది. వెంటనే ఆ కార్‌ ఎదురుగా ఉన్న ఓ పోల్‌ని ఢీకొట్టి క్రాష్ అయింది. తరవాత కార్‌లో వెనకాల కూర్చున్న ఉగ్రవాదులు బయటకు పరిగెత్తారు. ఇజ్రాయేల్ సైనికులు వాళ్లని వెంటాడారు. వాళ్లకు చిక్కకుండా ఉగ్రవాదులు అక్కడి నుంచి పరారయ్యారు. అయితే...వాళ్లను సైనికులు మట్టుబెట్టారా లేదా అన్నది వీడియోలో కనిపించలేదు. ఈ కాల్పులతో ఒక్కసారిగా స్థానికులు ఉలిక్కిపడ్డారు. ఇది గమనించిన సైనికులు వాళ్లను సురక్షితంగా వేరే చోటకు చేర్చారు. గాజా సరిహద్దుకి దగ్గర్లోని కిబ్బుట్జ్ ప్రాంతంపైనే ఉగ్రవాదులు ఎక్కువగా దాడులు చేశారు. అక్టోబర్ 7వ తేదీన ముందుగా దాడి చేసింది ఇక్కడే. ఈ ప్రాంతంలోని ప్రజలనే లక్ష్యంగా చేసుకుని దాడులు చేయడం వల్ల వాళ్లు ఆందోళన చెందుతున్నారు. ఇప్పటికే ఇక్కడ 108 మంది ప్రాణాలు కోల్పోయారు. అందుకే...ఈ ప్రాంతంపైనే ప్రత్యేక దృష్టి పెట్టింది ఇజ్రాయేల్ సైన్యం. 

Watch this never-before-seen footage of combat soldiers from the IDF’s Shaldag Unit operating to neutralize terrorists and rescue the civilians of Kibbutz Be’eri:

In the footage, you can see the IDF soliders firing at the terrorists' vehicle, killing the driver who then lost… pic.twitter.com/qnXcqDSzCV

— Israel Defense Forces (@IDF) October 25, 2023

టర్కీ అధ్యక్షుడు తయ్యిప్ ఎర్డోగన్ ( Tayyip Erdogan) హమాస్‌కి మద్దతుగా కీలక వ్యాఖ్యలు చేశారు. హమాస్‌ ఉగ్రసంస్థ కాదని, తమ భూమిని కాపాడుకునేందుకు పోరాటం చేస్తున్న సంస్థ అని తేల్చి చెప్పారు. పార్లమెంట్‌లోనే ఇలా సమర్థించారు. తక్షణమే ఇజ్రాయేల్, హమాస్‌ మధ్య జరుగుతున్న యుద్ధాన్ని (Israel Hamas War) ఆపేయాలని పిలుపునిచ్చారు. ముస్లిం దేశాలన్నీ కలిసికట్టుగా ఈ సమస్యని పరిష్కరించేందుకు సహకరించాలని కోరారు. అక్కడ శాంతియుత వాతావరణం నెలకొనేలా చొరవ తీసుకోవాలని సూచించారు. ఇజ్రాయేల్‌పై ఒత్తిడి తీసుకొచ్చి గాజాపై జరుగుతున్న దాడుల్ని నిలువరించాలని అన్నారు. టర్కీ మంచితనాన్ని ఆసరాగా తీసుకుని ఇజ్రాయేల్ ఈ దాడులకు తెగబడుతోందని మండి పడ్డారు. ఇజ్రాయేల్‌ పర్యటనకు ప్లాన్ చేసినప్పటికీ..ప్రస్తుతం ఆ ఆలోచనను విరమించుకుంటున్నట్టు తెలిపారు. రఫా సరిహద్దు గేట్‌ని (Rafah Border Gate) తెరిచే ఉంచాలని డిమాండ్ చేశారు. అలా అయితేనే గాజాకి సాయం అందించేందుకు వీలవుతుందని స్పష్టం చేశారు. ఇక హమాస్ చేతుల్లో బందీలుగా ఉన్న వాళ్లను విడిపించుకోవాలన్నా సరిహద్దు ప్రాంతాల్ని మూసేయకపోవడమే మంచిదని హితవు పలికారు.