![ABP Premium](https://cdn.abplive.com/imagebank/Premium-ad-Icon.png)
Putin fall in Love: లేటు వయసులో ఘాటు ప్రేమ, 39 ఏళ్ల యువతితో 71 ఏళ్ల పుతిన్ ప్రేమాయణం
రష్యా అధ్యక్షుడు పుతిన్ ప్రేమలో పడ్డారు. ఆయన వయసు 71 ఏళ్లు. ఆయన మిత్రుడి కుమార్తె, 39 ఏళ్ల యువతితో ఆయన గాఢమైన ప్రేమలో పడ్డారు. ప్రస్తుతం ఈ వార్త ప్రపంచ వ్యాప్తంగా హల్చల్ చేస్తోంది.
![Putin fall in Love: లేటు వయసులో ఘాటు ప్రేమ, 39 ఏళ్ల యువతితో 71 ఏళ్ల పుతిన్ ప్రేమాయణం Putin fall in Love 71 year old Putin romance with 39 year old lady Putin fall in Love: లేటు వయసులో ఘాటు ప్రేమ, 39 ఏళ్ల యువతితో 71 ఏళ్ల పుతిన్ ప్రేమాయణం](https://feeds.abplive.com/onecms/images/uploaded-images/2024/02/19/33e52ec7ad87676aa5dac87ef9a19ffd1708358361928916_original.jpg?impolicy=abp_cdn&imwidth=1200&height=675)
Putin Fall In Love: ఎంత ఘాటు ప్రేమయో.. అనే పాటలు తెలిసిందే. అయితే.. ఈ ఘాటు ప్రేమ స్వీట్ ఎయిటీన్లో అయితే బాగుండేది.. కానీ, మనవళ్లను ఎత్తుకోవాల్సిన వయసులో ప్రేమలో పడడమే ఆశ్చర్యంగాను, ఆసక్తిగాను మారింది. అది కూడా.. తనకంటే 31 ఏళ్ల వయసు చిన్నదైన యువతితో ప్రేమాయణం ప్రారంభించడం మరింత విస్మయానికి దారితీసింది. ఈ ప్రేమలో పడింది ఎవరో కాదు.. రష్యా అధ్యక్షుడు వ్లాదమిర్ పుతిన్(Vlodamir putin). తలలు బోడులైనా తలపులు బోడులవునా.. అన్న నానుడి తనకు వర్తించదని చెప్పేస్తున్నారు. అత్యంత సన్నిహితుడి కుమార్తె(Daughter)తోనే ఆయన ప్రేమలో పడ్డారు.
పరిచయం అక్కర్లేనేని పేరు..
పుతిన్. ఈ పేరుకు పెద్దగా పరిచయం అవసరం లేదు. రష్యా అధ్యక్షడి(Russia president)గా కంటే.. ఉక్రెయిన్పై యుద్ధం విషయంలో ఆయన సాగిస్తున్న దూకుడు చర్చనీయాంశం అయింది. ఇప్పుడు తాజా రష్యా విపక్ష నాయకుడు అలెక్సీ నావల్నీ(Alexi Navalny) మరణం వెనుక కూడా పుతిన్ పేరు జోరుగా వినిపిస్తోంది. అమెరికా అధ్యక్షుడు జో బైడెన్ కూడా ఆరోపిస్తున్నారు. ఇంతటి వివాదాస్పద నాయకుడు రష్యా చరిత్రలో లేరని అంటారు. అయితే.. ఇప్పుడు ఇంత బిజీలోనూ.. ఇంత ఉత్కంఠలోనూ.. పుతిన్ ప్రేమలో పడ్డారని తెలుస్తోంది. తలలు బోడులైనా.. తలపులు బోడులవునా.. అన్నట్టుగా పుతిన్ ఇప్పుడు ప్రేమలో పడ్డారు. ఓ యువతిని చాలా గాఢంగా ఆయన ప్రేమిస్తున్నట్టు వార్తలు వచ్చాయి.
71.........39........లవ్!
ప్రస్తుతం పుతిన్ వయసు 71 సంవత్సరాలు. ఆయన ప్రేమించిన ఏకాథరీన్(Ekathreen) వయసు 39 ఏళ్లు. అంటే.. ఇద్దరి మధ్య దాదాపు 31 ఏళ్ల వయసు తేడా ఉంది. అయితే.. ఇదేమీ.. వన్ సైడ్ లవ్ కాదని అంటున్నారు. గత కొన్నాళ్లుగా ఆమె కూడా.. పుతిన్పై మనసు పారేసుకుందట. వినేందుకు కొంత ఎబ్బెట్టుగానే అనిపించినా.. నిజమేనని చెబుతున్నారు. ఫిజిక్ పరంగా పుతిన్ చాలా ఫిట్గా ఉంటారు. ఆయన రోజూ.. 4 గంటలు నిర్విరామంగా వ్యాయామం చేస్తారు. అంతేకాదు.. ఈత కొట్టడం.. జంపింగ్ చేయడం ఆయన హాబీలు. దీంతో వయసు 71 అయినా.. `40 +`గానే కనిపిస్తారు. 39 ఏళ్ల ఎకాథరీనా మిజులినాతో పుతిన్ గత రెండేళ్లుగా ప్రేమాయణం సాగిస్తున్నట్లు రష్యాలో చర్చగా మారింది.
ఎంపీ కుమార్తె
పుతిన్ను ప్రేమించిన ఏకాథరీనా.. ఎవరో కాదు.. పుతిన్ను అన్ని విషయాల్లోనూ సమర్థించే మాజీ సెనెటర్(MP) ఎలెనా మిజులినా(Elena Mijulina) కుమార్తె. ఈమె ప్రస్తుతం క్రెమ్లిన్కు మద్దతుగా ఉండే ‘సేఫ్ ఇంటర్నెట్ లీగ్’కు హెడ్గా వ్యవహరిస్తున్నారు. ఉక్రెయిన్తో యుద్ధం నేపథ్యంలో రష్యాతో పాటు పుతిన్పై వచ్చే విమర్శలను తొలగించడం, లేదా ఖండించడం వంటివి ఆమె చేస్తున్నారు. ఈమెతో పుతిన్ ఉక్రెయిన్ యుద్ధ సమయం నుంచి చాలా సన్నిహితంగా ఉంటున్నారు. ఇక, పుతిన్ ప్రేమాయణం నిజమేనంటూ ఉక్రెయిన్ మీడియా కూడా చెబుతోంది. టెలిగ్రామ్ ఛానళ్లలోనూ జోరుగా ప్రచారం జరుగుతోంది.
విడుకులు-పెళ్లి-విడాకులు!
రష్యా అధినేత పుతిన్కు ఎప్పుడో వివాహం కావడం.. అది విడాకులు కావడం కూడా అయిపోయింది. 2014లో పుతిన్ తన భార్య `లియుడ్మిలా` కు విడాకులు ఇచ్చారు. తర్వాత ఒలిపింక్స్ గోల్డ్ మెడలిస్ట్ `అలీనా కబయేవా`తో ప్రేమాయణం నడిపి.. సహజీవనం చేశారు. వీరికి ముగ్గురు పిల్లలు పుట్టారు. అయితే.. ఆ తర్వాత ఏం జరిగిందో ఏమో.. వీరు దూరంగా ఉంటున్నారు. ఇక అప్పటి నుంచి పుతిన్ ఒంటరి జీవనం సాగిస్తున్నారు. ఈకరమంలోనే ఏకాథరీనాతో లవ్లో పడ్డారు.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)