Us Election 2024 : డొనాల్డ్ ట్రంప్ అనూహ్య నిర్ణయం- ఉపాధ్యక్ష అభ్యర్థిగా జె.డి.వేన్స్‌
Washington: దుండగుల దాడి తర్వాత తొలిసారి ప్రజల ముందుకు వచ్చిన రిపబ్లికన్ పార్టీ అభ్యర్థి డొనాల్డ్ ట్రంప్ సంచలన ప్రకటన చేశారు. ఈ ఎన్నికల్లో ఉపాధ్యక్షుడిగా తనక సహాయకారిగా జె.డి.వేన్స్‌ను ప్రకటించారు.
J.D. Vance: అమెరికా అధ్యక్ష ఎన్నికల్లో డొనాల్డ్ ట్రంప్ అనూహ్యమైన వ్యూహాలతో దూసుకెళ్తున్నారు. ప్రత్యర్థులకు అంచనా వేయలేని ఎత్తులు వేశారనేందుకు ఉపాధ్యక్ష పదవికి పోటీకి నిలిపి వ్యక్తే ఉదాహరణ. రిపబ్లికన్ పార్టీ తరఫున అమెరికా ఉపాధ్యక్ష పదవికి పోటీ పడే అభ్యర్థిగా 39 ఏళ్ల జె.డి.వేన్స్‌ను ఎంపిక చేస్తూ సంచలనం సృష్టించారు.
దుండగులు దాడి చేసిన తర్వాత ట్రంప్‌లో గెలుస్తామన్న కాన్ఫిడెన్స్ చాలా పెరిగిందని రిపబ్లికన్స్ అంటున్నారు. అందుకే రైట్‌ వింగ్‌పై విశ్వాసం ఉన్న వ్యక్తిని తన పార్టీ తరఫున ఉపాధ్యక్షుడిగా పోటీలో పెట్టారనే వాదన వినిపిస్తోంది. తన విధానాలను కఠినంగా విమర్శించే నేతను ఇలా తన నమ్మకస్తుడిగా పక్కన పెట్టుకోవడం అందర్నీ ఆశ్చర్య కలిగిస్తోంది.
"వైస్ ప్రెసిడెంట్‌గా J.D. మన రాజ్యాంగం కోసం పోరాడుతూనే ఉంటాడు, మన టీం కోసం గట్టిగా నిలబడతారు. అమెరికాను మళ్లీ గొప్పగా మార్చడంలో నాకు సహాయకారిగా ఉంటారు. అమెరికా కోసం చేయగలిగినదంతా చేస్తారు" అని ట్రంప్ ట్రూత్ సోషల్‌లో పోస్ట్ చేశారు.
"సుదీర్ఘమైన చర్చలు, మథనం తర్వాత ఈ నిర్ణయం తీసుకున్నాం. చాలా మంది ప్రతిభావంతులు ఉన్నారు. అయినా యునైటెడ్ స్టేట్స్ వైస్ ప్రెసిడెంట్ పదవిని చేపట్టడానికి ఉత్తమమైన వ్యక్తి ఒహియోలోని గ్రేట్ స్టేట్ సెనేటర్ J.D. వాన్స్ అని నేను నిర్ణయించుకున్నాను" అని ట్రంప్ పోస్టు చేశారు.
మిల్వాకీలో రిపబ్లికన్ నేషనల్ కన్వెన్షన్ ప్రారంభ రోజునే ట్రంప్ ఈ ప్రకటన చేశారు.
"జె.డి. మెరైన్ కార్ప్స్‌లో అమెరికాకు గౌరవప్రదమైన సేవలందించారు, ఒహియో స్టేట్ యూనివర్శిటీ నుంచి రెండేళ్లలోనే డిగ్రీ పట్టా తీసుకున్నారు. సుమ్మ కమ్ ల్యాడ్, యేల్ లా స్కూల్ గ్రాడ్యుయేట్, ది యేల్ లా జర్నల్ ఎడిటర్, యేల్ లా వెటరన్స్ అసోసియేషన్ ప్రెసిడెంట్ ఇలా పదవులకు న్యాయం చేశారని ట్రంప్ అన్నారు.
"J.D. రాసిన "హిల్‌బిల్లీ ఎలిజీ" పుస్తకం ది బెస్ట్ సెల్లర్‌గా ఉంది. కష్టపడి పనిచేసే వాళ్లకు గైడ్‌లా మారింది. J.D. టెక్నాలజీ, ఫైనాన్స్‌లో విజయవంతమైన వ్యాపారిగా చాలా అనుభవం ఉంది. ప్రస్తుత ప్రచారంలో పెన్సిల్వేనియా, మిచిగాన్, విస్కాన్సిన్, ఒహియో, మిన్నెసోటాలో అమెరికన్ వర్కర్స్ అండ్ ఫార్మర్స్ కోసం పోరాడిన వారికి మరింత బలంగా నిలబడతారని భవిస్తున్నాను అని ట్రంప్ అన్నారు.
టాప్ హెడ్ లైన్స్
ట్రెండింగ్ వార్తలు
