Weather Latest Update: తెలంగాణ మీదుగా ఉపరితల ఆవర్తనం, తెలుగు రాష్ట్రాలకు స్వల్ప వర్ష సూచన - ఐఎండీ

Hyderabad Weather: హైదరాబాద్ లో ఆకాశం పాక్షికంగా మేఘాలు పట్టి ఉంటుంది. ఉదయం వేళల్లో పొగమంచు పరిస్థితులు ఎక్కువగా ఉండే అవకాశం ఉంది.

ప్రతీకాత్మక చిత్రం

Weather Latest News: ద్రోణి ఒకటి దక్షిణ అంతర్గత కర్నాటక నుండి ఉత్తర అంతర్గత కర్నాటక, విధర్భ  వద్ద ఉన్న ఉపరితల ఆవర్తనం, దక్షిణ ఛత్తీస్‌గఢ్  మీదుగా అంతర్గత ఒడిశా వరకు సముద్ర మట్టానికి సముద్ర మట్టానికి 0.9 కి.మీ ఎత్తులో కొనసాగుతుందని.. హైదరాబాద్ వాతావరణ కేంద్రం అధికారులు తెలిపారు. ఈ రోజు కింది స్థాయిలోని గాలులు ఆగ్నేయం, దక్షిణ దిశల నుంచి తెలంగాణ రాష్ట్రం వైపుకి వీస్తున్నాయని అధికారులు తెలిపారు. దీని కారణంగా ఈ రోజు తెలంగాణ రాష్ట్రంలో తేలీకపాటి నుండి ఒక మోస్తారు వర్షాలు అక్కడ అక్కడ కురిసే అవకాశం ఉంది. రేపు, ఎల్లుండి  రాష్ట్రంలో పొడి వాతావరణం ఏర్పడే అవకాశం ఉందని తెలిపారు.

Hyderabad Weather: హైదరాబాద్ వాతావరణం
హైదరాబాద్ లో ఆకాశం పాక్షికంగా మేఘాలు పట్టి ఉంటుంది. ఉదయం వేళల్లో పొగమంచు పరిస్థితులు ఎక్కువగా ఉండే అవకాశం ఉంది. గరిష్ఠ, కనిష్ఠ ఉష్ణోగ్రతలు వరుసగా 30 డిగ్రీలు, 20 డిగ్రీలుగా ఉండే అవకాశం ఉంది. ఉపరితల గాలులు గంటకు 6 నుంచి 10 కిలో మీటర్ల వేగంతో ఆగ్నేయ దిశగా ఉండే అవకాశం ఉంది. నిన్న గరిష్ఠ ఉష్ణోగ్రత 31.3 డిగ్రీలు, కనిష్ఠ ఉష్ణోగ్రత 20.8 డిగ్రీలుగా నమోదైంది. 81 శాతంగా గాలిలో తేమ శాతం నమోదైంది.

Andhra Pradesh Weather: మరఠ్వాడా, విదర్భ, తెలంగాణ మీదుగా ఉన్న ఉపరితల ఆవర్తనం ఇప్పుడు తూర్పు విదర్భ, పొరుగు ప్రాంతాల మీద సగటు సముద్ర మట్టానికి 0.9కిలో మీటర్ల ఎత్తులో ఉంది. దక్షిణ అంతర్భాగ కర్ణాటక నుంచి అంతర్భాగ ఒడిశా వరకూ ఉన్న ద్రోణి విదర్భ, దక్షిణ ఛత్తీస్ గఢ్ మీద ఉన్న ఉపరితల ఆవర్తనం, ఉత్తర అంతర్భాగ కర్ణాటక మీదుగా సముద్ర మట్టానికి 0.9 కిలో మీటర్ల ఎత్తులో వ్యాపించి ఉంది. 

ఈ ప్రభావంతో దక్షిణ కోస్తా ఆంధ్రలో తేలికపాటి నుంచి ఓ మోస్తరు వర్షాలు కురిసే ఉందని వాతావరణ అధికారులు తెలిపారు. తేలికపాటి నుంచి ఓ మోస్తరు పొగమంచు ఉంటుందని చెప్పారు. ఉత్తర కోస్తాంధ్రలో కూడా వర్ష సూచన ఉందని తెలిపారు. రాయలసీమలో కూడా అక్కడక్కడ జల్లులు పడతాయని వెల్లడించారు. పొగమంచు ఒకటి లేదా రెండు చోట్ల ఉండే అవకాశం ఉందని తెలిపారు. దక్షిణ కోస్తాలో కూడా పొగమంచు ఏర్పడే  అవకాశం ఉందని అధికారులు అంచనా వేశారు.