అన్వేషించండి

అండమాన్‌లో తుపాను హెచ్చరిక- ఏపీ, తెలంగాణకు వర్ష సూచన

అండమాన్‌లో తుపాాను ఏర్పడే అవకాశం ఉందని భారత వాతావరణ శాఖ తెలిపింది.

By : ABP Desam | Updated at : 24 Nov 2022 10:20 AM (IST)

Weather in Telangana Andhra Pradesh Hyderabad on 24 November 2022 latest updates here అండమాన్‌లో తుపాను హెచ్చరిక- ఏపీ, తెలంగాణకు వర్ష సూచన

ప్రతీకాత్మక చిత్రం

రానున్న 48 గంటల్లో ఉత్తర అండమాన్‌కు ఆనుకొని తుపాను ఏర్పడే అవకాశం ఉందని భారత వాతావరణ శాఖ వెల్లడించింది. రేపటికల్లా దీనిపై క్లారిటీ వస్తుందని పేర్కొంది. మరోవైపు నిన్నటి వరకు కొనసాగిన అల్పపీడనం పూర్తిగా బలహీన పడింది. దీని ప్రభావంతో రాయలసీమ, దక్షిణ కోస్తా ప్రాంతంలో వర్షాలు పడొచ్చని అంచనా వేస్తోంది. తమిళనాడులో కూడా వానలు పడొచ్చని తెలిపింది వాతావరణ శాఖ.

దక్షిణ ఆంధ్రప్రదేశ్-ఉత్తర తమిళనాడు తీరాలకు ఆనుకుని నైరుతి బంగాళాఖాతం మీదుగా ఏర్పడిన అల్పపీడనం ఇప్పుడు దక్షిణ కోస్తా ఆంధ్రప్రదేశ్ దానికి ఆనుకొని ఉన్న పొరుగు ప్రాంతాలపై ఉంది. బుధవారం వివిధ ప్రాంతాల్లో నమోదైన ఉష్ణోగ్రతల వివరాలు ఇలా ఉన్నాయి. కోస్తా ఆంధ్రప్రదేశ్: తడ (నెల్లూరుజిల్లా) 9సెం.మీ.: సూళ్లూరుపేట (నెల్లూరు జిల్లా ) 9సెం.మీ.; రాయలసీమ: సత్యవేడు (చిత్తూరు జిల్లా) 9సెం.మీ.

 A fresh cyclonic circulation is likely to emerge over north Andaman Sea during next 48 hours.
Minimum Temperature Forecast
 Gradual fall in minimum temperatures by 3-5⁰ C likely over Odisha during next 5 days. pic.twitter.com/GYLAPn27BB
— India Meteorological Department (@Indiametdept) November 23, 2022

అల్పపీడన ప్రభావంతో మధ్య భారతదేశంలోని అనేక ప్రాంతాల్లో కనిష్ట ఉష్ణోగ్రతలు సాధారణం కంటే 2-4ﾟC కంటే తక్కువగా నమోదు కానున్నాయి. రాబోయే 5 రోజుల్లో ఒడిశాలో కనిష్ట ఉష్ణోగ్రతలు 3-5⁰ C తగ్గే అవకాశం ఉంది.

Weather systems, rainfall/thunderstorm Forecast & Warnings:
 Yesterday’s Low Pressure Area over Westcentral and adjoining Southwest Bay of Bengal off south Andhra Pradesh-north Tamil Nadu coasts now lies over south coastal Andhra Pradesh & neighbourhood.
— India Meteorological Department (@Indiametdept) November 23, 2022

తెలంగాణలో వాతావరణం

తెలంగాణలో వాతావరణం పొడిగా ఉంటుంది. ఆకాశం మేఘావృతమై ఉంమటుంది. హైదరాబాద్‌లో పొగమంచు కురిసే అవకాశం ఉంది. గరిష్ట, కనిష్ట ఉష్ణోగ్రతలు వరుసగా 30 డిగ్రీలు, 21 డిగ్రీల మధ్య ఉండే ఛాన్స్ఉంది. ఈశాన్య దిశ నుంచి గాలులు, గంటకు నాలుగు నుంచి ఎనిమిది కిలోమీటర్ల వేగంతో వీయొచ్చు. తెలంగాణలోని దక్షిణ జిల్లాల్లో ఉరుములతో కూడిన తేలికపాటి వర్షాలు కురుస్తాయని హైదరాబాద్ వాతావరణ శాఖ వెల్లడించింది. నవంబర్‌ 24, 25, 26 తేదీల్లో ఈ పరిస్థితి కనిపిస్తుందని అధికారులు ప్రకటించారు.