వీడియో: రోడ్డుపై విమానం.. ఫుట్ ఓవర్ బ్రిడ్జి కింద ఇరుక్కున్న ఎయిరిండియా ఫ్లైట్

ఎయిర్ ఇండియా విమానం ఎరక్కపోయి.. ఇరుక్కుపోయింది. ఈ వీడియో ఇప్పుడు సోషల్ మీడియాలో వైరల్‌గా మారింది.

వంతెన కింద చిక్కుకున్న విమానం (Credit: Twitter)

వంతెనల కింద భారీ లారీలు చిక్కుకోవడం చూస్తూనే ఉంటాం. అయితే, విమానం చిక్కుకోవడాన్ని ఎప్పుడైనా చూశారా? అయితే, మీరు తప్పకుండా ఈ వీడియో చూడాల్సిందే. అయిన.. రన్ వేపై ఉండాల్సిన విమానం రోడ్డుపైకి ఎందుకు వచ్చిందనేగా మీ అనుమానం? 

ఢిల్లీ-గుర్గావ్ హైవేలో ఇందిరాగాంధీ ఇంటర్నేషనల్ ఎయిర్ పోర్ట్‌ సమీపంలో చోటుచేసుకున్న ఘటన ఇది. ఇటీవల ఓ విమానాన్ని రోడ్డు మార్గం నుంచి విమానాశ్రయానికి తీసుకెళ్తున్న సమయంలో ఈ ప్రమాదం చోటుచేసుకుంది. విమానం ఎత్తు, ఫుట్ ఓవర్ బ్రిడ్జి ఎత్తును సరిగా అంచనా వేయకపోవడం వల్ల ఈ తప్పిదం జరిగిపోయింది. విమానం కాస్త ముందుకు వెళ్లిన తర్వాత మధ్య భాగం ఫుట్ ఓవర్ బ్రిడ్జికి తగిలి ఇరుక్కుంది. అంతే.. దాన్ని బయటకు తీయలేక సిబ్బంది ముప్పుతిప్పలు పడ్డారు. మరి, ఆ తర్వాత ఏం జరిగిందనేది మాత్రం తెలియరాలేదు.  

అశోక్ రాజ్ అనే ట్విట్టర్ యూజర్ ట్వీట్ చేసిన 40 సెకన్ల వీడియో సోషల్ మీడియాలో వైరల్‌గా మారింది. ఈ ప్రమాదంలో విమానానికి ఎలాంటి నష్టం జరగలేదని, అది వినియోగంలో లేని విమానమని ఎయిర్ ఇండియా ధృవీకరించింది. ఎయిర్ ఇండియా నుంచి ఈ విమానాన్ని కొనుగోలు చేసిన ఓ సంస్థ నిర్వాహకులు విమానాశ్రయం నుంచి తీసుకెళ్తున్న సమయంలో ఈ ప్రమాదం జరిగినట్లు తెలిసింది.

వీడియో:

#WATCH An @airindiain plane ✈️ (not in service) got stuck under foot over bridge. Can anyone confirm the date and location?
The competition starts now👇 pic.twitter.com/pukB0VmsW3

— Ashoke Raj (@Ashoke_Raj) October 3, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి