Viral News: మోదీని, యోగి ఆదిత్యనాథ్‌ని పొగిడినందుకు భార్యకి ట్రిపుల్ తలాక్, తీవ్రంగా హింసించి ఆపై విడాకులు

UP News: యూపీలో ఓ వ్యక్తి తన భార్య ప్రధాని మోదీని పొగిడిందన్న కోపంతో తీవ్రంగా కొట్టాడు. ఆ తరవాత ఆమెకి ట్రిపుల్ తలాక్ చెప్పి విడాకులిచ్చాడు.

యూపీలో ఓ వ్యక్తి తన భార్య ప్రధాని మోదీని పొగిడిందన్న కోపంతో తీవ్రంగా కొట్టాడు. ఆ తరవాత ఆమెకి ట్రిపుల్ తలాక్ చెప్పి విడాకులిచ్చాడు.

Source : X

Viral News in Telugu: యూపీలో ఓ వింత ఘటన జరిగింది. ప్రధాని నరేంద్ర మోదీ, యోగి ఆదిత్యనాథ్‌ని పదేపదే పొగుడుతుందన్న కోపంతో భార్యకి ట్రిపుల్ తలాఖ్ చెప్పాడో భర్త. అయోధ్య కోసం ఈ ఇద్దరూ ఎంతో శ్రమించారని అన్నందుకు ఈ పని చేశాడని ఆమె ఆరోపించింది. పోలీసులకు ఫిర్యాదు చేయగా భర్తతో పాటు అతని కుటుంబ సభ్యులపైనా కేసు నమోదు చేశారు. భర్తతో పాటు అత్త కూడా తనపై దాడి చేసిందని, తీవ్రంగా కొట్టారని ఆమె ఫిర్యాదు చేసింది. తనకు ఉరి వేసి చంపేందుకూ ప్రయత్నించారని పోలీసులకు చెప్పింది. 

"2023లో మా ఇద్దరికీ పెళ్లైంది. ఈ మధ్యే నేను కాస్త బయటకు వెళ్తున్నాను. అయోధ్య వద్ద రోడ్‌లు చూసి నాకు చాలా ఆశ్చర్యం వేసింది. చాలా అందంగా తీర్చి దిద్దారు. అక్కడ ఎంతో అభివృద్ధి జరిగింది. ఆ వాతావరణం నాకెంతో నచ్చింది. ముఖ్యమంత్రి యోగి ఆదిత్యనాథ్‌ని, ప్రధాని నరేంద్ర మోదీని పొగిడాను. అప్పటి నుంచి నా భర్త ప్రవర్తన మారిపోయింది. వెంటనే మా పుట్టింటింకి  పంపించేశాడు. వేడి వేడి పప్పు నాపై విసిరేశాడు. ఓ పెద్దావిడ జోక్యం చేసుకుని నచ్చచెప్పడం వల్ల మళ్లీ కాపురానికి వచ్చాను. అయినా నాకు విడాకులు ఇచ్చాడు"

- బాధితురాలు

#WATCH | Bahraich, Uttar Pradesh: A woman Mariam files a case against her husband alleging she was given triple talaq (divorce) by her husband after she praised PM Modi and CM Yogi Adityanath for development of Ayodhya City

She says, "I am from a village and when I saw the city,… pic.twitter.com/wxrMXtZHS3

— ANI UP/Uttarakhand (@ANINewsUP) August 24, 2024

పెద్ద వాళ్లు వచ్చి చెప్పినా భర్త మాట వినలేదు. యోగి ఆదిత్యనాథ్, మోదీని తిడుతూ అదే సమయంలో తలాక్, తలాక్, తలాక్ అంటూ మూడు సార్లు చెప్పి విడాకులు ఇచ్చాడు. అదే రోజు భార్యను కొట్టాడు. కేసు నమోదు చేసుకున్న పోలీసులు విచారణ చేపడుతున్నారు.