Tamil Nadu Assembly elections: తమిళనాడులో పోటీలో ఉన్న ధనవంతులు వీళ్లే - డబ్బులు గెలిపిస్తాయా?
richest candidates: తమిళనాడు ఎన్నికల్లో ప్రధాన పార్టీల తరపున పోటీ చేస్తు్న్న వారిలో అత్యధిక మంది కోటీశ్వరులు. వారిలో ఓ అభ్యర్థికి దాదాపుగా ఆరు వేల కోట్ల ఆస్తులున్నాయి.
Top 10 richest candidates in the Tamil Nadu Assembly elections: తమిళనాడు అసెంబ్లీ ఎన్నికలు హోరాహోరీ సాగుతున్నాయి. బరిలో నిలిచిన టాప్ 10 అత్యంత ధనిక అభ్యర్థులు తమ శక్తికి తగ్గట్లుగా పోటీ ఇస్తున్నారు. అత్యంత ధనవంతులెవరు..వారు ఎలా పోటీ ఇస్తున్నారో చూద్దాం.
లీమా రోజ్ మార్టిన్ (AIADMK)
ఈ ఎన్నికల్లో అత్యంత సంపన్న అభ్యర్థిగా లీమా రోజ్ మార్టిన్ నిలిచారు. లాటరీ కింగ్ గా పేరొందిన శాంటియాగో మార్టిన్ భార్య అయిన ఆమె, అన్నాడీఎంకే తరపున తిరుచిరాపల్లిలోని లాల్గుడి నియోజకవర్గం నుండి పోటీ చేస్తున్నారు. ఆమె తన ఎన్నికల అఫిడవిట్లో ఏకంగా 5,863 కోట్లకు పైగా ఆస్తులను ప్రకటించి అందరినీ ఆశ్చర్యపరిచారు.
సి. జోసెఫ్ విజయ్ (TVK)
ప్రముఖ సినీ నటుడు, తమిళగ వెట్రి కళగం (TVK) అధినేత విజయ్ రాజకీయాల్లోకి తన తొలి అడుగు వేస్తూనే భారీ ఆస్తులతో రెండో స్థానంలో నిలిచారు. ఆయన మొత్తం ఆస్తుల విలువ 648 కోట్లు . విజయ్ ఈ ఎన్నికల్లో ఉత్తర చెన్నైలోని పెరంబూర్ ,తిరుచ్చి ఈస్ట్ అనే రెండు కీలక నియోజకవర్గాల నుండి బరిలోకి దిగుతున్నారు.
ఆధవ్ అర్జున (TVK)
స్పోర్ట్స్ అడ్మినిస్ట్రేటర్గా గుర్తింపు పొందిన ఆధవ్ అర్జున ప్రస్తుతం టీవీకే పార్టీలో ఎన్నికల ప్రచార నిర్వహణ జనరల్ సెక్రటరీగా ఉన్నారు. చెన్నైలోని విల్లివాక్కం నుండి పోటీ చేస్తున్న ఈయన ఆస్తుల విలువ రూ.534 కోట్లు**. ఇక్కడ ఈయన డీఎంకే ,అన్నాడీఎంకే అభ్యర్థులతో గట్టి పోటీని ఎదుర్కొంటున్నారు.
డాక్టర్ ఇసాక్కి సుబ్బయ్య (AIADMK)
అన్నాడీఎంకే తరపున రెండో అత్యంత ధనిక అభ్యర్థిగా డాక్టర్ ఇసాక్కి సుబ్బయ్య నిలిచారు. వ్యాపారవేత్తగా, అడ్మినిస్ట్రేటర్గా అనుభవం ఉన్న ఈయన రూ.419 కోట్ల ఆస్తులను కలిగి ఉన్నారు. తిరునెల్వేలి జిల్లాలోని అంబసముద్రం నియోజకవర్గం నుండి ఆయన అన్నాడీఎంకే అభ్యర్థిగా పోటీ చేస్తున్నారు.
కార్తీక్ మోహన్ (DMK)
అధికార పార్టీ డీఎంకే తరపున అత్యంత సంపన్న అభ్యర్థిగా కార్తీక్ మోహన్ నిలిచారు. ఈయన ఆస్తుల విలువ సుమారు రూ. 346 కోట్లు. డీఎంకేకు కంచుకోటగా ఉన్న విల్లివాక్కం నియోజకవర్గం నుండి ఈయన బరిలో ఉన్నారు. ఇక్కడ ఈయన టీవీకే అభ్యర్థి ఆధవ్ అర్జునతో తలపడుతున్నారు.
డి. మతియళగన్ (DMK)
కృష్ణగిరి జిల్లా బర్గూర్ నియోజకవర్గం నుండి డీఎంకే అభ్యర్థిగా పోటీ చేస్తున్న డి. మతియళగన్ జాబితాలో ఆరో స్థానంలో ఉన్నారు. 2026 అఫిడవిట్ ప్రకారం ఈయన ఆస్తుల విలువ రూ.304 కోట్లు
వి.జి. రాజేంద్రన్ (DMK)
తిరువళ్లూరు నియోజకవర్గం సిట్టింగ్ ఎమ్మెల్యేగా ఉన్న వి.జి. రాజేంద్రన్ మరోసారి అదే స్థానం నుండి పోటీ చేస్తున్నారు. ఇందిరా ఫౌండేషన్స్ మేనేజింగ్ డైరెక్టర్గా వ్యవహరిస్తున్న ఈయన ఆస్తుల విలువ రూ. 259 కోట్లుగా ప్రకటించారు.
కె.ఆర్. జయరాం (AIADMK)
కోయంబత్తూరులోని సింగనల్లూరు నియోజకవర్గం నుండి ప్రస్తుత ఎమ్మెల్యేగా ఉన్న కె.ఆర్. జయరాం తిరిగి బరిలోకి దిగుతున్నారు. అన్నాడీఎంకేకు చెందిన ఈయన రూ.172 కోట్ల** ఆస్తులను ప్రకటించారు. అయితే ఆస్తులతో పాటు రూ.77.1 కోట్ల అప్పులు , 10 క్రిమినల్ కేసులు కూడా ఈయనపై ఉన్నట్లు అఫిడవిట్లో పేర్కొన్నారు.
కె. నిత్యానందన్ (DMK)
కొంగునాడు మక్కల్ దేశీయ కచ్చి (KMDK) సీనియర్ నాయకుడైన నిత్యానందన్, పొత్తులో భాగంగా డీఎంకే గుర్తు ఉదయించే సూర్యుడు పై పోటీ చేస్తున్నారు. పొల్లాచ్చి నియోజకవర్గం నుండి బరిలో ఉన్న ఈయనకు వ్యవసాయం, వ్యాపార రంగాల్లో పట్టు ఉంది. ఈయన ఆస్తుల విలువ సుమారు రూ. 170 కోట్లు.
మురుగన్ ఆర్.ఎస్. (TVK)
గతంలో అన్నాడీఎంకేలో ఉన్న మురుగన్ ఆర్.ఎస్., ప్రస్తుతం విజయ్ నేతృత్వంలోని టీవీకేలో చేరి తిరునెల్వేలి నియోజకవర్గం నుండి పోటీ చేస్తున్నారు. కాంట్రాక్టర్ , వ్యాపారవేత్త అయిన ఈయన ఆస్తుల విలువ రూ. 158 కోట్లు. జాబితాలో ఈయన పదో స్థానంలో నిలిచారు.
టాప్ హెడ్ లైన్స్
ట్రెండింగ్ వార్తలు
