TGSRTC Rakhi Delivery : రాఖీ రోజు తోబుట్టువులకు రాఖీ, స్వీట్స్ చేరేలా డెలివరీ - తెలంగాణ ఆర్టీసీ కొత్త స్కీమ్

Telangana : దూరంగా ఉన్న తోబుట్టువులకు రాఖీ రోజే రాఖీ, స్వీట్స్ అందించేలా డెలివరీ ఆప్షన్ తెలంగాణ ఆర్టీసీ ప్రారంభిస్తోంది. 19వ తేదీన ఇలా మూడు పొరుగు రాష్ట్రాల్లోనూ డెలివరీ చేయనుంది.

తెలంగాణ ఆర్టీసీ రాఖీ డెలివరీ ఏర్పాట్లు

Source : x

Telangana RTC  Rakhi Delivery : రాఖీ పండుగ వస్తే అన్న, తమ్ముళ్లకు రాఖీలు కట్టే అక్క చెల్లెళ్లకు పండుగే. అయితే ఇంటికి దూరంగా ఉండేవారు.. ఆ రోజు సోదరుల వద్దకు వెళ్లడం అంత తేలికగా అయ్యే పని కాదు. అందుకే ఎక్కువ మంది కొరియర్ సర్వీసుల్ని బుక్ చేసుకుంటారు. కొంత మంది ఆన్ లైన్ లో బుక్ చేస్తూంటారు. కానీ అవి సరిగ్గా రాఖీ రోజే చేరుతాయన్న నమ్మకం లేదు. ఆ రోజు చేరితోనే సోదరీమణులకు కాస్తంత ఊరట. డోర్ డెలివరీల్లో ఉన్న లోపాన్ని తెలంగాణ ఆర్టీసీ గుర్తించింది. అందుకే ఖచ్చితంగా రాఖీ రోజునే.. రాఖీలు, స్వీట్ బాక్సులను డోర్ డెలివరీ చేసే ఆప్షన్ ను అందుబాటులోకి తెచ్చింది.                                                       

ఆగస్టు 19వ తేదీన రాఖీ పర్వదినం. ఆ రోజున  తెలంగాణతో పాటు కర్ణాటక, మహారా ష్ట్ర, ఆంధ్రప్రదేశ్‌లలో రాఖీలు,స్వీట్ బాక్సులను డోర్ డెలివరీ చేయాలని నిర్ణయించుకుంది. బుకింగ్‌ల కోసం ప్రత్యేక కౌంటర్లను ఏర్పాటు చేయనుంది.  రాఖీ పండుగకు నాలుగైదు రోజుల ముందే ప్రత్యేక కౌంటర్లు తెరవాలని అధికారులు భావిస్తున్నారు. కేవలం రాఖీలే కాదు.. వాటితో పాటు స్వీట్ బాక్సులు, బహుమతులు, ఇతర సామగ్రిని కూడా డెలివరీ  చేయనున్నారు. రాష్ట్రంలోని వివిధ ప్రాంతాలతో పాటు పొరుగు రాష్ట్రాలైన ఆంధ్రప్రదేశ్, మహారాష్ట్ర, కర్ణాటక తదితర రాష్ట్రాలకు రాఖీలను డెలివరీ చేసేందుకు అధికారులు నిర్ణయించారు. ఇందుకోసం రాష్ట్రవ్యాప్తంగా కార్గో సర్వీసులు నిర్వహిస్తున్న అన్ని డిపోల్లో  ఏర్పాట్లు చేస్తున్నారు.  బుక్ చేసుకున్న 24 గంటల్లోనే గమ్యస్థానానికి చేరవేయనన్నారు.               

ఇప్పటికే కార్గో సేవలు అందిస్తున్న టీజీఎస్ఆర్టీసీ.. ప్రత్యేక సందర్భాల్లో ఇలాంటి సేవలు అందిస్తోంది. శ్రీరామ నవమి సందర్భంగా   శ్రీ సీతారాముల కల్యాణ తలంబ్రాలను డోర్ డెలివరీ చేశారు.  నియమ నిష్టలతో ధాన్యాన్ని గోటితో ఒలిచి తీసిన కోటి బియ్యం గింజలను తలంబ్రాలుగా ఎన్నో ఏళ్లుగా రాములోరి కల్యాణంలో ఉపయోగిస్తున్నారు.  విశిష్టమైన ఈ తలంబ్రాల కోసం చాలా మంది ఎదురు చూస్తూంటారు.  వీటిని భక్తుల ఇంటికి చేర్చే ప్రక్రియన ుప్రతి ఏాది చేస్తోది.  ఆర్టీసీ సంస్థపై ఉన్న విశ్వాసంతో భక్తులు భారీ సంఖ్యలో తలంబ్రాలను బుక్‌ చేసుకుంది. కనీసం లక్షన్నర మందికి ఇలా ఇలా తలంబ్రాలు డోర్ డెలివరీ చేసింది. 

ఇప్పుడు అదే స్ఫూర్తిగా.. రాఖీల్ని, స్వీట్ బాక్సుల్ని కూడా  ఖచ్చితంగా రాఖీ పౌర్ణమి రోజునే డెలివరీ చేసేందుకు సిద్ధమయింది. ఆర్టీసీకి పూర్తి స్థాయిలో నెట్ వర్క్ ఉండటంతో ఇటీవలి కాలంలో ప్రైవేటు సంస్థల కంటే వేగంగా డెలివరీలు అందిస్తోంది. ఈ రాఖీ డెలివరీలను కూడా సక్సెస్ చేస్తామనే నమ్మకంతో టీజీఎస్ఆర్‌టీసీ ఉంది.