Nara Lokesh: సహకార డెయిరీలను నట్టేట ముంచుతున్నారు, సీఎం జగన్ లోకేష్ ఫైర్
Nara Lokesh: రాష్ట్రంలోని సహకార డెయిరీలను సీఎం జగన్ మోహన్ రెడ్డి నట్టేట ముంచుతున్నారని టీడీపీ జాతీయ ప్రధాన కార్యదర్శి నారా లోకేష్ ఆగ్రహం వ్యక్తం చేశారు.
Nara Lokesh: రాష్ట్రంలోని సహకార డెయిరీలను సీఎం జగన్ మోహన్ రెడ్డి నట్టేట ముంచుతున్నారని టీడీపీ జాతీయ ప్రధాన కార్యదర్శి నారా లోకేష్ ఆగ్రహం వ్యక్తం చేశారు. కమీషన్లకు కక్కుర్తి పడి అప్పనంగా ప్రైవేటు సంస్థలకు కట్టబెట్టేస్తున్నారని దుయ్యబట్టారు. పాడి రైతుల సంక్షేమానికి తూట్లు పోడిచేలా ముఖ్యమంత్రి వ్యవహారిస్తున్నారని విరుచుపడ్డారు. అమూల్కు జగన్ మోహన్ రెడ్డి దాసోహమయ్యారని ఆరోపించారు. 1990వ దశకం ప్రారంభంలో అతిపెద్ద పాల కేంద్రాలలో ఒకటైన చిత్తూరు డెయిరీ నష్టాల కారణంగా మూతపడిందని నారా లోకేష్ గుర్తు చేశారు. 2005లో అప్పటి దివంగత సీఎం రాజశేఖర్ రెడ్డి ఏర్పాటు చేసిన హౌస్ కమిటీ విచారణ జరిపి నష్టాల వల్లే డెయిరీ మూత పడిందని తేల్చిందన్నారు.
పగ, ప్రతీకారాలు మనిషినే కాదు చుట్టూ వున్న అన్నింటినీ ధ్వంసం చేస్తాయి. @ncbn గారి మీద జగన్ రెడ్డి కక్ష కట్టడాలని ధ్వంసం చేసి, రాజధానిని ఆపేసి, పధకాలను నిలిపివేసి, ఆఖరికి రాష్ట్రాన్ని అమ్మేసే స్థాయికి వచ్చింది. తన వ్యక్తిగత కక్ష ఈ రోజు రాష్ట్రానికి, ప్రజలకు నరకాన్ని చూపిస్తోంది. pic.twitter.com/7G5ngGsk0j
— Lokesh Nara (@naralokesh) July 4, 2023
అయితే 99 ఏళ్ల పాటు డెయిరీని ఏడాదికి కోటి చొప్పున అమూల్కు సీఎం జగన్ ఇచ్చేశారన్నారు. డెయిరీకి చెందిన 28 ఎకరాలు, చిల్లింగ్ సెంటర్లు కట్టబెట్టేస్తున్నారని దుయ్యబట్టారు. డెయిరీ ఆస్తుల విలువ రూ. 700 కోట్లకు పైగా ఉందన్నారు. ప్రజా సంపదను కొల్లగొట్టేస్తూ తన అనుచరులకు కట్టబెట్టేస్తున్నారని విమర్శించారు. రైతుల సంక్షేమంపై జగన్కు విశ్వసతనీయత లేదని నారా లోకేష్ ఫైర్ అయ్యారు. జగన్ ‘ప్రతీకార రాజకీయాలకు’ ప్రజా వేదిక, అమరావతి రాజధాని ఉదాహరణలే నిదర్శనమని లోకేష్ పేర్కొన్నారు. జగన్ రాజకీయ పగతో రాష్ట్రాభివృద్ధిని దెబ్బతీస్తున్నారని అన్నారు. జగన్ ప్రతీకార రాజకీయాలు నాలుగేళ్లుగా రాష్ట్రాన్ని నరకంలోకి నెట్టాయని లోకేష్ ఆగ్రహం వ్యక్తం చేశారు.
నమ్మించి భూస్థాపితం చేయడం అంటే ఇదేనేమో! చిత్తూరు డెయిరీని పునరుద్ధరిస్తా అన్న జగన్ రెడ్డి... ఇప్పుడు తన స్వార్థం కోసం రూ.600 కోట్ల విలువైన చిత్తూరు డెయిరీ ఆస్తులని ఏకంగా 99 ఏళ్లకు గుజరాత్ సంస్థ అమూల్ కు నామమాత్ర ధరకు అప్పనంగా ఇచ్చేసాడు. ఇంకెప్పటికీ కోలుకోలేని దెబ్బకొట్టాడు… pic.twitter.com/bt18KnHtJ4
— Telugu Desam Party (@JaiTDP) July 4, 2023
అలాగే నమ్మించి భూస్థాపితం చేయడం అంటే ఇదేనేమో అంటూ ఏపీ టీడీపీ నేతలు విరుచుకు పడుతున్నారు. చిత్తూరు డెయిరీని పునరుద్ధరిస్తానని చెప్పిన సీఎం జగన్..ఇప్పుడు తన స్వార్థం కోసం రూ.600 కోట్ల విలువైన చిత్తూరు డెయిరీ ఆస్తులని ఏకంగా 99 ఏళ్లకు గుజరాత్ సంస్థ అమూల్ కు నామమాత్ర ధరకు అప్పనంగా ఇచ్చేశాడంటూ ఫైర్ అయ్యారు. ఇంకెప్పటికీ కోలుకోలేని దెబ్బకొట్టాడంటూ తెలిపారు.
చిత్తూరు డెయిరీని అధికారంలోకి వచ్చిన వెంటనే పునరుద్ధరిస్తానని మాట ఇచ్చి, ఇప్పుడు మాట మడమ రెండూ తిప్పి, చిత్తూరు జిల్లాకు వచ్చి, చిత్తూరు నడిబొడ్డున ఉన్న వందల కోట్ల ఆస్తిని క్విడ్ ప్రోకో ద్వారా తను లబ్ది పొందేందుకు గుజరాత్ కు చెందిన అముల్ కి కట్టబెడుతున్నాడు.#AmulBabyJagan… pic.twitter.com/BvnrbTzdxA
— Telugu Desam Party (@JaiTDP) July 4, 2023
టాప్ హెడ్ లైన్స్
ట్రెండింగ్ వార్తలు
