Space-X Inspiration4 Returns: స్పేస్ ట్రిప్ పూర్తి.. సురక్షితంగా భూమిని చేరిన స్పేస్ ఎక్స్

స్పేస్‌ ఎక్స్‌కు చెందిన 'క్రూ డ్రాగన్‌' వ్యోమనౌక భూమికి చేరింది. అందులో ప్రయాణించిన నలుగురు వ్యక్తులూ సురక్షితంగా ఉన్నారు.

సురక్షితంగా భూమిని చేరిన స్పేస్ ఎక్స్

అమెరికాకు చెందిన ప్రైవేటు అంతరిక్షయాన సంస్థ స్పేస్​ఎక్స్ మూడు రోజుల పాటు అంతరిక్షంలో ప్రయాణించి భూమికి సురక్షితంగా చేరుకుంది. స్పేస్ ఎక్స్ వాహక నౌక డ్రాగన్‌ 'స్పేస్‌ క్యాప్సుల్‌' అమెరికా కాలమానం ప్రకారం శనివారం సాయంత్రం ఏడు గంటలకు ఫ్లోరిడాలోని సముద్ర తీరంలో దిగింది. అపర కుబేరుడు జేర్డ్‌ ఇజాక్‌మన్‌ నేతృత్వంలో ఈ రోదసి యాత్ర సాగింది.

Teams on @SpaceX’s Go Searcher recovery ship are in the process of securing the spacecraft to be hoisted onto the main deck of the ship, where the #Inspiration4 crew will egress the spacecraft and receive medical checks before a helicopter ride back to Kennedy Space Center.

— Inspiration4 (@inspiration4x) September 18, 2021

ఎలా సాగిందంటే..

స్థానిక కాలమానం ప్రకారం బుధవారం రాత్రి అమెరికాలోని ఫ్లోరిడాలో ఉన్న కెన్నెడీ అంతరిక్ష కేంద్రం నుంచి ఫాల్కన్‌ రాకెట్‌ ద్వారా 'క్రూ డ్రాగన్‌' వ్యోమనౌక నింగిలోకి వెళ్లింది. ప్రయోగించిన 10 నిమిషాలకు క్రూ డ్రాగన్‌ వ్యోమనౌక భూ కక్ష్యలోకి ప్రవేశించింది. భూమికి 575 కిలోమీటర్ల ఎత్తులోకి ఇది చేరింది.

Splashdown! Welcome back to planet Earth, @Inspiration4x! pic.twitter.com/94yLjMBqWt

— SpaceX (@SpaceX) September 18, 2021

హబుల్‌ టెలిస్కోపు ఉన్న ప్రాంతాన్నీ 'క్రూ డ్రాగన్‌' దాటివెళ్లింది. అక్కడ గంటకు 27,360 కిలోమీటర్ల వేగంతో 90 నిమిషాలకు ఒకసారి భూమిని చుట్టింది. ఇది ధ్వని కన్నా 22 రెట్లు ఎక్కువ వేగం. యాత్ర అనంతరం వీరి వ్యోమనౌక ఫ్లోరిడా తీరానికి చేరువలో సాగర జలాల్లో దిగింది.

Happy. Healthy. Home.

Welcome back to Earth, @ArceneauxHayley, @rookisaacman, @DrSianProctor, and @ChrisSembroski!#Inspiration4’s mission doesn’t end here — help us reach our $200 million fundraising goal for @StJude! https://t.co/NBUL2e3f4x pic.twitter.com/hhNQydWVJJ

— Inspiration4 (@inspiration4x) September 19, 2021