Salman Khan: సల్మాన్ ఖాన్‌కు తుపాకీ లైసెన్స్- భద్రత పెంచిన ముంబయి పోలీసులు

Salman Khan: హీరో సల్మాన్‌ ఖాన్‌కు తుపాకీ లైసెన్స్ జారీ చేశారు ముంబయి పోలీసులు.

(Image Source: Getty)

Salman Khan: బాలీవుడ్ స్టార్ సల్మాన్ ఖాన్‌ (Salman Khan) కు తుపాకీ లైసెన్స్ (license) ఇచ్చారు ముంబయి పోలీసులు (Mumbai Police). సల్మాన్ ఖాన్‌ను చంపేస్తామని గ్యాంగస్టర్ లారెన్స్ బిష్ణోయ్ బెదిరించిన కారణంగా ఆయనకు తుపాకీ లైసెన్సును మంజూరు చేస్తూ ముంబయి పోలీసు కమిషనర్ వివేక్ ఫన్ సల్కార్ నిర్ణయం తీసుకున్నారు.

" నటుడు సల్మాన్‌ ఖాన్‌కు తుపాకీ లైసెన్స్ జారీ చేశాం. బెదిరింపు లేఖలు రావడంతో ఆత్మ రక్షణ కోసం ఆయుధ లైసెన్స్ కావాలని సల్మాన్ ఖాన్ అభ్యర్థించారు. దీంతో లైసెన్స్‌కు అనుమతించాం.                                                                 "

-ముంబయి పోలీసులు

Actor Salman Khan has been issued an Arms license after he applied for a weapon license for self-protection in the backdrop of threat letters that he received recently: Mumbai Police

(File Pic) pic.twitter.com/ggQQ2E7sLA

— ANI (@ANI) August 1, 2022

భద్రత పెంపు

బిష్ణోయ్ గ్యాంగ్ బెదిరింపుల కారణంగా హీరో సల్మాన్ ఖాన్‌కు ముంబయి పోలీసులు భారీ భద్రత ఏర్పాటు చేశారు. జూన్ 6 నుంచి సల్మాన్ ఇంటి వద్ద సాయుధ పోలీసులతో కూడిన వ్యాన్‌ను ఉంచారు. ఇటీవల తెలుగు సినిమా షూటింగ్ కోసం హైదరాబాద్ వచ్చిన సల్మాన్ ఖాన్ నగరంలోని పార్క్ హయత్ హోటల్‌లో బస చేయడంతో అక్కడ కూడా భారీ బందోబస్తు ఏర్పాటు చేశారు. 

ప్రైవేటు వ్యక్తుల బందోబస్తును ఏర్పాటు చేశారు. హోటల్ లో ఒక ఫ్లోరును ఆయనకు కేటాయించారు. షూటింగు కోసం హైదరాబాద్ నగరంలో తిరిగినపుడు సల్మాన్ కారుకు ముందూ వెనుకా ఎస్కార్టు కార్లు ఏర్పాటు చేశారు. ముంబయి నగరంలోనూ సల్మాన్‌కు రక్షణ ఏర్పాట్లు చేశారు. బుల్లెట్ ఫ్రూఫ్ కారును ఇచ్చారు.

బిష్ణోయ్ వార్నింగ్

పంజాబీ గాయకుడు సిద్ధూ మూసేవాలాకు పట్టిన గతే సల్మాన్ ఖాన్‌కు పడుతుందని లారెన్స్ బిష్ణోయ్ ఇటీవల బెదిరించారు. ఈ మేరకు బిష్ణోయ్ రాసిన లేఖ సల్మాన్ ఖాన్ తండ్రి సలీంఖాన్‌కు వచ్చింది. బెదిరింపు లేఖ కారణంగా సల్మాన్ తనకు తుపాకీ లైసెన్సు జారీ చేయాలని పెట్టిన వినతి మేరకు పోలీసులు అనుమతి ఇచ్చారు.