COP27 Event: రిషి చర్యలు ఊహాతీతం- బ్రిటన్ ప్రధాని అంత హడావిడిగా ఎక్కడికి వెళ్లినట్లు?
COP27 Event: ఓ కీలక సమావేశం జరుగుతోన్న సమయంలో బ్రిటన్ ప్రధాని అక్కడి నుంచి హడావిడిగా వెళ్లిపోయిన వీడియో సోషల్ మీడియాలో వైరల్ అవుతోంది.
COP27 Event: రిషి సునక్.. బ్రిటన్ ప్రధానిగా ఎన్నికై అందరినీ ఆశ్చర్యపరిచారు. అయితే ప్రధాని బాధ్యతలు స్వీకరించిన తర్వాత కూడా రిషి సునక్ వ్యవహార శైలి కొందరిని ఆశ్చర్యపరుస్తోంది. తాజాగా ప్రపంచ పర్యావరణ సదస్సు కాప్- 27 సదస్సు కొనసాగుతోన్న సమయంలో రిషి.. ఉన్నట్టుండి అక్కడి నుంచి హడావిడిగా బయటకెళ్లిపోయారు. ఇది చూసి అక్కడున్న వారంతా షాక్ అయ్యారు.
ఇదీ జరిగింది
సోమవారం కాప్27 సదస్సు కొనసాగుతున్న సమయంలో రిషి సునక్.. ఆ హాల్‌ నుంచి హడావిడిగా బయటకు వెళ్లిపోయారు. దీంతో ఏం జరుగుతుందో అర్థంకాక అక్కడున్న వారంతా గందరగోళానికి గురయ్యారు. కాప్27 సదస్సులో భాగంగా ఫారెస్ట్‌స్‌ పార్ట్‌నర్‌షిప్‌ ప్రారంభం అయిన కాసేపటికే ఓ సహాయకుడు వచ్చి బ్రిటన్ ప్రధాని రిషి సునక్ చెవిలో ఏదో చెప్పాడు.
అయినా సునక్ అలాగే స్టేజ్‌ మీద కూర్చుని ఉండిపోయారు. ఈ లోపు మరో వ్యక్తి వచ్చి ఆయనతో ఏదో చెప్పగా హడావిడిగా సునక్ అక్కడి నుంచి వెళ్లిపోయారు. ఈ విషయాన్ని యూకేకు చెందిన ఓ వెబ్‌సైట్‌ నిర్వాహకుడు లియో హిక్‌మ్యాన్‌ తెలిపారు.
వైరల్
ఈ వీడియో ప్రస్తుతం సోషల్ మీడియాలో వైరల్ అవుతోంది. ఇందులో రిషి సునక్.. హడావిడిగా సదస్సు నుంచి వెళ్తున్నట్లు కనిపిస్తోంది. ఇంతకూ ఆయన ఎక్కడికి వెళ్లి ఉంటారు? అని అందరూ ఆలోచిస్తున్నారు.
UK prime minister @RishiSunak has just been rushed out of the room by his aides during the middle of the launch for forests partnership at #COP27 pic.twitter.com/OQy9TYkqpX
— Leo Hickman (@LeoHickman) November 7, 2022
అయితే కాప్-27 సదస్సుకు హాజరుకాబోనని రిషి సునక్ ముందు చెప్పారు. ఎందుకో మళ్లీ యూటర్న్‌ తీసుకుని ఈ సదస్సుకు హాజరయ్యారు. ఆదివారం రాత్రే సదస్సుకు చేరుకున్న రిషి.. పర్యావరణ మార్పులు సహా పలు అంశాలపై ప్రసంగించారు. తర్వాత ఇలా కీలక సమావేశం జరుగుతున్న సమయంలో హడావిడిగా అక్కడి నుంచి నిష్క్రమించడం అందరినీ షాక్‌కు గురి చేసింది.
Also Read: Imran Khan: 'యాక్టింగ్‌లో షారూక్ ఖాన్‌ను మించిపోయారు'- ఇమ్రాన్‌ ఖాన్‌పై సెటైర్లు
టాప్ హెడ్ లైన్స్
ట్రెండింగ్ వార్తలు
