Gujarat Election 2022: గుజరాత్ అసెంబ్లీ ఎన్నికల్లో ఓటేసిన ప్రధాని మోదీ

Gujarat Election 2022: గుజరాత్ రెండో విడత పోలింగ్‌లో ప్రధాని నరేంద్ర మోదీ ఓటు వేశారు.

ఓటేసిన ప్రధాని మోదీ

Source : ANI

Gujarat Election 2022: ప్రధాని నరేంద్ర మోదీ.. గుజరాత్ అసెంబ్లీ ఎన్నికల్లో తన ఓటు హక్కు వినియోగించుకున్నారు. రాణిప్‌లోని నిషాన్ పబ్లిక్ స్కూల్‌లో మోదీ ఓటు వేశారు. ప్రస్తుతం గుజరాత్‌లో రెండో విడత పోలింగ్ జరుగుతోంది.

#WATCH | The festival of democracy has been celebrated with great pomp by the people of Gujarat, Himachal Pradesh and Delhi. I want to thank people of the country. I also want to congratulate Election Commission for conducting elections peacefully: Prime Minister Narendra Modi pic.twitter.com/2KKjCq7W1D

— ANI (@ANI) December 5, 2022

" ప్రజాస్వామ్య పండుగను గుజరాత్, హిమాచల్ ప్రదేశ్, దిల్లీ ప్రజలు ఘనంగా జరుపుకున్నారు. దేశ ప్రజలకు నేను కృతజ్ఞతలు చెప్పాలనుకుంటున్నాను. ఎన్నికలను ప్రశాంతంగా నిర్వహించినందుకు ఎన్నికల సంఘాన్ని కూడా నేను అభినందిస్తున్నాను.         "

-  ప్రధాని నరేంద్ర మోదీ

ప్రధాని మోదీతో పాాటు పలువురు ప్రముఖులు ఇప్పటికే తమ ఓటు హక్కును వినియోగించుకున్నారు. గుజరాత్ సీఎం భూపేంద్ర పటేల్ కూడా ఓటు వేశారు. ఉత్తర్‌ప్రదేశ్ గవర్నర్ ఆనందీబెన్ పటేల్ షిలాజ్ అనుపమ్ స్కూల్‌లో పోలింగ్ బూత్ 95లో ఓటు వేశారు.

అహ్మదాబాద్‌లోని చంద్రనగర్ ప్రాథమిక పాఠశాల పోలింగ్ బూత్ 264లో విరామ్‌గామ్ భాజపా అభ్యర్థి హార్దిక్ పటేల్ తన ఓటు హక్కు వినియోగించుకున్నారు.

Ahmedabad | BJP candidate from Viramgam, Hardik Patel cast his vote for the second phase of #GujaratAssemblyPolls at Polling Booth 264 in Chandranagar Primary School pic.twitter.com/iZPQsk6Rfq

— ANI (@ANI) December 5, 2022

పోలింగ్ ఇలా

182 స్థానాలున్న గుజరాత్‌ అసెంబ్లీలో 89 స్థానాలకు డిసెంబర్ 1న తొలి విడత పోలింగ్ జరిగింది. మిగిలిన 93 స్థానాలకు నేడు పోలింగ్‌ కొనసాగుతోంది. ఈ ఎన్నికల్లో భాజపా, ఆప్‌ అన్ని స్థానాల్లో పోటీ చేస్తున్నాయి. ఉత్తర, మధ్య గుజరాత్‌లోని 14 జిల్లాల పరిధిలోని 93నియోజకవర్గాలకు ఓటింగ్‌ జరుగుతోంది.

ఉదయం 8 గంటల నుంచి పోలింగ్ కేంద్రాల వద్ద ఓటర్లు తమ ఓటు హక్కును వినియోగించుకుంటున్నారు. సాయంత్రం 5 గంటల వరకు పోలింగ్‌ జరగనుంది. ఈ నెల ఒకటిన 89 స్థానాలకు పోలింగ్‌ జరగగా.. 63.34 శాతం పోలింగ్‌ నమోదైంది. గత ఎన్నికల కంటే 3 శాతానికిపైగా ఓటింగ్‌ శాతం తగ్గింది.

రెండో విడత పోలింగ్‌ జరుగనున్న 93 స్థానాలకుగాను అన్నిపార్టీల తరఫున 833 మంది అభ్యర్థులు బరిలో ఉన్నారు. ఈ విడతలో 2.54 కోట్ల మంది ఓటుహక్కు వినియోగించుకోనున్నారు. వారికోసం 26,409 పోలింగ్‌ కేంద్రాలను ఏర్పాటు చేయనున్నట్లు కేంద్ర ఎన్నికల సంఘం ప్రకటించింది.