Pakistan Blast: మసీదులో ప్రార్థనలు జరుగుతుండగా ఆత్మాహుతి దాడి, 28 మంది మృతి - పాక్‌లో దారుణం

Pakistan Blast: పాకిస్థాన్‌లోని పెషావర్‌లో మసీదు సమీపంలో ఆత్మాహుతి దాడి చేసింది.

పాకిస్థాన్‌లోని పెషావర్‌లో మసీదు సమీపంలో ఆత్మాహుతి దాడి చేసింది. (Image Credits: AP)

Pakistan Blast: 

మసీదు వద్ద దాడి 

పాకిస్థాన్‌లో ఆత్మాహుతి దాడి జరిగింది. పెషావర్‌లోని ఓ మసీదులో ప్రార్థనలు జరుగుతున్న సమయంలో సమీపంలో భారీగా పేలుడు శబ్దం వినిపించింది. ఈ పేలుడు ధాటికి మసీదు కూడా కొంత మేర ధ్వంసమైంది. ఈ దాడిలో 28 మంది మృతి చెందగా...83 మంది తీవ్రంగా గాయపడ్డారు. మసీదు శకలాల కింద కొందరు చిక్కుకున్నట్టు అనుమానిస్తున్నారు. గాయపడిన వారిని సమీపంలోని ఆసుపత్రికి
తరలించారు. ఆ ప్రాంతాన్ని పూర్తిగా సీజ్ చేశారు. ఆంబులెన్స్‌లను తప్ప మరే వాహనాలనూ అనుమతించడం లేదు. ప్రాథమికంగా అందుతున్న సమాచారం ప్రకారం..మసీదు పైకప్పు ధ్వంసమైనట్టు తెలుస్తోంది. ప్రార్థనలు జరుగుతున్న సమయంలోనే ఓ వ్యక్తి ఆత్మాహుతి దాడికి పాల్పడ్డట్టు తేలింది. చనిపోయిన 17 మందిలో ఇద్దరు పోలీసులు కూడా ఉన్నారు. గాయపడిన వారిలో కొందరి పరిస్థితి విషమంగానే ఉన్నట్టు సమాచారం. ఆర్మీ యూనిట్ ఆఫీస్‌కు దగ్గర్లోని మసీదు వద్ద ఇలాంటి దాడి జరగటం సంచలనమవుతోంది. ఈ పేలుడు శబ్దం దాదాపు 2 కిలోమీటర్ల వరకూ వినిపించినట్టు స్థానికులు వెల్లడించారు. చాలా సేపటి వరకూ పొగ ఆ ప్రాంతాన్ని పూర్తిగా కమ్మేసిందని చెప్పారు. ప్రార్థనలు చేస్తున్న వారిలోనే ముందు వరుసలో కూర్చుని ఆత్మాహుతి దాడికి పాల్పడ్డట్టు పోలీసులు ప్రాథమికంగా చెబుతున్నారు. గతేడాది డిసెంబర్‌ లోనూ పాక్‌లో ఇలాంటి దాడే జరిగింది. ఇస్లామాబాద్‌లో జరిగిన దాడిలో ఓ పోలీస్ ప్రాణాలు కోల్పోయాడు. పలువురు తీవ్రంగా గాయపడ్డారు. ఇప్పటికే పాక్ పరిస్థితి దారుణంగా ఉంది. ద్రవ్యోల్బణం తారస్థాయికి చేరుకుంది. ఓ పూట తిండి తినడానికీ అక్కడి ప్రజలు నానా అవస్థలు పడుతున్నారు. ఈ సమస్యలు చాలవన్నట్టు ఉగ్రవాదమూ వారిని వెంటాడుతోంది. 

 

 

Breaking News: Suicide Bomb Blast inside the Mosque in #Peshawarblast , #Pakistan .

Approximately 19 people have braced Martyrdom, many people injured...

Part of mosque also damaged.

Prayers injured people get well soon. pic.twitter.com/k4FbwagU9H

— Sunil Veer (@sunilveer08) January 30, 2023

#UPDATE A blast at a mosque inside a police headquarters in the Pakistani city of Peshawar on Monday killed and wounded worshippers, police and hospital officials said.

📸 A mosque in Peshawar pic.twitter.com/owuYte40wP

— AFP News Agency (@AFP) January 30, 2023

Strongly condemn the terrorist suicide attack in police lines mosque Peshawar during prayers. My prayers & condolences go to victims families. It is imperative we improve our intelligence gathering & properly equip our police forces to combat the growing threat of terrorism.

— Imran Khan (@ImranKhanPTI) January 30, 2023