Rahul Gandhi: ఆయనలా దైవాంశ సంభూతుడిని కాను, నేనో మామూలు మనిషిని - మోదీపై రాహుల్ గాంధీ సెటైర్లు

Rahul Gandhi News: ప్రధాని మోదీలా తనను పరమాత్మ నడిపించడం లేదని తానో సాధారణ వ్యక్తినని రాహుల్ గాంధీ సెటైర్లు వేశారు.

ప్రధాని మోదీలా తనను పరమాత్మ నడిపించడం లేదని తానో సాధారణ వ్యక్తినని రాహుల్ గాంధీ సెటైర్లు వేశారు.

Rahul Gandhi Dig at PM Modi: లోక్‌సభ ఎన్నికల్లో రాయ్‌బరేలీ, వయనాడ్‌ నుంచి పోటీ చేసిన రాహుల్ గాంధీ రెండు చోట్లా ఘన విజయం సాధించారు. అయితే...ఎక్కడ ఆయన ఎంపీగా ఉంటారన్న సందిగ్ధత మాత్రం ఇంకా కొనసాగుతోంది. దీనిపై రాహుల్ క్లారిటీ ఇచ్చారు. ఈ సందర్భంగా మోదీపై సెటైర్లు వేశారు. ఆయనలా తాను దైవాంశ సంభూతుడిని కానని, ప్రజల మాటే వింటానని చురకలు అంటించారు. దేవుడి చెప్పినట్టు కాకుండా ప్రజలు చెప్పిందే విని అర్థం చేసుకుంటానని వెల్లడించారు. చాలా రోజులుగా తానూ ఈ సందిగ్ధంలో ఉన్నానని చెప్పారు రాహుల్ గాంధీ. రాజ్యాంగం అనుమతినిస్తే రెండు చోట్లా ఎంపీగా ఉండాలని ఆశపడుతున్నట్టు అంతకు ముందు అన్నారు. కేరళలోని మలప్పురంలో జరిగిన సభలో ఈ వ్యాఖ్యలు చేశారు. 

"వయనాడ్‌ ఎంపీగా ఉండాలా, రాయ్‌బరేలీ ఎంపీగా కొనసాగాలా అన్నది నాకు తెలియడం లేదు. ఓ సందిగ్ధంలో ఉండిపోయాను. దురదృష్టవశాత్తూ నన్ను ఏ దేవుడూ నడిపించడం లేదు. ప్రధాని నరేంద్ర మోదీ అయితే పరమాత్మ చెప్పినట్టు వింటారు. ఆయన దైవాంశ సంభూతుడిగా చెప్పుకుంటారు. కానీ నేనో సాధారణ మనిషిని"

- రాహుల్ గాంధీ, కాంగ్రెస్ ఎంపీ

The people of India have spoken - love has defeated hatred, humility has defeated arrogance.

Modi ji has a strange "Paramatma" who guides him to take decisions in favour of Adani and Ambani.

I am a 'biological' human being - my god is the poor people of India, my god is the… pic.twitter.com/r22NNv7S9N

— Rahul Gandhi (@RahulGandhi) June 12, 2024

దేశంలోని బడా ఎయిర్‌పోర్ట్‌లన్నింటినీ అదానీకి అప్పగించాలని బహుశా దేవుడే మోదీని ఆదేశించి ఉంటాడని సెటైర్లు వేశారు. కానీ తనకు ఈ సదుపాయం లేదని వెల్లడించారు. పేద ప్రజలే తనకు దైవంతో సమానమని స్పష్టం చేశారు. 

"నరేంద్ర మోదీని ఆ పరమాత్ముడే అదానీ అంబానీకి అనుకూలంగా నిర్ణయాలు తీసుకోవాలని ఆదేశించాడేమో. కానీ నాకు ఈ సదుపాయం లేదు. నేనో సాధారణ వ్యక్తిని. భారత్‌లోని పేద ప్రజలే నాకు దైవంతో సమానం. వాళ్లతో మనస్పూర్తిగా మాట్లాడతాను. అప్పుడు దేవుడే నేను ఏం చేయాలో నిర్దేశిస్తాడు" 

- రాహుల్ గాంధీ, కాంగ్రెస్ ఎంపీ
 

మోదీజీ ఆలోచన మార్చుకోండి: రాహుల్ 

అంతకు ముందు ప్రధాని నరేంద్ర మోదీ ఓ ఛానల్‌కి ఇచ్చిన ఇంటర్వ్యూలో తాను బయాలజికల్‌గా పుట్టిన వాడిని కాదని, ఆ దేవుడే ఇలా పంపాడని అన్నారు. ఈ వ్యాఖ్యలపై చాలా మంది విమర్శలు చేశారు. సెటైర్లు వేశారు. ఇదే వ్యాఖ్యల్ని ప్రస్తావిస్తూ రాహుల్ ఈ కామెంట్స్ చేశారు. 400 లక్ష్యం నీరు గారిపోయిందని ఎద్దేవా చేశారు. ప్రధాని మోదీ ఇకపై తన ఆలోచనా విధానాన్ని మార్చుకోవాలని, ప్రజలు ఓట్ల రూపంలో ఆ సంకేతం ఇచ్చారని తేల్చి చెప్పారు.