National Logistics Policy: కేంద్ర కేబినెట్ కీలక నిర్ణయాలు- ఆ పాలసీకి ఆమోదం!

National Logistics Policy: నేషనల్ లాజిస్టిక్స్ పాలసీని కేంద్ర కేబినెట్ ఆమోదించింది.

కేబినెట్ కీలక నిర్ణయాలు

National Logistics Policy: ప్రధాని నరేంద్ర మోదీ అధ్యక్షతన సమావేశమైన కేంద్ర కేబినెట్ కీలక నిర్ణయాలు తీసుకుంది. ఈ నెల 17న ప్రధాని మోదీ ప్రారంభించిన నేషనల్ లాజిస్టిక్స్ పాలసీని కేబినెట్ ఆమోదించింది. కేబినెట్ నిర్ణయాలను కేంద్ర సమాచార, ప్రసార శాఖ మంత్రి అనురాగ్ సింగ్ ఠాకూర్ వెల్లడించారు.

Cabinet has approved Production Linked Incentive (PLI) Scheme on ‘National programme on High Efficiency Solar PV Modules’ for achieving manufacturing capacity of Giga Watt (GW) scale in High Efficiency Solar PV Modules: Union Minister Anurag Thakur pic.twitter.com/P6HLHIdigE

— ANI (@ANI) September 21, 2022

" నేషనల్ లాజిస్టిక్స్ పాలసీకి కేబినెట్ ఆమోదం తెలిపింది. లాజిస్టిక్స్ పనితీరు ఇండెక్స్ ర్యాంకింగ్‌ను మెరుగుపరచడమే దీని లక్ష్యం. 2030 నాటికి టాప్ 25 దేశాలలో భారత్‌ను చేర్చాలి. హై ఎఫిషియెన్సీ సోలార్ పివి మాడ్యూల్స్‌లో గిగా వాట్ స్కేల్ తయారీ సామర్థ్యాన్ని సాధించడానికి 'నేషనల్ ప్రోగ్రాం ఆన్ హై ఎఫిషియెన్సీ సోలార్ పివి మాడ్యూల్స్'పై ప్రొడక్షన్ లింక్డ్ ఇన్సెంటివ్ (పీఎల్‌ఐ) స్కీమ్‌ను కేబినెట్ ఆమోదించింది                 "

-అనురాగ్ ఠాకూర్, కేంద్ర మంత్రి 

కేబినెట్ నిర్ణయాలు

• సౌరశక్తి ప్లాంట్ల కోసం కేంద్రం రూ.19,500 కోట్లు మంజూరు చేసింది. 
• పీఎల్‌ఐ స్కీమ్ కిందకు సోలార్ ప్యానెళ్లను తెచ్చారు.
• 14 రంగాలకు ప్రోత్సాహం కల్పించేందుకు పీఎల్‌ఐ స్కీమ్ తీసుకొచ్చింది.
• సెమీ కండక్టర్ల అభివృద్ధి కార్యక్రమానికి కూడా కేంద్ర కేబినెట్ ఆమోదం తెలిపింది. 

లాజిస్టిక్ పాలసీ

నేషనల్ లాజిస్టిక్స్ పాలసీని కేంద్రం ఆమోదించింది. ఈ పాలసీలో భాగంగా 2030 నాటికి టాప్ 25 దేశాల్లో చేరేలా లాజిస్టిక్ ఇండెక్స్ ర్యాంకింగ్ మెరుగుపరుచుకునే చర్యలు చేపడతారు. వస్తువులు దేశవ్యాప్తంగా అంతరాయాలు లేకుండా రవాణా అయ్యే విధంగా చేయడం కోసం ఈ విధానం ఉపయోగపడుతుంది.

కరోనా సంక్షోభంలో బయట తిరగలేని పరిస్థితుల్లో ప్రజలకు వస్తు సేవలు అందుబాటులోకి రావడానికి లాజిస్టిక్స్ రంగం ఎంతగానో ఉపయోగపడిందని కేబినెట్ గుర్తించింది. అంతర్జాతీయ ఈ-కామర్స్ సంస్థలు లాజిస్టిక్ రంగాన్ని వినియోగించుకుని ప్రపంచ వ్యాప్తంగా సేవలందిస్తున్నాయి. దీంతో ఆయా ఉత్పత్తులను దేశ విదేశీ వినియోగదారుల చెంతకు చేర్చడానికి లాజిస్టిక్స్ రంగాన్ని ప్రోత్సహించడం తక్షణావసరమని కేబినెట్ అభిప్రాయపడింది.

పారిశ్రామిక, ఈ-కామర్స్, సేవా రంగాల్లో వృద్ధికి అనుగుణంగా లాజిస్టిక్స్ రంగాన్ని ప్రోత్సహించాలని మంత్రివర్గం నిర్ణయించింది. ఇందులో భాగంగా రూపొందించిన లాజిస్టిక్స్ పాలసీని ఆమోదించింది.