Viral News: ప్రపంచంలో అత్యంత వివాదాస్పద సినిమా ఇదే - 150 దేశాల్లో బ్యాన్ - డైరక్టర్‌ని కూడా లేపేశారు!

Film : సినిమా భావ వ్యక్తీకణకు ఓ మార్గం. అయితే వివాదాస్పద అంశాలపై తీస్తే మాత్రం చాలా కష్టాలొచ్చేస్తాయి. అలాంటి సినిమానే ఇది.

150 దేశాల్లో నిషేధించిన సినిమా ఇది !

Source : x

Most Controversial Film: ప్రపంచ సినిమా చరిత్రలో ఎన్నో వివాదాస్పద సినిమాలు ఉంటాయి. అయితే వాటిలో నెంబర్ వన్ సినిమా మాత్రం ఒకటి ఉంది. దాన్ని 150 దేశాల్లో నిషేధించారు. చివరికి ఆ దర్శకుడ్ని కూడా చంపేశారు.                                                 

ఈ అత్యంద వివాదాస్పద సినిమాపేరు సాలో. కొన్ని భాషల్లో దీన్ని 120 డేస్ ఆఫ్ సొదొమ్ అనే పేరుతో రిలీజ్ చేయాలనుకున్నారు. మొదట ఇటాలియన్‌ భాషలో రూపొందించి విడుదల చేశారు. అయితే ఆ తర్వాత ఈ సినిమా సృష్టించిన ప్రకంపనల కారణంగా  150 దేశాలలో నిషేధించారు. సినిమా విడుదలైన కొద్ది రోజులకు ఈ సినిమా నిర్మాత, దర్శకుడు పియర్ పాలో పసోలిని దారుణంగా చంపేశారు.                       

1975లో విడుదలైన ఈ చిత్రం పూర్తిగా పొలిటికల్ కథతో ఉంటుంది.  మార్క్విస్ డి సేడ్  అనే ప్రసిద్ధ రచయిత రాసిన  నవల " ది 120 డేస్ ఆఫ్ సోడోమ్" ఆధారంగా తెరకెక్కించారు. రెండవ ప్రపంచ యుద్ధం  సమయంలో సాగే ఈ కథ ఈ సినిమా అంతా ఉటుంది. నలుగురు ధనవంతులు, అవినీతిపరులు కలిసి  18 మంది యువకులు, మహిళలను కిడ్నాప్ చేసి నాలుగు నెలల పాటు శారీరకంగా, మానసికంగా హింసించడమే సినిమా కథ.  నాజీలు యువతీ, యువకులను ఎలా హింసించారో..  ఈ చిత్రంలో చూపించారు. లైంగిక వేధింపులు, శాడిజం, క్రూరమైన హింస ,  హత్య చేయడం వంటి హింసాత్మక దృశ్యాలు సినిమా అంతా ఉంటాయి.            

పుస్తకం ఆధారంగా తీర్చిదిద్దినప్పటికీ రిలీజ్ తర్వాత తీవ్ర వివాదాస్పదం అయింది. ఈ చిత్రాన్ని  1993 వరకు ఆస్ట్రేలియాలో బ్యాన్ చేశారు. తర్వాత ఎత్తేసినా మళ్లీ 1998లో నిషేధించారు.  ఈ చిత్రం విడుదలైన కొన్ని రోజుల తర్వాత చిత్ర దర్శకుడు పియర్ పాలో పసోలిని గుర్తు తెలియని వ్యక్తులు చంపేశారు. ఇందులో ఉన్న కంటెంట్ కారణంగా చాలా దేశాలు ఈ సినిమాను నిషేధించాయి. అయితే ఈ సినిమాకు మద్దతుదారులు కూడా ఉన్నారు. నాజీల హింసను వ్యతిరేకించేవారంతా ఈ సినిమాకు మద్దతుగా నిలిచారు.                                  

అందుకే ఈ సినిమా ఇప్పటికీ అత్యంత వివాదాస్పద సినిమాగా నిలిచింది. ఈ సినిమా ప్రింట్ దాదాపుగా ఎక్కడా దొరకదు.