New Parliament Opening: గర్వంతో గుండె ఉప్పొంగుతోంది, కలలను నెరవేర్చుకునే వేదిక ఇది - కొత్త పార్లమెంట్‌పై ప్రధాని ట్వీట్

New Parliament Opening: కొత్త పార్లమెంట్ ప్రారంభోత్సవం సందర్భంగా ప్రధాని మోదీ ఆసక్తికర ట్వీట్ చేశారు.

కొత్త పార్లమెంట్ ప్రారంభోత్సవం సందర్భంగా ప్రధాని మోదీ ఆసక్తికర ట్వీట్ చేశారు. (Image CreditsL Twitter)

New Parliament Opening:

సాధికారతకు చిహ్నం..

కొత్త పార్లమెంట్‌ని ప్రధాని నరేంద్ర మోదీ ప్రారంభించారు. ఘనంగా ఈ కార్యక్రమం నిర్వహించారు. పార్లమెంట్‌ని ప్రారంభించిన వెంటనే ఆయన సెంగోల్‌ని లోక్‌సభలో ఏర్పాటు చేశారు. మత గురువులు, సాధువుల పూజల మధ్య ఈ తంతు శాస్త్రోక్తంగా ముగిసింది. ఈ క్రమంలోనే ప్రధాని నరేంద్ర మోదీ ఆసక్తికర ట్వీట్ చేశారు. కొత్త పార్లమెంట్‌ని ప్రారంభించడం ఎంతో గర్వంగా ఉందని అన్నారు. భారత దేశ సాధికారతకు ఇది చిహ్నంగా మారుతుందని ఆకాంక్షించారు. కలలన్నింటినీ నిజం చేసేందుకు ఇది వేదిక అవుతుందని వెల్లడించారు. 

"భారత దేశ కొత్త పార్లమెంట్‌ ప్రారంభించుకున్నాం. మనందరి గుండెలు గర్వంతో ఉప్పొంగుతున్నాయి. నమ్మకంతో నిండిపోయాయి. మన దేశ సాధికారతకు ఈ భవనం నిలువెత్తు నిదర్శనంగా ఉంటుందని ఆకాంక్షిస్తున్నాం. కొత్త కలలను కనడంతో పాటు వాటిని నిజం చేసుకునేందుకు ఇది వేదికగా మారుతుందని ఆశిస్తున్నాను. మన దేశ స్థాయిని పెంచడమే కాకుండా..కొత్త శిఖరాలు చేరుకోడానికి ఇది ఉపకరిస్తుందని భావిస్తున్నాను. మన దేశం మరింత శక్తిమంతంగా మారుతుందని నమ్ముతున్నాను"

- ప్రధాని నరేంద్ర మోదీ 

 

As the new building of India’s Parliament is inaugurated, our hearts and minds are filled with pride, hope and promise. May this iconic building be a cradle of empowerment, igniting dreams and nurturing them into reality. May it propel our great nation to new heights of progress. pic.twitter.com/zzGuRoHrUS

— Narendra Modi (@narendramodi) May 28, 2023

आज का दिन हम सभी देशवासियों के लिए अविस्मरणीय है। संसद का नया भवन हम सभी को गर्व और उम्मीदों से भर देने वाला है। मुझे पूर्ण विश्वास है कि यह दिव्य और भव्य इमारत जन-जन के सशक्तिकरण के साथ ही, राष्ट्र की समृद्धि और सामर्थ्य को नई गति और शक्ति प्रदान करेगी। pic.twitter.com/aOReN4JiF4

— Narendra Modi (@narendramodi) May 28, 2023

కొత్త పార్లమెంట్ భవనాన్ని ప్రధాని నరేంద్ర మోదీ ప్రారంభించి జాతికి అంకితం చేశారు. పూజతో ప్రారంభమైన కార్యక్రమంలో లోక్‌సభ స్పీకర్ ఓం బిర్లా ప్రధాని వెంట ఉన్నారు. పూజ తర్వాత, ప్రధానమంత్రి, లోక్‌సభ స్పీకర్ బిర్లా కొత్త లోక్‌సభలోకి ప్రవేశించారు. అక్కడ స్పీకర్ కుర్చీకి సమీపంలో చారిత్రాత్మక 'సెంగోల్'ని మోదీ ఏర్పాటు చేశారు. అనంతరం, కొత్త పార్లమెంట్ భవన ప్రారంభోత్సవానికి గుర్తుగా ఫలకాన్ని ప్రధాని ఆవిష్కరించారు. ప్రధానమంత్రి నరేంద్ర మోదీకి పీఠాధిపతులు చారిత్రాత్మకమైన 'సెంగోల్'ను అందజేయగా, కొత్త పార్లమెంట్ భవనంలోని లోక్‌సభ స్పీకర్ కుర్చీ దగ్గర దానిని ఏర్పాటు చేశారు. కొత్త పార్లమెంట్ భవనం ప్రారంభోత్సవం ప్రారంభోత్సవం సందర్భంగా జరిగిన వేడుకలో ఆయన 'సెంగోల్' ముందు గౌరవ సూచకంగా సాష్టాంగనమస్కారం చేశారు.