Madhya Pradesh Murder: షాకింగ్ ఘటన- భార్యను చూస్తున్నారని ముగ్గుర్ని కాల్చి చంపేశాడు!

Madhya Pradesh Murder: మధ్యప్రదేశ్‌లో దళిత వర్గానికి చెందిన ముగ్గురిని దుండగులు కాల్చి చంపారు.

షాకింగ్ ఘటన- భార్యను చూస్తున్నాడని ముగ్గుర్ని కాల్చి చంపేశారు!

Source : Getty Images

Madhya Pradesh Murder: మధ్యప్రదేశ్‌లో దారుణ ఘటన జరిగింది. తన భార్యను చూశారనే కారణంతో 32 ఏళ్ల దళిత వ్యక్తి సహా అతని తల్లిదండ్రులను కాల్చి చంపేశాడు ఓ దుండగుడు. ఈ ఘటనపై తీవ్ర దుమారం రేగింది. నిందితులను వెంటనే అరెస్ట్ చేయాలని ప్రతిపక్షాలు డిమాండ్ చేస్తున్నాయి.

ఇదీ జరిగింది

దామోహ్ జిల్లాలో మంగళవారం ఈ ఘటన జరిగింది. తన భార్యను చూశారనే కారణంతో 32 ఏళ్ల దళిత వ్యక్తి, సహా అతని తల్లిదండ్రులను దుండగులు కాల్చి చంపారు. ఈ దాడిలో మరో ఇద్దరు గాయపడ్డారు. ప్రధాన నిందితుడిని అరెస్టు చేసినట్లు పోలీసు అధికారులు తెలిపారు.

దామోహ్ జిల్లా హెడ్‌ కార్వర్ట్స్‌ నుంచి 20 కిలోమీటర్ల దూరంలో ఉన్న దేహత్ పోలీస్ స్టేషన్ పరిధిలోని దేవ్రాన్ గ్రామంలో మంగళవారం ఉదయం 6.30 గంటలకు ఈ సంఘటన జరిగిందని పోలీసులు తెలిపారు. 

" అదే గ్రామానికి చెందిన ఆరుగురు దుండగులు.. 60 ఏళ్ల దళిత వ్యక్తి, అతని భార్య (58), 32 ఏళ్ల కుమారుడిని కాల్చి చంపారు. ఆ దంపతుల మరో ఇద్దరు కుమారులు ఈ దాడిలో గాయపడి జిల్లా ఆసుపత్రిలో చికిత్స పొందుతున్నారు.                                        "

-    పోలీసులు

ఘటన తర్వాత సాగర్ జోన్ ఇన్‌స్పెక్టర్ జనరల్ అనురాగ్ ఆ గ్రామాన్ని సందర్శించారు. దాడిలో మరణించిన దంపతుల పెద్ద కుమారుడు.. ప్రధాన నిందితుడైన జగదీష్ పటేల్ భార్యను తరచూ చూస్తూ ఉండేవాడని తెలిపారు. ఈ కారణంగానే పక్కా పథకం ప్రకారం హత్య చేశారని తెలిపారు. హత్యానంతరం పటేల్‌ను అరెస్టు చేసినట్లు ఐజీ తెలిపారు.

" పటేల్‌తో పాటు మరో ఐదుగురిపై భారతీయ శిక్షాస్మృతితో పాటు షెడ్యూల్డ్ కులాలు, షెడ్యూల్డ్ తెగల (అట్రాసిటీ నిరోధక) చట్టంలోని నిబంధనల ప్రకారం హత్యా నేరం కింద కేసు నమోదు చేశాం. పరారీలో ఉన్న ఐదుగురు నిందితుల కోసం గాలిస్తున్నాం.             "

-తెనివార్, ఎస్‌పీ

 

కాంగ్రెస్ డిమాండ్

దళిత కుటుంబానికి చెందిన ముగ్గురి హత్యపై ఉన్నత స్థాయి విచారణ జరిపించాలని రాష్ట్ర కాంగ్రెస్ చీఫ్ కమల్ నాథ్ డిమాండ్ చేశారు. ప్రభుత్వం ఆ కుటుంబానికి భద్రత కల్పించాలని, వారిని అన్ని విధాలా ఆదుకోవాలని ఆయన అన్నారు.

" ఈ విషయంపై దర్యాప్తు చేయడానికి పోలీసు బృందం ఉంది. ఏదైనా భూమికి సంబంధించిన సమస్యలు లేదా ఏవైనా పాత వివాదాలు ఉంటే కూడా పోలీసులు దర్యాప్తు చేస్తారు. ఈ విషయంపై దర్యాప్తు చేసి కఠిన చర్యలు తీసుకుంటారు.                         "

-ఎస్ కృష్ణ చైతన్య, కలెక్టర్