Money Earning Bikes: డబ్బు బాగా సంపాదించే బైక్లు ఇవి - ఓలా, ఉబర్, ర్యాపిడోకు సరిగ్గా సూటవుతాయి!
Low Cost Bikes 2025: మన దేశంలో మంచి మైలేజీని ఇస్తూనే, తక్కువ ధరకు దొరికే బైక్ల కోసం చాలామంది గూగుల్ చేస్తున్నారు. మీరు కష్టపడకుండా, మేమే కొన్ని బైక్లను ఎంపిక చేసి ఈ స్టోరీలో మీకు చెప్పబోతున్నాం.
High Mileage Affordable Bikes For Ola-Uber-Rapido: ఈ కాలంలో ఓలా, ఉబర్ & ర్యాపిడో వంటి ప్లాట్ఫామ్లు యువతకు & పార్ట్టైమ్ సంపాదన కోసం చూస్తున్న వ్యక్తులకు గొప్ప అవకాశంగా మారాయి. ఈ పని కోసం అద్భుతమైన మైలేజీని ఇచ్చే & తక్కువ ధరలో దొరికే బైక్ను ఎంచుకోవడం చాలా ముఖ్యం.
బైక్ టాక్సీ సర్వీస్ అందించడానికి అద్భుతంగా పనికొచ్చే 5 బైక్లను మేం షార్ట్లిస్ట్ చేశాం. ఈ బైక్లు మీ బడ్జెట్లోనే తక్కువ ధరకు లభిస్తాయి, ఇంధనాన్ని ఆదా చేస్తాయి & ఎక్కువ కాలం మెరుగైన పనితీరును కూడా ఇస్తాయి. తక్కువ నిర్వహణ, ఎక్కువ మైలేజ్ కారణంగా మీరు ప్రతిరోజూ బాగా సంపాదించవచ్చు.
హీరో స్ప్లెండర్ ప్లస్ (Hero Splendor Plus)
హీరో స్ప్లెండర్ ప్లస్ ఈ జాబితాలో మొదటి బైక్ & భారతదేశంలో అత్యధికంగా అమ్ముడవుతున్న టూవీలర్లలో ఇది ఒకటి. ఈ బండికి 97.2cc ఇంజిన్ ఉంది, ఇది లీటరు పెట్రోల్తో 60 కిలోమీటర్ల నుంచి 70 కిలోమీటర్ల వరకు మైలేజీ ఇస్తుంది. ఇప్పుడొస్తున్న బైక్లతో పోలిస్తే ఇది చాలా మంచి మైలేజీ. ఈ బండిని రఫ్ అండ్ టఫ్గా వాడేవాళ్లు కూడా ఉన్నారు. పైగా ఇది బడ్జెట్ ఫ్రెండ్లీ ఆప్షన్, మార్కెట్లో రూ. 95,000 కంటే తక్కువ ధరకు లభిస్తుంది.
బజాజ్ ప్లాటినా 100 (Bajaj Platina 100)
బజాజ్ ప్లాటినా 100 కూడా అద్భుతమైన మైలేజ్ & సౌకర్యవంతమైన రైడింగ్ ఎక్స్పీరియన్స్ ఇస్తుంది. ఈ టూవీలర్కు 100cc ఇంజిన్ బిగించారు, ఇది 7.9 PS శక్తిని & 8.3 Nm టార్క్ను ఉత్పత్తి చేస్తుంది. ఈ బైక్ 70 kmpl నుంచి 80 kmpl మైలేజీని ఇస్తుంది. మెరుగైన సస్పెన్షన్, సౌకర్యవంతమైన సీటు & తక్కువ సర్వీస్ ఖర్చులు దీని ప్రధాన ప్లస్ పాయింట్లు. ఈ బండి ఎక్స్-షోరూమ్ ధర రూ. 70,000 కంటే తక్కువ.
టీవీఎస్ రేడియన్ 110 (TVS Radeon 110)
TVS రేడియన్ 110 స్ట్రాంగ్ బాడీతో రోడ్డు మీద మంచి గ్రిప్తో పరుగులు తీస్తుంది. ఈ బండికి 110cc ఇంజిన్ బిగించారు, రైజింగ్ ఇస్తే కళ్లెం లేని గుర్రంలా పరుగెడుతుంది. ఈ టూవీలర్ లీటరుకు 65 km నుంచి 70 km మైలేజీ ఇవ్వగలదు. ఈ బైక్ బేస్ మోడల్ ఎక్స్-షోరూమ్ ధర రూ. 60,000 కంటే తక్కువ, ఇది చాలా తక్కువ ధర & మన్నికైన ఎంపిక.
హోండా షైన్ 100 (Honda Shine 100)
హోండా కంపెనీ అందించే విశ్వసనీయ నాణ్యతతో హోండా షైన్ 100 బైక్ వచ్చింది, దీనిలో 100cc ఇంజిన్ అమర్చారు. ఈ బైక్ సిటీ లేదా టౌన్ ట్రాఫిక్లోనూ 55 kmpl నుంచి 60 kmpl మైలేజీని సులభంగా ఇవ్వగలదు. మెరుగైన పనితీరు & తక్కువ ధర కారణంగా ఈ బండి బైక్ టాక్సీ సేవలకు సరిగ్గా సరిపోతుంది, డబ్బు తెచ్చి పెడుతుంది.
టీవీఎస్ స్పోర్ట్ 110 (TVS Sport 110)
TVS స్పోర్ట్ 110 కూడా అద్భుతమైన ఇంధన సామర్థ్యం ఉన్న బైక్. ఈ బండిలో లీటరు పెట్రోలు పోస్తే 70 km వరకు ప్రయాణిస్తుంది. బైక్ టాక్సీ ప్లాట్ఫామ్లకు ఈ బైక్ బాగా సూటవుతుంది, ఆర్థిక భారం తగ్గిస్తుంది. ఈ టూవీలర్ ఎక్స్-షోరూమ్ ధర రూ. 60,000 కంటే తక్కువ. నిర్వహణ పరంగానూ ఈ బండికి చాలా తక్కువ ఖర్చవుతుంది.
టాప్ హెడ్ లైన్స్
ట్రెండింగ్ వార్తలు
