అన్వేషించండి

Jan Aushadi Kendras: రైల్వే స్టేషన్లలో జనౌషధి కేంద్రాలు- నాణ్యమైన మందులు అందిచడమే లక్ష్యం

Janaushadhi Kendras: రైల్వే స్టేషన్లలో జనౌషధి కేంద్రాలు ఏర్పాటు చేసేందుకు దక్షిణ మధ్యరైల్వే ఏర్పాట్లు చేస్తోంది. సికింద్రాబాద్ తో పాటు తిరుపతి రైల్వే స్టేషన్లలో ఈ ఏర్పాట్లు చేస్తున్నారు.

By : ABP Desam | Edited By: jyothi | Updated at : 12 Aug 2023 01:16 PM (IST)

Janaushadhi Kendras SCR Set to Launch Pradhan Mantri Bharatiya Janaushadhi Kendras in Secunderabad And Tirupati Railway Stations Jan Aushadi Kendras: రైల్వే స్టేషన్లలో జనౌషధి కేంద్రాలు- నాణ్యమైన మందులు అందిచడమే లక్ష్యం

నాణ్యమైన మందులు అందిచడమే లక్ష్యంగా రైల్వే స్టేషన్లలో జనౌషధి కేంద్రాలు

Janaushadhi Kendras: రైల్వే ప్రయాణికుల కోసం దక్షిణ మధ్య రైల్వే ఇండియన్ రైల్వేస్ ప్రధాన మంత్రి భారతీయ జనౌషధి కేంద్రాల ఏర్పాటుకు నూతన విధానాన్ని రూపొందించింది. రైల్వే స్టేషన్ల ప్రాంగణ ప్రాంతాల్లో ప్రధాన్ మంత్రి భారతీయ జనౌషధి కేంద్రాలను ఏర్పాటు చేయబోతున్నారు. దక్షిణ మధ్య రైల్వే పరిధిలోని సికింద్రాబాద్, తిరుపతి రైల్వే స్టేషన్లలో సహా దేశవ్యాప్తంగా ఉన్న 50 రైల్వే స్టేషన్లు పైలట్ ప్రాజెక్టు కోసం గుర్తించారు. రోజువారీ మిలియన్ల కొద్దీ ప్రయాణించే ప్రయాణికుల అవసరాలు తీర్చేందుకు ఈ ఏర్పాట్లు చేస్తున్నారు. ప్రయాణికులకు నాణ్యమైన మందులు, వినియోగ వస్తువులు అందరికీ అందుబాటు ధరలో ఉంచాలనే భారత ప్రభుత్వ మిషన్ ను ప్రచారం చేస్తున్నారు. రైల్వే స్టేషన్లలో ప్రయాణికులు, సందర్శకులు జనౌషధి ఉత్పత్తులను సులభంగా అందుబాటులోకి తెచ్చే ప్రయత్నం చేస్తున్నారు. సరసమైన ధరలకే మందులను అందించడం ద్వారా సమాజంలో అన్ని వర్గాల్లో ఆరోగ్యం, సంక్షేమాన్ని పెంపొందించనున్నారు. అలాగే ఉపాధి అవకాశాలను సృష్టించడం, ఈ కేంద్రాలను తెరవడానికి వ్యవస్థాపకులకు మార్గాలను రూపొందిస్తున్నారు.

"Pradhan Mantri Jan Bhartiya Janaushadhi Kendras to be Established at #Secunderabad and #Tirupati Railway Stations"@RailMinIndia @drmsecunderabad @drmgtl pic.twitter.com/8Dl949qMV7
— South Central Railway (@SCRailwayIndia) August 11, 2023

వాస్తవానికి ఇది ప్రయాణికులకు ఎంతగానో ఉపయోగపడే అత్యవసరమైన సౌకర్యంగా పరిగణించబడుతోంది. తదనుగుణంగా రైల్వే లైసెన్సుల ద్వారా వాణిజ్య మార్గాల్లో కార్యకలాపాలు నిర్వహించేందుకు, ప్రయాణ ప్రాంగణంలో, స్టేషన్లలో ఫ్యాబ్రికేటెడ్ అవుట్ లెట్ లను అందిస్తోంది. అవుట్ లెట్లు సౌకర్యవంతమైన ప్రదేశాల్లో సర్క్యులేటింగ్ ప్రాంతాలు ఉంటాయి. తద్వారా సందర్శించే ప్రయాణికులు ప్రయోజనాలు పొందుతారు. అయితే రైల్వే డివిజన్ల ద్వారా గుర్తించబడిన ప్రదేశాల్లో పి.ఎమ్.బి.జే.కెలను లైసెన్సుల ద్వారా ఏర్పాటు చేసి నిర్వహిస్తారు. ఐఆర్ఈపీఎస్ ద్వారా సంబంధిత రైల్వే డివిజన్ ల మాదిరిగానే ఈ వేలం స్టాల్స్ అందించబడతాయి. ఈ స్టాల్స్ ను ఎన్ఐడీ అహ్మదాబాద్ డిజైన్ చేస్తోంది. అవుట్ లెట్ల విజయవంతమైన బిడ్డర్లు ఔషధ దుకాణాన్ని నిర్వహించడానికి అవసరమైన అనుమతులు, లైసెన్సులు పొందాలి. అలాగే ఔషధాల నిల్వ కోసం అన్ని రకాల చట్టబద్ధమైన అవసరాలకు అనుగుణంగా ఉండాలి. జనౌషధి స్కీమ్ పి.ఎమ్.బి.జే.కే చే నిర్దేశించినట్లుగా ఒప్పందాన్ని కుదుర్చుకోవాలి.

PM Janaushadhi Kendras to be set up at Sec❜bad, Tirupati rly stations@RailMinIndia @MoHFW_INDIA pic.twitter.com/pRKdtpevlb
— South Central Railway (@SCRailwayIndia) August 12, 2023