Rafah News: ఇజ్రాయేల్ దాడులతో వణికిపోతున్న రఫా పౌరులు, 10 లక్షల మంది వలస
Israel Hamas War: రఫాపై ఇజ్రాయేల్ చేసిన దాడిలో 45 మంది పౌరులు ప్రాణాలు కోల్పోవడం అంతర్జాతీయంగా ఆగ్రహం కలిగించింది.
Israel Attack on Rafah: ఇజ్రాయేల్, హమాస్ మధ్య యుద్ధం (Israel Hamas War) మరింత ఉద్ధృతమైంది. ఈజిప్ట్ సరిహద్దులోని రఫాలో హమాస్ ఉగ్రవాదులు నక్కి ఉన్నారని ముందు నుంచీ చెబుతున్నా ఇజ్రాయేల్ ఆ ప్రాంతంపై భీకర దాడులు (Attacks on Rafah) మొదలు పెట్టింది. ఈ క్రమంలోనే ఇజ్రాయేల్ సైన్యం చేసిన దాడిలో శరణార్థుల శిబిరంలో ఉన్న 45 మంది ప్రాణాలు కోల్పోయారు. వాళ్లలో చిన్నారులూ ఉన్నారు. ఇప్పటికే ఇజ్రాయేల్ని International Court of Justice తీవ్రంగా మందలించింది. రఫాపై దాడులను తక్షణమే ఆపేయాలని తేల్చి చెప్పింది. ఆ ఆదేశాలనూ లెక్క చేయకుండా ఇజ్రాయేల్ దాడి చేయడంపై అంతర్జాతీయంగా విమర్శలు వెల్లువెత్తున్నాయి.
అంతకు ముందు టెల్ అవీవ్పై హమాస్ ఉగ్రవాదులు బిగ్ మిజైల్స్ని ప్రయోగించారు. ఆ దాడికి ప్రతీకారంగా రఫాపై అటాక్ చేసింది ఇజ్రాయేల్. ప్రస్తుతం సోషల్ మీడియాలోనూ ఈ యుద్ధంపై గట్టిగానే చర్చ జరుగుతోంది. #AllEyesOnRafah హ్యాష్ట్యాగ్ విపరీతంగా ట్రెండ్ అవుతోంది. నెటిజన్లతో పాటు పలువురు ప్రముఖులు ఇదే హ్యాష్ట్యాగ్తో వరుస పెట్టి పోస్ట్లు పెడుతున్నారు. వందలాది మంది పౌరులు గాయపడడంపై ఆవేదన వ్యక్తం చేస్తున్నారు.
అటు ఇజ్రాయేల్ మాత్రం "ఇదో దురదృష్టకర సంఘటన" అంటూ ఓ ప్రకటన చేసి ఊరుకుంది. కేవలం తమ దాడుల వల్లే వీళ్లంతా చనిపోయారని చెప్పడం సరికాదని, కేవలం హమాస్ని మాత్రమే లక్ష్యంగా చేసుకుని దాడులు చేసినట్టు స్పష్టం చేసింది. భారత్లోని ఇరాన్ ఎంబసీ X వేదికగా ఓ పోస్ట్ పెట్టింది. All Eyes on Rafah అక్షరాలు వచ్చేలా అక్కడి టెంట్స్ని అరేంజ్ చేసి ఫొటో షేర్ చేసింది.
టాప్ హెడ్ లైన్స్
ట్రెండింగ్ వార్తలు
