అన్వేషించండి

UPSC 2021: ఎంత పనిచేశారు భయ్యా! ఐశ్వర్య అంటే అమ్మాయ్ అనుకున్నాంగా!

UPSC 2021: యూపీఎస్సీ ఫలితాల్లో నాలుగో ర్యాంక్ సాధించిన ఐశ్వర్య వర్మ ఎవరు అనే దానిపై గందరగోళానికి తెర పడింది.

By : ABP Desam | Edited By: Murali Krishna | Updated at : 01 Jun 2022 04:41 PM (IST)

ఎంత పనిచేశారు భయ్యా! ఐశ్వర్య అంటే అమ్మాయ్ అనుకున్నాంగా!

UPSC 2021: యూపీఎస్సీ 2021 ఫలితాలు ఇటీవల విడుదలయ్యాయి. అయితే సివిల్స్ నాలుగో ర్యాంకర్‌ విషయంలో తీవ్ర గందరగోళం చెలరేగింది. నాలుగో ర్యాంకర్ పేరు ఐశ్వర్య వర్మ కావడంతో అందరూ అమ్మాయి అనుకున్నారు. పలు పత్రికలు, వెబ్‌సైట్లు కూడా అలానే వార్తలు ఇచ్చాయి.

తొలి మూడు ర్యాంకులూ మహిళలే కైవసం చేసుకోవడంతో నాలుగో ర్యాంకర్ పేరు చూసి ఐశ్వర్య అంటే అమ్మాయేనని చాలామంది అనుకున్నారు. వాట్సాప్, ఫేస్‌బుక్, ట్విట్టర్‌లో పోస్టులు వెల్లువెత్తాయి. దీంతో ఐశ్వర్య కుటుంబసభ్యులు కంగుతిన్నారు.

అమ్మాయి కాదు

ఐశ్వర్య మహిళ కాదంటూ ఆయన కుటుంబీకులు, స్నేహితులు చివరికి స్పష్టత ఇచ్చారు. సోషల్‌ మీడియాలో ఆయన ఫొటో పెట్టి మరీ విషయం వివరించారు. ఐశ్వర్య వర్మ దిల్లీలో నాలుగేళ్ల పాటు కోచింగ్‌ తీసుకుని, నాలుగో ప్రయత్నంలో నాలుగో ర్యాంకు సాధించారు.

సీఎం క్లారిటీ

ఈ విషయంలో చాలా మందికి గందరగోళం ఉన్నప్పటికీ మధ్యప్రదేశ్‌ సీఎం శివరాజ్‌ సింగ్‌ చౌహాన్‌ మాత్రం చాలా క్లారిటీగా ప్రశంసించారు. "ఉజ్జయినికి చెందిన పురుష అభ్యర్థి ఐశ్వర్య వర్మ యూపీఎస్సీలో నాలుగో ర్యాంకు సాధించారు" అంటూ స్పష్టంగా పేర్కొన్నారు.

ఫలితాలు

సివిల్స్- 2021 ఫలితాలు ఇటీవల విడుదలయ్యాయి. సివిల్స్ ఫలితాల్లో శృతి శర్మ టాపర్‌గా నిలిచారు. 685 మందిని ఎంపిక చేసింది యూపీఎస్సీ. అంకితా అగర్వాల్ రెండో ర్యాంక్, గామిని సింగ్లా 3వ ర్యాంక్, ఐశ్వర్య వర్మ 4వ ర్యాంకు, ఉత్కర్ష్ ద్వివేది 5వ ర్యాంక్ సాధించారు. సివిల్ సర్వీసెస్‌లో ఈసారి అమ్మాయిలు సత్తా చాటారు. టాప్-5లో ముగ్గురు అమ్మాయిలే కావడం విశేషం.

జనరల్‌ కోటాలో 244, ఈడబ్ల్యూఎస్‌ 73, ఓబీసీ 203, ఎస్సీ 105, ఎస్టీ విభాగం నుంచి 60 మంది ఎంపికయ్యారు. ఐఏఎస్‌కు 180 మంది, ఐపీఎస్‌కు 200 మంది, ఐఎఫ్‌ఎస్‌కు 37 మంది ఎంపికయ్యారు. సెంట్రల్‌ సర్వీసెస్‌ గ్రూప్‌ ఏ కేటగిరీకి 242 మంది, 90 మంది గ్రూప్‌ బీ సర్వీసులకు ఎంపికయ్యారు.

తెలుగువాళ్లు