Rahul Gandhi Marriage Comments: పెళ్లి చేసుకోవాలని చిరాగ్ పాశ్వాన్ కు సూచించిన తేజస్వీ.. తనకు కూడా వర్తిస్తుందన్న రాహుల్

కేంద్ర మంత్రి చిరాగ్ పాశ్వాన్ ఒకరికి హనుమంతుడు లాంటి వంటివారని, తామ మాత్రం ప్రజలకు సేవ చేసే హనుమంతులం అన్నారు. చిరాగ్ పెళ్లి చేసుకోవాలని తేజస్వీ సూచించడంతో తనకు వర్తిస్తుందని రాహుల్ గాంధీ అన్నారు.

రాహుల్ గాంధీ, తేజస్వి యాదవ్

Source : वीडियो ग्रैब

Rahul Gandhi About His Marriage | పాట్నా: లోక్‌సభలో ప్రతిపక్ష నాయకుడు, కాంగ్రెస్ ఎంపీ రాహుల్ గాంధీ బిహార్‌‌లో చేపట్టిన ఓటర్ల హక్కుల యాత్రలో ఆసక్తికర ఘటన చోటుచేసుకుంది. రాహుల్ గాంధీ, తేజస్వి యాదవ్ చేపట్టిన ఓటర్ల హక్కుల యాత్ర ఆదివారం నాడు అరారియాకు చేరుకుంది. ఇక్కడ రాహుల్ గాంధీ, తేజస్వి యాదవ్ మీడియా  సమావేశంలో పాల్గొన్నారు. ఈ సందర్భంగా ఆర్జేడీ నేత తేజస్వి యాదవ్ ఒక ప్రశ్నకు సమాధానంగా కేంద్ర మంత్రి చిరాగ్ పాశ్వాన్ (Chirag Paswan) గురించి మాట్లాడుతూ, "అతను ఒక ప్రత్యేకమైన వ్యక్తి. ఆయన ఒకరికి హనుమంతుడు లాంటివారు. మేం మాత్రం ప్రజలకు సేవ చేసే హనుమంతులం’ అన్నారు..

చిరాగ్ పాశ్వాన్ పెళ్లి గురించి తేజస్వి ఏమన్నారు?

తేజస్వి యాదవ్ ఇంకా మాట్లాడుతూ, "చిరాగ్ పాశ్వాన్ నాకు పెద్దన్న లాంటివాడు. నేను ఆయనకు ఓ సలహా ఇస్తాను. నా బిగ్ బ్రదర్ చిరాగ్ పాశ్వాన్ త్వరలో పెళ్లిచేసుకోవాలి. ఇదే తామంతా కోరుకుంటున్నాం" అని అన్నారు. ఈ సమయంలో పక్కనే ఉన్న తేజస్వి యాదవ్‌ మాటలకు  రాహుల్ గాంధీ ఫన్నీగా స్పందించారు. తేజస్వీని చూస్తూ "ఇది (పెళ్లిచేసుకోవడం) నాకు కూడా వర్తిస్తుందని రాహుల్ గాంధీ అనడంతో అక్కడ అంతా నవ్వారు.  

#WATCH | అర్రియా, బీహార్: కేంద్ర మంత్రి చిరాగ్ పాశ్వాన్ గురించి ఆర్జేడీ నాయకుడు తేజస్వి యాదవ్ మాట్లాడుతూ, "అతను ఒక ప్రత్యేక వ్యక్తికి హనుమంతుడు. మేము ప్రజల హనుమంతులం. చిరాగ్ పాశ్వాన్ ఈ రోజుల్లో ఎటువంటి సమస్య కాదు... నేను అతనికి ఖచ్చితంగా సలహా ఇస్తాను, అతను మా పెద్ద సోదరుడు మరియు అతను వీలైనంత త్వరగా పెళ్లి చేసుకోవాలి."… pic.twitter.com/jvt6xrYC9v

— ANI_HindiNews (@AHindinews) August 24, 2025

బిహార్‌లో వివాదానికి కారణమైన ఎస్ఐఆర్ గురించి తేజస్వి యాదవ్ మాట్లాడుతూ.. "ఓట్ల సవరణ ప్రక్రియ చాలా కష్టంగా ఉంది, ఓట్లు కలపడం లేదా ఫిర్యాదు చేయడం ద్వారా తొలగించడంపై ఇంకా SIRపై స్పష్టత లేదు. ఎన్నికల సంఘం బీజేపీతో కలిసి ఉంది, కాబట్టి బీజేపీ ఎలక్షన్ కమిషనర్లను రక్షించడానికి పార్లమెంటులో చట్టాన్ని సైతం తీసుకువచ్చింది. తద్వారా వారిపై ఎలాంటి చర్యలు, కేసులు నమోదు కాకుండా చూసుకోవాలని చూస్తున్నారు. వారు చట్టంతో ఎలా ఆడుకుంటున్నారో అందరికీ అర్థమవుతోంది. ఇప్పుడు విషయం ప్రజలకు చేరింది, రాష్ట్ర ఎన్నికల్లో ప్రజలు వారికి తగిన బుద్ధిచెబుతారు"

#WATCH | అర్రియా, బీహార్: లోక్‌సభలో ప్రతిపక్ష నాయకుడు మరియు కాంగ్రెస్ ఎంపీ రాహుల్ గాంధీ మాట్లాడుతూ, "మా మధ్య చాలా మంచి భాగస్వామ్యం ఉంది, మేము అందరం కలిసి పని చేస్తున్నాము, ఎటువంటి ఒత్తిడి లేదు, పరస్పర గౌరవం ఉంది, మేము సైద్ధాంతికంగా ఐక్యంగా ఉన్నాము, రాజకీయంగా ఐక్యంగా ఉన్నాము, చాలా మంచి ఫలితాలు ఉంటాయి… pic.twitter.com/BWUOcbweSN

— ANI_HindiNews (@AHindinews) August 24, 2025

అన్ని పార్టీలు కలిసి పనిచేస్తున్నాయి - రాహుల్

లోక్‌సభలో ప్రతిపక్ష నాయకుడు రాహుల్ గాంధీ మాట్లాడుతూ, "మా మధ్య చాలా మంచి భాగస్వామ్యం ఉంది. మా కూటమిలో అంతా కలిసి ప్రజల కోసం పనిచేస్తున్నాం. మాలో ఎవరిపై ఎటువంటి ఒత్తిడి లేదు, ఒకరంటే మరొకరికి పరస్పర గౌరవం ఉంది. మేము సైద్ధాంతికంగా, రాజకీయంగా ఐక్యంగా ఉన్నాం. బిహార్ ఎన్నికల్లో చాలా మంచి ఫలితాలు రాబోతున్నాయి. కానీ ఓట్ల చోరీని ఆపాలి. అదొక్కటే మాకు సమస్యగా మారిందని" అన్నారు.

 

మరిన్ని చదవండి

స్వదేశీ పరిజ్ఞానంతో రూపొందించిన IADWS ప్రయోగం సక్సెస్​

ఈ ఏడాదిలోనే మానవరహిత గగన్​ యాన్-1, 2040 నాటికి చంద్రుడి మీదకు భారతీయుడు