Supreme Court: సుప్రీం కోర్టు న్యాయమూర్తికి గుండెపోటు- ఎయిర్‌ అంబులెన్స్‌లో తరలింపు

Supreme Court: సుప్రీంకోర్టు న్యాయమూర్తి జస్టిస్ ఎంఆర్ షాకు గుండెపోటు వచ్చింది. దీంతో వైద్యం కోసం ఆయనను ఎయిర్‌ అంబులెన్స్‌లో దిల్లీకి తరలించారు.

సుప్రీం కోర్టు న్యాయమూర్తికి గుండెపోటు- ఎయిర్‌ అంబులెన్స్‌లో తరలింపు

Source : ANI

Supreme Court:  సుప్రీం కోర్టు (Supreme Court) న్యాయమూర్తి ఎంఆర్ షా (MR Shah) (64)కు గుండెపోటు వచ్చింది. దీంతో హుటాహుటిన ఆయన్ను హిమాచల్ ప్రదేశ్ నుంచి ఎయిర్‌ అంబులెన్స్‌లో దిల్లీ (Delhi) ఎయిమ్స్ ఆసుపత్రికి తరలించారు. ఈ విషయాన్ని సుప్రీం(Supreme Court) కోర్టు న్యాయవాది, భాజపా అధికార ప్రతినిధి గౌరవ్ భాటియా ట్వీట్ ద్వారా తెలిపారు. ఆయన త్వరగా కోలుకోవాలని ప్రార్థిస్తున్నట్లు తెలిపారు గౌరవ్ భాటియా.

Hon'ble Justice MR Shah Judge Supreme Court of India has suffered a heart attack while he was in Himachal Pradesh. Arrangements being made to rush him to Delhi. Praying to God for his speedy recovery. 🙏

— Gaurav Bhatia गौरव भाटिया (@gauravbh) June 16, 2022

మెరుగైన వైద్యం

జస్టిస్ ఎంఆర్ షా గురువారం గుండెకు సంబంధించిన ఇబ్బందిని ఎదుర్కొన్నట్లు ఆయన వ్యక్తిగత కార్యదర్శి కూడా మీడియాకు తెలిపారు. ఈ విషయం తెలిసిన సుప్రీంకోర్టు అధికారులు కూడా జస్టిస్ ఎంఆర్ షాకు మెరుగైన వైద్యం కోసం హోంమంత్రిత్వ శాఖ అధికారులతో మాట్లాడారు.

ఎంఆర్ షా గతంలో పట్నా హైకోర్ట్ ప్రధాన న్యాయమూర్తిగా, గుజరాత్ హైకోర్టు న్యాయమూర్తిగా  పనిచేశారు. 2023లో ఆయన పదవీ విరమణ పొందనున్నారు.

ఏం ఫర్లేదు

I am stable. There is nothing to worry. I will be reaching Delhi soon. By day after tomorrow, I will be better: Justice MR Shah

(Source: Justice Shah's office) pic.twitter.com/zpH6xTInhc

— ANI (@ANI) June 16, 2022

తనకు ఎలాంటి ఇబ్బంది లేదని ప్రస్తుతం ఆరోగ్యం నిలకడగా ఉందని జస్టిస్ ఎంఆర్ షా పేర్కొన్నట్లు ఆయన కార్యాలయం ట్వీట్ చేసింది. త్వరలోనే విధుల్లోకి వస్తానని, కోలుకుంటున్నానని ఆయన పేర్కొన్నట్లు తెలిసింది.