Tatkal Train Booking: రైలులో తత్కాల్ టిక్కెట్లు బుక్ చేసుకుంటున్నారా? ఈ విషయాలు తెలుసుకుంటే బెటర్

IRCTC Ticket Booking | దీపావళి, ఛత్ పండుగల సమయంలో రైలు టికెట్ల కోసం రద్దీ పెరుగుతుంది. తత్కాల్ బుకింగ్ ద్వారా బెర్త్ కన్ఫామ్ చేసుకోవచ్చు. మీరు ఈ నియమాలను గుర్తుంచుకోండి.

రైలు తత్కాల్ టిక్కెట్లు బుకింగ్

Source : ABPlive

Indian Railways Tatkal Ticket Booking: దేశంలో ప్రతిరోజూ 2.5 కోట్ల మంది రైలులో ప్రయాణిస్తున్నారు. ఈ ప్రయాణికుల కోసం భారతీయ రైల్వే వేల సంఖ్యలో రైళ్లను నడుపుతోంది. వచ్చే నెలలో దీపావళి, ఛత్ పండుగలు ఉన్నాయి. దీపావళి (Diwali 2025), ఛత్ వంటి పెద్ద పండుగలలో రైలులో ప్రయాణించే వారి రద్దీ ఎక్కువగా ఉంటుంది. అలాంటి సమయంలో టికెట్ కన్ఫర్మ్ చేసుకోవడం అతిపెద్ద సవాలుగా మారుతుంది. చాలా మంది నెలల ముందుగానే రైలు టిక్కెట్‌లను బుక్ చేసుకుంటారు.

అయితే, మీరు అకస్మాత్తుగా ప్రయాణం చేయవలసి వస్తే, మిగిలి ఉన్న ఏకైక మార్గం తత్కాల్ టికెట్ మాత్రమే. తత్కాల్ టికెట్ బుకింగ్ సౌకర్యంతో చివరి నిమిషంలో టికెట్ బుక్ చేసినా సీటు కన్ఫామ్ అవుతుంది. ఆలస్యం చేస్తే తత్కాల్ టికెట్ కూడా సాధ్యపడదు. ఇటీవల, భారతీయ రైల్వే తత్కాల్ టికెట్ బుకింగ్ నిబంధనలను మార్చింది. దీపావళి, ఛత్ పండుగల కోసం తత్కాల్‌లో టికెట్ బుక్ చేసుకోవాలనుకుంటే ఈ విషయాలు గుర్తుంచుకోండి. 

తత్కాల్ టికెట్ బుకింగ్ కోసం ఇది తెలుసుకోవాలి 

రైలు జర్నీకి తత్కాల్ టికెట్ బుక్ చేయడానికి కొన్ని ప్రత్యేక నియమాలు ఉన్నాయి. వాటిని తెలుసుకోవడం చాలా ముఖ్యం. మొదట, మీరు టికెట్ బుకింగ్ సమయం తెలుసుకోవాలి. AC కోచ్‌ల కోసం బుకింగ్ ఉదయం 10 గంటలకు మొదలవుతుంది. స్లీపర్ క్లాస్ బుకింగ్ ఉదయం 11 గంటలకు ప్రారంభమవుతుంది. మీరు ప్రయాణ తేదీకి ఒక రోజు ముందు ఈ తత్కాల్ టికెట్‌ను బుక్ చేసుకోవచ్చు.

అంటే, మీరు అక్టోబర్ 18న ప్రయాణించవలసి వస్తే, తత్కాల్ టికెట్ అక్టోబర్ 17న బుక్ చేసుకోవాల్సి ఉంటుంది. తత్కాల్ కోటా పరిమితం కనుక సీట్లు చాలా త్వరగా నిండిపోతాయి. కాబట్టి మీరు వెంటనే IRCTC పోర్టల్ లేదా మొబైల్ యాప్‌లో లాగిన్ అయ్యి సిద్ధంగా ఉండాలి. కొంచెం టైమ్ మిస్ అయితే మీ సీటు వెయిటింగ్‌లోకి వెళ్తుంది.

ఇది లేకుండా బుకింగ్ ఉండదు

భారతీయ రైల్వే తత్కాల్ బుకింగ్‌ (Tatkal Ticket Booking)కు సంబంధించి కొత్త నిబంధనను అమలు చేసింది. మీరు మీ IRCTC అకౌంట్ నుండి టికెట్‌ను బుక్ చేయాలంటే, మీ IRCTC ఖాతాలో ఆధార్ అథెంటికేషన్ తప్పనిసరి. ఇది లేకుండా మీరు టికెట్ బుక్ చేయడం వీలుకాదు. కాబట్టి, మీ IRCTC ఖాతాను మీ ఆధార్‌తో లింక్ చేయండి. లేకపోతే టికెట్ బుక్ చేసేటప్పుడు ప్రాసెస్ కోసం ఆలస్యం అయి, మీకు తత్కాల్ లో సీటు కన్ఫామ్ కాదు. వెయిటింగ్ లిస్టులో ఉండిపోతారు.

ప్రత్యేక రైళ్ల వివరాలు తెలుసుకోండి

భారతీయ రైల్వే ప్రతి సంవత్సరంలాగే ఈసారి సైతం దీపావళి, ఛత్‌ సందర్భంగా ప్రయాణికుల సౌకర్యార్థం వేలాది ప్రత్యేక రైళ్లను నడపాలని భావిస్తోంది. పండుగలలో రద్దీ పెరగడం వల్ల సాధారణ రైళ్లలో సీటు పొందడం కష్టమవుతుంది. అటువంటి పరిస్థితిలో, ప్రత్యేక రైళ్లపై దృష్టి పెట్టాలి. ఈ రైళ్ల సమాచారం రైల్వే వెబ్‌సైట్ లేదా నోటిఫికేషన్ ద్వారా తెలుస్తుంది. మీ రూట్లలో నడుస్తున్న ప్రత్యేక రైళ్ల వివరాల చెక్ చేయండి. వాటిలో టిక్కెట్‌లను బుక్ చేయడానికి ప్రయత్నించడం ద్వారా సాధారణ రైళ్లతో పోలిస్తే వీటిలో మీకు టికెట్ కన్ఫామ్ అయి సీటు పొందే అవకాశాలు ఎక్కువగా ఉంటాయి.

మరిన్ని చదవండి

టికెట్ కన్ఫార్మ్ కాకున్నా రైలులో ప్రయాణం చేయవచ్చా? ఎమర్జెన్సీ సమయంలో ఫాలో అయిపోండి

అక్టోబర్ 1 నుంచి జరిగే మార్పులివే, ఈ నియమాలు మీ జేబుపై ప్రభావం చూపుతాయి