Air India Plane Crash Report:ఎయిర్ ఇండియా విమానం టేకాఫ్ నుంచి కూలిపోయే వరకు ఎప్పుడు ఏం జరిగింది? AAIB ప్రాథమిక నివేదిక ఏం చెబుతుం

Air India Plane Crash Report: ఎయిర్ ఇండియా విమాన ప్రమాదంపై నివేదిక సంచలన విషయాలు వెల్లడించింది. టేకాఫ్ అయిన కొద్ది సెకన్లలోనే విమానం కూలిపోయింది.

ఎయిర్ ఇండియా విమాన ప్రమాదం

Source : PTI

Air India Plane Crash Report: ఎయిర్ ఇండియా విమాన ప్రమాదంపై భారత విమాన ప్రమాద పరిశోధన సంస్థ (AAIB) ప్రాథమిక నివేదిక ఆశ్చర్యం కలిగిస్తోంది. ఈ నివేదికపై తాము ఇంకా ఎలాంటి వ్యాఖ్యలు చేయలేమని ఎయిర్ ఇండియా తెలిపింది. ఈ ప్రమాదం ఎంత భయంకరంగా ఉందంటే, విమానంలో ఉన్న 242 మందిలో 241 మంది ప్రాణాలు కోల్పోయారు. విమానం టేకాఫ్ అయిన 98 సెకన్లలోనే కుప్పకూలింది. ఈ ప్రమాదంలో మొత్తం 260 మంది మరణించారు.

బోయింగ్ 787-8 డ్రీమ్‌లైనర్ విమానం ఢిల్లీ నుంచి అహ్మదాబాద్‌కు చేరుకుంది, ఆ తర్వాత లండన్ వెళ్లాల్సి ఉంది. విమానం అహ్మదాబాద్‌కు చేరుకున్న తర్వాత సాంకేతిక పరీక్షలు నిర్వహించారు. ఆ తర్వాత టేకాఫ్ చేయడానికి అనుమతి ఇచ్చారు. విమానానికి 08:03:45 UCT (యూనివర్సల్ కోఆర్డినేటెడ్ టైమ్) వద్ద రన్‌వే 23లో లైన్‌అప్ చేయడానికి అనుమతి లభించింది. ఆ తర్వాత 08:07:33 UCT వద్ద టేకాఫ్ చేయడానికి అనుమతి లభించింది. విమానం టేకాఫ్ అయిన తర్వాత, 08:09:05 UCT వద్ద పైలట్ మెడే...మెడే అని పిలిచాడు, ఆ తర్వాత విమానం కూలిపోయింది.

తక్కువ ఎత్తు కారణంగా RAT పనిచేయలేదు
విమానం టేకాఫ్ అయిన కొద్ది సెకన్లలోనే రెండు ఇంజిన్లు ఆగిపోయాయి, దీనివల్ల అది అవసరమైన శక్తిని పొందలేకపోయింది. ఆ తర్వాత రామ్ ఎయిర్ టర్బైన్ (RAT) బయటకు వచ్చింది. ఇది విమానానికి అత్యవసర విద్యుత్ అవసరమని హెచ్చరిస్తుంది, కానీ తక్కువ ఎత్తులో ఉండటం వల్ల ఇది పనిచేయలేదు. అయితే, ఆ తర్వాత పైలట్ ఇంజిన్‌లను ఆన్ చేయడానికి ప్రయత్నించాడు, అప్పటికే చాలా ఆలస్యమైంది.

టేకాఫ్ నుంచి కూలిపోయే వరకు పూర్తి టైమ్‌లైన్

• IST మధ్యాహ్నం 1:13:00 గంటలకు: AI171 విమానం పుష్‌బ్యాక్, స్టార్టప్‌ను అభ్యర్థించింది.
• IST మధ్యాహ్నం 1:13:13 : ATC పుష్‌బ్యాక్‌ను ఆమోదించింది.
  
• IST మధ్యాహ్నం 1:16:59 : ATC స్టార్టప్‌ను ఆమోదించింది.
  
• IST మధ్యాహ్నం 1:19:12 : పూర్తి రన్‌వే అవసరమా అని ATC విమానం AI171ని అడిగింది. విమానం రన్‌వే 23 పూర్తి అవసరమని నిర్ధారించింది.
  
• 1:25:15 PM IST: టాక్సీ క్లియరెన్స్ కోసం విమానం చేసిన అభ్యర్థనను ATC ఆమోదించింది.
  
• 1:32:03 PM IST: విమానం గ్రౌండ్ నుంచి టవర్ కంట్రోల్‌కు బదిలీ చేశారు. 
  
• 1:33:45 PM IST: విమానం రన్‌వే 23లో వరుసలో ఉండాలని సూచించింది. 
  
• 1:37 గంటలకు: ఎయిర్ ఇండియా విమానం AI-171 అహ్మదాబాద్ విమానాశ్రయం రన్‌వే 23 నుంచి లండన్ వెళ్లేందుకు బయల్దేరింది.
  
• 1:38:33 PM IST: విమానం రన్‌వే 23 నుంచి టేకాఫ్‌కు అనుమతి పొందింది.
  
• 1:39:05 PM IST: టేకాఫ్ అయిన కొద్ది సెకన్లలోనే పైలట్ ఎయిర్ ట్రాఫిక్ కంట్రోల్ (ATC) కి 'మెడే' కాల్ ఇచ్చాడు. ఆ తర్వాత విమానం ATC తో సంబంధాన్ని కోల్పోయింది.
  
• మధ్యాహ్నం 1:40 గంటలకు: విమానం టేకాఫ్ అయిన తర్వాత కూలిపోయింది. ఒక వైద్య కళాశాల హాస్టల్ భవనాన్ని ఢీకొట్టింది.
  
• మధ్యాహ్నం 1:43 గంటలకు: అగ్నిమాపక సిబ్బందికి హాట్‌లైన్ ద్వారా ప్రమాదం గురించి సమాచారం అందింది. కొద్ది నిమిషాల్లోనే అగ్నిమాపక సిబ్బంది, రెస్క్యూ బృందాలు ఘటనా స్థలానికి చేరుకున్నాయి.

నివేదికలో మరిన్ని ముఖ్యమైన విషయాలు వెలుగులోకి  
AAIB ప్రాథమిక నివేదికను సమర్పించింది. దీనికి ముందు, శిథిలాల ఫోటోలు, వీడియోలు తీశారు. వాటిని సురక్షితమైన ప్రదేశంలో ఉంచారు. రెండు ఇంజిన్‌లు, అవసరమైన భాగాలు వేరుగా ఉంచారు. ఇంధన నమూనాలను కూడా తీసుకున్నారు, అవి సరిగ్గా ఉన్నట్లు తేలింది.

మరిన్ని చదవండి

AAIB ప్రాథమిక నివేదికపై ఎయిర్ ఇండియా, బోయింగ్ సంస్థల ఫస్ట్ రియాక్షన్ ఇదే

లోపాలు గురించి తెలిసి పట్టించుకోలేదు- ఎయిర్ ఇండియా తప్పిదాలు బహిర్గతం చేసిన ప్రాథమిక నివేదిక