Assam CM Says PM Amit Shah: అమిత్ షాను ప్రధానిని చేసిన అసోం సీఎం! మోదీకి ఏ పోస్ట్ ఇచ్చారంటే?

Assam CM Says PM Amit Shah: 

మన దేశ ప్రధాని ఎవరు? ఇదేంటి ఇలా అడుగుతున్నారు.. ఆ మాత్రం తెలియదా? అనుకుంటున్నారా? నిజానికి మన దేశ ప్రధాని ఎవరు అంటే.. పిల్లలు కూడా ఠక్కున 'మోదీ' అని జవాబిస్తారు. కానీ ఓ రాష్ట్రానికి ముఖ్యమంత్రి అయి ఉండి, అందులోనూ భాజపా పాలిత రాష్ట్రానికి సీఎం అయిన వ్యక్తి మాత్రం మోదీ పదవిని తప్పుగా ప్రస్తావించారు. ఆయనెవరో కాదు.. అసోం ముఖ్యమంత్రి హిమంత బిశ్వశర్మ.

When @sarbanandsonwal Ji was the CM, MP @pallablochandas on several occasions referred to cabinet minister @himantabiswa ji as the CM in public!
Has #BJP decided its next @PMOIndia replacing @narendramodi Ji?
Or a campaign has been launched to promote @AmitShah ji as the PM? pic.twitter.com/BgqgbbajXC

— Assam Congress (@INCAssam) May 10, 2022

ఇలా బుక్కయ్యారు

ఓ బహిరంగ కార్యక్రమంలో మాట్లాడుతూ అసోం సీఎం హిమంత బిశ్వశర్మ "ప్రధాని అమిత్‌ షా, హోం మంత్రి నరేంద్రమోదీ" అంటూ మాట్లాడారు. దీంతో నెటిజన్లు ఆయన్ను సోషల్ మీడియాలో ఓ ఆట ఆడకుంటున్నారు. ప్రస్తుతం ఈ వీడియో వైరల్ అవుతోంది. 

కాంగ్రెస్ సెటైర్

మరోవైపు ఈ వీడియోను ట్విట్టర్‌లో షేర్ చేసిన కాంగ్రెస్.. సీఎం హిమంత బిశ్వశర్మపై సెటైర్లు వేసింది. 

అలాగే గతంలో జరిగిన ఈ తరహా సంఘటనతో ప్రస్తుత వ్యవహారాన్ని కాంగ్రెస్ పోల్చి చూపింది. ఆ సమయంలో సర్బానంద్ సోనోవాల్ ముఖ్యమంత్రి కాగా.. ఓ ఎంపీ మాట్లాడుతూ, హిమంత బిశ్వ శర్మను ముఖ్యమంత్రి అంటూ ప్రస్తావించారు. అలా పలుమార్లు జరిగింది. వాస్తవంగా అప్పుడు హిమంత అసోం మంత్రిగా ఉన్నారు. ఆ తర్వాత జరిగిన అసెంబ్లీ ఎన్నికల్లో భాజపా గెలవడంతో హిమంత ముఖ్యమంత్రి పదవిని చేపట్టారు.

దీంతో "భాజపా తన తదుపరి ప్రధానిని నిర్ణయించుకుందా..?" అంటూ కాంగ్రెస్ వ్యంగ్యాస్త్రాలు సంధించింది. అయితే ఇది కేవలం పొరపాటేనని భాజపా నేతలు అంటున్నారు. 

Also Read: Sri Lanka Crisis: శ్రీలంకకు భారత్‌ తన బలగాలు పంపిస్తుందా? వార్తల్లో నిజమెంత?

Also Read: Karnataka Loudspeaker Row: లౌడ్‌ స్పీకర్లపై నిషేధం- ఎట్టకేలకు దిగొచ్చిన సర్కార్!