Ambulance Accident Karnataka: షాకింగ్ వీడియో- ఒకర్ని కాపాడబోయి నలుగుర్ని చంపిన అంబులెన్స్ డ్రైవర్!

Ambulance Accident Karnataka: కర్ణాటక ఉడిపిలో ఓ అంబులెన్స్‌ టోల్‌ బూత్‌ను ఢీ కొట్టిన వీడియో వైరల్ అవుతోంది.

(Image Source: Twitter)

Ambulance Accident Karnataka: అత్యంత వేగంగా అంబులెన్స్‌ను టోల్‌బూత్‌ను ఢీ కొట్టిన ఓ వీడియో ప్రస్తుతం సోషల్ మీడియాలో వైరల్ అవుతోంది. కర్ణాటక ఉడిపి జిల్లాలో ఈ ప్రమాదం జరిగింది. ఈ ఘోర ప్రమాదంలో అంబులెన్స్‌లో ఉన్న రోగి, ఇద్దరు సహాయకులు, టోల్ బూత్ సిబ్బంది సహా నలుగురు మృతి చెందారు.

Speeding Ambulance crashes into the toll gate at Shiroor in Udupi district of Karnataka.

The ambulance was on its way to bring a patient from Honnavar to Kundapur, lost its control and collided with the toll booth. Three people have reportedly died in the accident. pic.twitter.com/hgVVjsG9EX

— Mangalore City (@MangaloreCity) July 20, 2022

ఇదీ జరిగింది

ఉడిపీ జిల్లాలోని కుందాపురం నుంచి ఒక రోగిని అంబులెన్స్‌లో హొన్నవర ఆసుపత్రికి తరలిస్తున్నారు. భారీ వర్షంలో కూడా ఆ అంబులెన్స్‌ వేగంగా ప్రయాణిస్తోంది. అంబులెన్స్ రాకను గమనించిన టోల్ బూత్ సిబ్బంది ప్లాస్టిక్ బారికేడ్లను తొలగించి ప్రత్యేక లైన్‌లో దానికి దారి ఇచ్చేందుకు ప్రయత్నించారు.

🇮🇳🚑Four people died and four others sustained injuries after a speeding ambulance had hit a tollgate in Karnataka.

🔍The driver failed to control the vehicle and hit the tollgate despite the staff's efforts to clean the road for the ambulance.

CCTV footage for toll plaza. 👇 pic.twitter.com/zAD42HCEff

— Naren Mukherjee 🇮🇳 (@narendra52) July 21, 2022

అయితే అతి వేగంగా వస్తున్న అంబులెన్స్ తడిచి ఉన్న రోడ్డుపై అదుపు తప్పింది. చక్రాలు జారిపోవడంతో అంబులెన్స్ టోల్ బూత్ క్యాబిన్‌ను బలంగా ఢీకొట్టింది. ఆ ధాటికి అంబులెన్స్‌లో ఉన్న రోగి, ఇద్దరు సహాయకులు వాహనం నుంచి రోడ్డుపైకి ఎగిరి పడ్డారు. వీరు ముగ్గురు మృతి చెందారు.

అలాగే అంబులెన్స్ ఢీ కొట్టడంతో టోల్‌ బూత్‌‌లో పని చేసే ఓ వ్యక్తి కూడా చనిపోయాడు. తీవ్ర గాయాల పాలైన డ్రైవర్ మాత్రం ప్రాణాలతో బయటపడ్డాడు. ఆ ప్రమాద దృశ్యాలు సీసీటీవీ కెమేరాలో రికార్డ్ అయ్యాయి. ఈ వీడియో సోషల్ మీడియాలో వైరల్ అవుతోంది.