Haryana Cylinder Blast: గ్యాస్ సిలిండర్ పేలుడు, ఒకే కుటుంబానికి చెందిన ఆరుగురు మృతి

Haryana Cylinder Blast: 

పానిపట్‌లో ప్రమాదం..

హరియాణాలోని పానిపట్‌లో ఘోర ప్రమాదం జరిగింది. గ్యాస్ సిలిండర్ లీక్ అయ్యి ఓ ఇల్లు దగ్ధమైంది. ఈ ఘటనలో ఒకే కుటుంబానికి చెందిన ఆరుగురు మృతి చెందారు. వీళ్లు వెస్ట్‌బెంగాల్ నుంచి వలస వచ్చి పానిపట్‌లో నివసిస్తున్నట్టు పోలీసులు వెల్లడించారు. మృతుల్లోదంపతులతో పాటు నలుగురు చిన్నారులున్నారు. ఈ దంపతులు స్థానికంగా ఓ ఫ్యాక్టరీలో పని చేసుకుంటూ జీవనం సాగించే వారు. ఇంట్లో నుంచి ఉన్నట్టుండి పెద్ద ఎత్తున మంటలు రావడం వల్ల స్థానికులు వెంటనే పోలీసులకు సమాచారం అందించారు. అగ్నిమాపక సిబ్బంది ఘటనా స్థలానికి చేరుకున్నారు. బాధితులను రక్షించేందుకు ప్రయత్నించినా అప్పటికే వాళ్లు కాలి బూడిదైపోయారు. 

"ప్రాథమిక విచారణ ఆధారంగా చూస్తే..గ్యాస్ సిలిండర్ లీకేజ్ కారణంగా పేలుడు సంభవించింది. టీ చేసుకునేందుకు గ్యాస్ ఆన్ చేశారు. అప్పుడే సిలిండర్ పేలింది. ఊపిరాడక ఆరుగురు మృతి చెందారు. కచ్చితంగా ఏ కారణంతో చనిపోయారన్నది పోస్ట్ మార్ట్ రిపోర్ట్ వస్తే కానీ చెప్పలేం"

- పానిపట్ డీఎస్‌పీ 

Haryana | As per the initial investigation an explosion happened due to a gas cylinder leakage. When a family member lit fire to make tea, an explosion took place. Six members died due to suffocation. Post-mortem report will clarify the cause of death: DSP D Kharab, Panipat pic.twitter.com/h3DodHSsO8

— ANI (@ANI) January 12, 2023

గతేడాది బిహార్‌లో..

గతేడాది డిసెంబర్‌లో బిహార్‌లో ఘోర ప్రమాదం జరిగింది. ఇటుకల బట్టీలోని చిమ్నీ పేలడు కారణంగా 9 మంది కూలీలు మృతి చెందారు. మరి కొందరు తీవ్రంగా గాయపడ్డారు. క్షతగాత్రులను వెంటనే ఆసుపత్రికి తరలించి చికిత్స అందిస్తున్నారు. రెస్క్యూ టీమ్స్‌ సంఘటనా స్థలానికి చేరుకున్నాయి. రామ్‌గర్వా పోలీస్ స్టేషన్‌ పరిధిలోని మోతిహరిలోని ఇటుకల బట్టీలో ఈ ప్రమాదం సంభవించింది. 9 మంది ప్రాణాలు కోల్పోయారు. మరి కొందరు తీవ్రంగా గాయపడ్డారు. పెద్ద మొత్తంలో పొగ లోపలకి వెళ్లడం వల్ల శ్వాస తీసుకోలేకపోతున్నారని అంటున్నారు. దాదాపు 8 మంది తీవ్రంగా గాయపడగా..వారందరికీ వెంటిలేటర్‌పై చికిత్స అందించారు. చనిపోయయిన వారిలో ఇటుకల బట్టీ యజమాని కూడా ఉన్నాడని పోలీసులు తెలిపారు. ఈ ప్రమాదంపై...ప్రధాని నరేంద్ర మోడీ విచారం వ్యక్తం చేశారు. చనిపోయిన వారి కుటుంబాలకు రూ.2 లక్షల ఎక్స్‌గ్రేషియా ప్రకటించారు. పీఎం రిలీఫ్ ఫండ్ కింద ఈ ఆర్థిక సహకారం అందించనున్నట్టు చెప్పారు. గాయపడిన వారికి రూ.50,000 చొప్పున అందిస్తామని హామీ ఇచ్చారు.

Also Read: User Names In Twitter: ట్విటర్ యూజర్ నేమ్స్ ఫర్ సేల్, ఆన్‌లైన్‌లో వేలం పెడతారట!