Chhattisgarh Firing: తోటి జవాన్లపై కాల్పులు.. నలుగురు మృతి, ముగ్గురికి గాయాలు

ఛత్తీస్‌గఢ్‌లో ఓ జవాన్ జరిపిన కాల్పుల్లో నలుగురు సీఆర్‌పీఎఫ్ జవాన్లు మృతి చెందారు.

తోటి జవాన్లపై కాల్పులు.. నలుగురు మృతి, ముగ్గురికి గాయాలు

ఛత్తీస్‌గఢ్‌ సుక్మా జిల్లాలో ఓ సైనికుడు తోటి సీఆర్‌పీఎఫ్ జవాన్లపై కాల్పులు జరిపాడు. ఈ కాల్పుల్లో నలుగురు జవాన్లు మృతి చెందారు.  మరో ముగ్గురు తీవ్రంగా గాయపడ్డారు. పారామిలటరీ దళాలు ఉన్న క్యాంప్‌ వద్ద జవాన్ కాల్పులు జరిపినట్లు అధికారులు తెలిపారు.

Chhattisgarh: Four jawans of CRPF 50 Bn killed and 3 injured in a case of fratricide in a CRPF camp in Maraiguda Police station limits of Sukma. A jawan had opened fire at the camp. pic.twitter.com/4ZF64RCNKM

— ANI (@ANI) November 8, 2021

ఏం జరిగింది?

జిల్లాలోని లింగంపల్లి గ్రామంలో ఉన్న సీఆర్‌పీఎఫ్ 50వ బెటాలియన్ కాంప్‌పై తెల్లవారుజామున 3.45 నిమిషాలకు జవాన్ కాల్పులు జరిపాడు. రాష్ట్ర రాజధాని రాయ్‌పుర్‌కు ఇది 400 కిమీ దూరంలో ఉంది. ఈ మేరకు బస్తర్ రేంజ్ ఐజీ సుందర్‌రాజ్ తెలిపారు.

" రతీశ్ రంజన్ అనే ఓ జవాన్.. సహ జవాన్లపై ఈరోజు ఉదయం 3.45 నిమిషాల సమయంలో కాల్పులు జరిపాడు. ఈ ఘటనపై దర్యాప్తు చేస్తున్నాం.                                                   "

-సుందర్‌రాజ్, బస్తర్ రేంజ్ ఐజీ

ఓఓ

ప్రాథమిక దర్యాప్తు ప్రకారం జవాను.. తన సర్వీస్ వెపన్.. ఏకే-47 నుంచే కాల్పులు చేసినట్లు తేలింది. నిందితుడ్ని వెంటనే అదుపులోకి తీసుకొని ఇంటరాగేషన్ చేస్తున్నట్లు ఐజీ తెలిపారు. గాయాలైన జవాన్లను తెలంగాణ భద్రాచలంలోని ఏరియా ఆసుపత్రిలో చేర్చినట్లు తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి