Chhattisgarh: ఛత్తీస్‌గఢ్‌లో ఘోర ప్రమాదం, గన్‌పౌడర్ తయారీ కేంద్రంలో భారీ పేలుడు - ఒకరి మృతి

Chhattisgarh News: ఛత్తీస్‌గఢ్‌లో గన్‌పౌడర్ తయారు చేసే కేంద్రంలో భారీ పేలుడు సంభవించి ఏడుగురు తీవ్రంగా గాయపడ్డారు.

ఛత్తీస్‌గఢ్‌లో గన్‌పౌడర్ తయారు చేసే కేంద్రంలో భారీ పేలుడు సంభవించి 17 మంది ప్రాణాలు కోల్పోయారు. (Image Credits: ANI)

Blast at Chhattisgarh’s Explosives Factory: ఛత్తీస్‌గఢ్‌లో ఘోర ప్రమాదం సంభవించింది. గన్‌పౌడర్ తయారీ కేంద్రంలో పేలుడు ఘటనలో ఏడుగురు తీవ్రంగా గాయపడ్డారు. వీరిలో  ఓ వ్యక్తి చికిత్స పొందుతూ ప్రాణాలు కోల్పోయినట్టు వైద్యులు వెల్లడించారు. అయితే...ఈ ప్రమాదంలో మొత్తం 17 మంది మృతి చెందినట్టు ముందు ప్రచారం జరిగింది. అయితే...ఈ మృతుల సంఖ్య విషయంలో అధికారులు ఇంకా స్పష్టత ఇవ్వలేదు. బెమెతారా జిల్లాలోని పిర్దా గ్రామంలో ఈ ప్రమాదం జరిగింది. స్థానికులు వెంటనే అప్రమత్తమైన పోలీసులకు సమాచారం అందించారు. ఘటనా స్థలానికి పోలీసులతో పాటు రెస్క్యూ టీమ్‌ చేరుకుంది. 

#WATCH | Chhattisgarh: Six injured after a blast at an explosive factory in Bemetra. Details awaited: Bemetara Collector Ranbir Sharma pic.twitter.com/tFpJ2Y00Id

— ANI (@ANI) May 25, 2024

ఈ ఘటనకు సంబంధించి పూర్తి వివరాలు తెలియాల్సి ఉంది. ప్రమాదం జరిగిన సమయంలో ఫ్యాక్టరీలో 100 మంది కార్మికులున్నారు. ఈ పేలుడు ధాటికి పరిసర ప్రాంతాలు ఒక్కసారిగా అదిరి పడ్డాయి. అధికారులు వెల్లడించిన వివరాల ప్రకారం..మొత్తం ఏడుగురిని స్థానిక ఆసుపత్రికి తరలించారు. వాళ్లలో ఓ వ్యక్తి చికిత్స పొందుతుండగానే ప్రాణాలు కోల్పోయాడు. మిగతా ఆరుగురు బాధితులకు వైద్యం కొనసాగుతోంది. ఇటీవలే మహారాష్ట్రలోని థానేలో కెమికల్ ఫ్యాక్టరీలో భారీ ప్రమాదం జరిగింది. ఈ ఘటనలో 9 మంది ప్రాణాలు కోల్పోగా 60 మంది గాయపడ్డారు.

#WATCH | Raipur, Chattisgarh: On blast at an explosive factory in Bemetra, Assistant Professor, Dr Bhim Rao Ambedkar Memorial Hospital, Dr Shivam Patel says, "Total seven patients were brought...Out of which one was brought dead, the rest six patients are undergoing… pic.twitter.com/UPNeEcuUUl

— ANI (@ANI) May 25, 2024