Ather Rizta Electric Scooter News: ఏథర్ రిజ్తా ఎలక్ట్రిక్ స్కూటర్: కొనే ముందు ఈ 5 విషయాలు తెలుసుకోండి
ఇండియన్ మార్కెట్లో ఫ్యామిలీ కస్టమర్లను ఆకట్టుకుంటూ సరికొత్త సేల్స్ రికార్డులు సృష్టిస్తున్న ఏథర్ రిజ్తా ఎలక్ట్రిక్ స్కూటర్ గురించి పూర్తి వివరాలు ఈరోజు తెలుసుకుందాం.
Ather Rizta Electric Scooter Top Features and Buying Guide: భారతీయ ఎలక్ట్రిక్ టూ-వీలర్ మార్కెట్లో మెయిన్స్ట్రీమ్ తయారీదారుగా ఎదగాలనే ఏథర్ ఎనర్జీ కంపెనీ లక్ష్యానికి ఏథర్ రిజ్తా (Ather Rizta) స్కూటర్ ఒక పెద్ద పిల్లర్లా నిలిచింది. ఏప్రిల్ 2024లో లాంచ్ అయిన ఈ ఫ్యామిలీ-ఫోకస్డ్ ఎలక్ట్రిక్ స్కూటర్ కంఫర్ట్, ప్రాక్టికాలిటీకి కేరాఫ్ అడ్రస్గా మారింది. లాంచ్ అయిన అతి తక్కువ కాలంలోనే ఇది సక్సెస్ఫుల్ ప్రొడక్ట్గా నిలిచింది. కేవలం రెండేళ్లలోనే 3 లక్షల యూనిట్ల సేల్స్ మైలురాయిని దాటేసి, ఏథర్ కంపెనీ మొత్తం అమ్మకాల్లో 76 శాతం వాటాను సొంతం చేసుకుంది. ప్రస్తుతం ఎక్స్-షోరూమ్ వద్ద దీని ప్రారంభ ధర రూ. 1.10 లక్షలుగా ఉంది. మీరు గనుక ఈ స్కూటర్ కొనాలని ప్లాన్ చేస్తుంటే ముందే తెలుసుకోవలసిన టాప్ 5 విషయాలు ఇక్కడ ఉన్నాయి.
బ్యాటరీ ఆప్షన్లు, రేంజ్..
ఏథర్ రిజ్తా మొత్తం మూడు వేరియంట్లలో అందుబాటులో ఉంది. అవి రిజ్తా ఎస్ (Rizta S), రిజ్తా జెడ్ 2.9 కిలోవాట్ అవర్ (Rizta Z 2.9 kWh), రిజ్తా జెడ్ 3.7 కిలోవాట్ అవర్ (Rizta Z 3.7 kWh). ఇందులో 2.9 కిలోవాట్ అవర్ బ్యాటరీ ప్యాక్ ఉన్న మోడళ్లు సింగిల్ చార్జ్పై 123 కిలోమీటర్ల ఐడీసీ రేంజ్ ఇస్తాయని కంపెనీ చెప్తోంది, అయితే రియల్ వరల్డ్ లో ఇది 80 నుండి 105 కిలోమీటర్ల రేంజ్ ఇస్తుంది. టాప్-ఎండ్ మోడల్ లో ఉన్న 3.7 కిలోవాట్ అవర్ బ్యాటరీ ప్యాక్ గరిష్టంగా 159 కిలోమీటర్ల ఐడీసీ రేంజ్ ఆఫర్ చేస్తుంది, ఇది నిజ జీవితంలో 100 నుండి 125 కిలోమీటర్ల మైలేజ్ ఇస్తుంది. దీనితో పాటు కంపెనీ రూ. 14,000 నుండి రూ. 20,000 అదనపు ధరతో 'ప్రో ప్యాక్' (Pro Pack) అందిస్తోంది. ఇది డాష్బోర్డ్పై గూగుల్ మ్యాప్స్ నేవిగేషన్, హిల్ హోల్డ్ కంట్రోల్, స్కిడ్ కంట్రోల్ (ట్రాక్షన్ కంట్రోల్), మ్యాజిక్ ట్విస్ట్ (రీజెనరేటివ్ బ్రేకింగ్) లాంటి స్మార్ట్ ఫీచర్లను అన్లాక్ చేస్తుంది.
డైలీ కమ్యూటింగ్ కోసం..
ఈ స్కూటర్ స్పోర్టీ మోడల్ అయిన ఏథర్ 450 సిరీస్ లాగా రేసింగ్ కోసం కాకుండా సాధారణ రోజువారీ ప్రయాణాల కోసం డిజైన్ చేశారు. ఇందులో 4.3 కిలోవాట్ పీఎమ్ఎస్ఎమ్ మోటార్ ఉపయోగించారు, ఇది స్కూటర్కు గరిష్టంగా గంటకు 80 కిలోమీటర్ల టాప్ స్పీడ్ ఇస్తుంది. ఇది కేవలం 3.7 సెకన్లలోనే 0 నుండి 40 కిలోమీటర్ల వేగాన్ని అందుకుంటుంది. ఈ స్కూటర్ కి ఉన్న అతిపెద్ద ప్లస్ పాయింట్ దీని బ్యాటరీ వారంటీ. సాధారణంగా మార్కెట్లో 3 ఏళ్లు లేదా 30,000 కిలోమీటర్ల వారంటీ ఇస్తుండగా, ఏథర్ ప్రో ప్యాక్ ఎంచుకునే కస్టమర్లకు 5 ఏళ్లు లేదా 60,000 కిలోమీటర్ల పొడిగించిన వారంటీ లభిస్తుంది. అంతేకాకుండా ఆప్షనల్ గా 8 ఏళ్లు లేదా 80,000 కిలోమీటర్ల వరకు వారంటీని పెంచుకునే సదుపాయం కస్టమర్లకు అదనపు విలువను ఇస్తుంది.
స్పేస్, ప్రాక్టికాలిటీపై స్పెషల్ ఫోకస్..
ఫ్యామిలీ రైడింగ్ అవసరాలకు తగ్గట్టుగా రిజ్తా డిజైన్ లో స్పేస్ కు ఎక్కువ ప్రాధాన్యత ఇచ్చారు. ఇందులో 900 మిమీ పొడవాటి ఫ్లాట్ సీటు, తక్కువ ఎత్తు ఉన్న 780 మిమీ సీట్ హైట్, వెడల్పాటి ఫ్లాట్ ఫుట్బోర్డ్ ఇచ్చారు. ఇది పొడవుగా ఉండే రైడర్లకు, లగేజ్ క్యారీ చేయడానికి పర్ఫెక్ట్ గా సూట్ అవుతుంది. స్టోరేజ్ విషయానికి వస్తే ఇందులో మొత్తంగా 56 లీటర్ల భారీ కెపాసిటీ లభిస్తుంది. సీటు కింద 34 లీటర్ల అండర్-సీట్ స్టోరేజ్ స్పేస్ తో పాటు ముందు భాగంలో అదనంగా 22 లీటర్ల యాక్సెసరీ ఫ్రంక్ (Frunk) బాక్స్ లభిస్తుంది. నిత్యావసర వస్తువులు, హెల్మెట్లను దాచుకోవడానికి ఈ స్పేస్ ఎంతో ఉపయోగపడుతుంది.
టాప్ హెడ్ లైన్స్
ట్రెండింగ్ వార్తలు
