K Annamalai launch new party Tamil Nadu: బీజేపీకి అన్నామలై గుడ్‌బై? తమిళనాడులో సరికొత్త పార్టీ స్థాపనకు మాజీ ఐపీఎస్ స్కెచ్!

Annamalai quit BJP news: తమిళనాడు బీజేపీ మాజీ అధ్యక్షుడు అన్నామలై పార్టీకి రాజీనామా చేసి సొంతంగా కొత్త రాజకీయ పార్టీ పెట్టబోతున్నారా? జూన్ 3న ఆయన ఏర్పాటు చేసిన ప్రెస్ మీట్ దీనికి సమాధానం ఇవ్వబోతోంది.

బీజేపీకి అన్నామలై గుడ్‌బై? తమిళనాడులో సరికొత్త పార్టీ స్థాపనకు మాజీ ఐపీఎస్ స్కెచ్!

Source : abp nadu

Anamalai press conference June 3: మిళనాడు రాజకీయాల్లో ఇప్పుడు సరికొత్త ముఖచిత్రం ఆవిష్కృతం కాబోతోందా? సింగం ఐపీఎస్ ఆఫీసర్‌గా గుర్తింపు తెచ్చుకుని, ఆ తర్వాత కమలం గూటికి చేరి ఆ రాష్ట్ర రాజకీయాల్లో పెను సంచలనం సృష్టించిన కే. అన్నామలై బీజేపీకి గుడ్‌బై చెప్పబోతున్నారా? అంటే అవుననే అంటున్నాయి తమిళ మీడియా వర్గాలు. ఢిల్లీ పెద్దల నిర్ణయాలతో విభేదిస్తూ, ఆయన సొంతంగా కొత్త రాజకీయ పార్టీ లేదా సరికొత్త ఉద్యమాన్ని ప్రారంభించేందుకు గ్రౌండ్ ప్రిపేర్ చేసుకున్నట్లు తెలుస్తోంది. జూన్ 3వ తేదీన ఆయన చెన్నైలో ఒక  ప్రెస్ మీట్ పెట్టి, తన భవిష్యత్తు కార్యాచరణను అధికారికంగా ప్రకటించబోతున్నారని తమిళ పాలిటిక్స్ లో జోరుగా ప్రచారం సాగుతోంది. ఇప్పటికే సోషల్ మీడియాలో అన్నామలై మద్దతుదారులు ఆయన స్థాపించబోయే కొత్త పార్టీ పేరు, జెండా డిజైన్లను కూడా వైరల్ చేయడం ఈ ఊహాగానాలకు మరింత బలాన్ని చేకూరుస్తోంది. ఢిల్లీ కేంద్రంగా సాగే హైకమాండ్ రాజకీయాలకు స్వస్తి చెప్పి, తమిళనాడు మట్టి వాసన తెలిసిన ఒక ప్రాంతీయ ప్రత్యామ్నాయ శక్తిగా ఎదగాలన్నదే అన్నామలై ప్లాన్‌గా కనిపిస్తోంది.

హిందీ విధింపుపై తిరుగుబాటే తొలి అడుగు? 

కేంద్రంలోని బీజేపీ నాయకత్వంతో అన్నామలైకి గత కొంతకాలంగా విభేదాలు నడుస్తున్నట్లు తెలుస్తోంది. ఇటీవల సెంట్రల్ బోర్డ్ ఆఫ్ సెకండరీ ఎడ్యుకేషన్ 9వ తరగతి విద్యార్థులకు త్రిభాషా సూత్రాన్ని  హడావుడిగా అమలు చేయాలని చూడాన్ని అన్నామలై బహిరంగంగానే వ్యతిరేకించారు. తమిళనాడు సెంటిమెంట్‌కు అత్యంత సున్నితమైన  భాషా వివాదం  విషయంలో కేంద్రం తీసుకున్న నిర్ణయం వల్ల విద్యార్థులు, తల్లిదండ్రులు తీవ్ర మానసిక ఒత్తిడికి గురవుతారని ఆయన  ఎక్స్  వేదికగా తప్పుబట్టారు. గతంలో ఎన్నడూ లేని విధంగా కేంద్ర ప్రభుత్వ నిర్ణయంపై ఆయన ఇలా తిరుగుబావుటా ఎగరేయడం, ఢిల్లీ పెద్దలకు ఆయన పంపుతున్న బలమైన పొలిటికల్ సిగ్నల్‌గా విశ్లేషకులు భావిస్తున్నారు.   

Huge Political Buzz in Tamil Nadu that BJP's former chief, in the state #Annamalai, will launch a "new movement" to tap the youth votes.

It is clearly modelled on TVK Vijay’s blockbuster success story, a party which will be a youth centric. Sources say it may be called “Makkal… pic.twitter.com/1yDR6YYgPE

— Sreedhar Pillai (@sri50) June 1, 2026

 ఏఐఏడీఎంకే  కూటమిపై అసంతృప్తి 

ఇటీవల ముగిసిన తమిళనాడు అసెంబ్లీ ఎన్నికల్లో అన్నాడీఎంకేతో మళ్ళీ పొత్తు పెట్టుకోవాలనే ఢిల్లీ బీజేపీ పెద్దల నిర్ణయం అన్నామలైకి అస్సలు నచ్చలేదు. గతంలో జయలలిత, అన్నాదురైలపై అన్నామలై చేసిన ఘాటు వ్యాఖ్యల వల్లే కూటమి విచ్ఛిన్నమైందని, పొత్తు కుదరాలంటే అన్నామలైని రాష్ట్ర అధ్యక్ష పదవి నుంచి తప్పించాలని ఎడప్పాడి పళనిస్వామి  కండిషన్ పెట్టారు. దాంతో హైకమాండ్ ఆయనను తప్పించి నైనార్ నాగేంద్రన్‌ను అధ్యక్షుడిగా నియమించింది. పార్టీ లైన్ దాటకుండా అన్నామలై అప్పట్లో కూటమి తరఫున ప్రచారం చేసినప్పటికీ.. ఎన్నికల్లో బీజేపీ కేవలం ఒకే ఒక్క స్థానాన్ని గెలుచుకుని ఘోర పరాజయాన్ని మూటగట్టుకుంది. ఈ వైఫల్యం తర్వాత, ఢిల్లీ పెద్దల చేతుల్లో కీలుబొమ్మగా మారడం కంటే బయటకు రావడమే బెటర్ అని ఆయన డిసైడ్ అయినట్లు టాక్.

 విజయ్  టీవీకే  ప్రభావాన్ని తట్టుకునేందుకేనా? 

తమిళనాడులో ప్రస్తుతం ద్రవిడ పార్టీలైన డీఎంకే, అన్నాడీఎంకేలకు తోడు నటుడు విజయ్ స్థాపించిన  తమిళగ వెట్రి కళగం అధికారంలోకి వచ్చి సరికొత్త రాజకీయ శకాన్ని ప్రారంభించింది. యువత అంతా విజయ్ వైపు మొగ్గు చూపుతున్న తరుణంలో, తాను కూడా ఒక స్వతంత్ర ప్రాంతీయ శక్తేనని నిరూపించుకోకపోతే తమిళ రాజకీయాల్లో వెనుకబడిపోతామని అన్నామలై భావిస్తున్నారు. అందుకే బీజేపీ రాష్ట్ర ఇన్-ఛార్జ్ నితిన్ నబిన్‌తో అత్యవసర సమావేశాన్ని కోరినట్లు సమాచారం. ఈ చర్చలు విఫలమైతే, జూన్ 3న ఆయన పార్టీ వీడటం ఖాయమని తమిళ పత్రికలు కథనాలు ప్రసారం చేస్తున్నాయి..

Annamalai's Sudden Delhi Visit Raises Speculation

Former Tamil Nadu BJP President K.Annamalai flew from Chennai to Delhi on Monday.

He is expected to meet several senior BJP leaders during his visit. Reports suggest he may discuss his future political plans with the party… pic.twitter.com/QtW0Q2nQmT

— Bala vetrivel N (@vetrivel1996) June 1, 2026

 
మరోవైపు, తమిళనాడు బీజేపీ సీనియర్ నాయకులు ఈ ప్రచారాన్ని కొట్టిపారేస్తున్నారు. అన్నామలై పార్టీ వీడటం లేదని, ఆయనకు జాతీయ స్థాయిలో ఒక కీలకమైన బాధ్యతను అప్పగించేందుకు అధిష్టానం ఆలోచిస్తోందని చెబుతున్నారు. ఒకవేళ అన్నామలై నిజంగానే సొంత పార్టీ పెడితే, అది తమిళనాడులో కాస్తో కూస్తో పుంజుకుంటున్న బీజేపీ ఓటు బ్యాంకును ఘోరంగా దెబ్బతీస్తుంది. ఏది ఏమైనా, మాజీ ఐపీఎస్ అధికారి తీసుకోబోయే ఈ తదుపరి అడుగు ఈ వారంలో తమిళనాడు రాజకీయాల్లో ఒక పెను భూకంపం సృష్టించబోతోందనడంలో ఎలాంటి సందేహం లేదు.

మరిన్ని చదవండి

ఏపీ రాజ్యసభ ఎన్నికల్లో టీడీపీకి రెండే - మిత్రపక్షాలకు రెండు - త్యాగాలు తప్పవా ?

తమిళిసైకు టిక్కెట్ - అన్నామలైకు నో టిక్కెట్ - తమిళనాట బీజేపీ ప్రయోగాలు