Rajya Sabha: 12 మంది ఎంపీలపై సస్పెన్షన్ వేటు.. వర్షాకాలంలో తప్పు చేస్తే శీతాకాలంలో శిక్ష!

12 మంది ఎంపీలను సస్పెండ్ చేస్తూ రాజ్యసభ నోటీసు ఇచ్చింది. గత సెషన్‌లో సభలో మర్యాదపూర్వకంగా నడుచుకోని ఎంపీలపై క్రమశిక్షణా చర్యలు తీసుకున్నట్లు రాజ్యసభ నోటీసులో తెలిపింది.

12 మంది ఎంపీలపై సస్పెన్షన్ వేటు

శీతాకాల సమావేశాలు మొదలైన తొలిరోజే సాగు చట్టాల రద్దు బిల్లుకు ఆమోదం తెలిపింది పార్లమెంటు. విపక్ష సభ్యుల నిరసనల మధ్యే మూజువాణీ ఓటుతో బిల్లుకు ఆమోదం తెలిపాయి ఉభయ సభలు. అయితే రాజ్యసభ 12 మంది ఎంపీలపై సస్పెన్షన్ వేటు వేసింది.

గత వర్షాకాల సమావేశాల్లో బాధ్యతారాహిత్యంగా వ్యవహరించి సభా మర్యాదలు పాటించని ఎంపీలను ఈ శీతాకాల సమావేశాలకు మొత్తం సస్పెండ్ చేస్తూ రాజ్యసభ సోటీసు ఇచ్చింది.

సస్పెండైన ఎంపీలు..

1. ఎలమారమ్ కరీమ్ - సీపీఎమ్
2. ఫులో దేవీ నేతమ్ - కాంగ్రెస్
3. ఛాయా వర్మ - కాంగ్రెస్
4. ఆప్ బోరా - కాంగ్రెస్
5. రాజమణి పటేల్ - కాంగ్రెస్
6. సయ్యద్ నాసిర్ హుస్సేన్ - కాంగ్రెస్
7. అఖిలేశ్ ప్రసాద్ సింగ్ - కాంగ్రెస్
8. బినోయ్ విశ్వం - సీపీఐ
9. డోలా సేన్ - టీఎమ్‌సీ
10. శాంతా ఛెత్రీ - టీఎమ్‌
11. ప్రియాంక ఛతుర్వేదీ - శివసేన
12. అనిల్ దేశాయ్ - శివసేన

" ఆగస్టు 11న జరిగిన సభలో ఈ ఎంపీలు మర్యాదను పాటించలేదు. ఛైర్మన్ స్థానాన్ని అవమానించారు. ఉద్దేశపూర్వకంగా భద్రతా సిబ్బందిపై దాడి చేశారు.                                                          "

-సస్పెన్షన్ నోటీసు

అన్యాయంగా..

 

తమను అన్యాయంగా సస్పెండ్ చేశారని శివసేన ఎంపీ ప్రియాంక ఛతుర్వేది సహా మిగిలిన ఎంపీలు ఆరోపించారు.

If you see the CCTV footage it has been recorded how male marshals were jostling female MPs. All of this on one side & your decision on the other? What kind of unparliamentary behaviour is this?: Shiv Sena MP Priyanka Chaturvedi - one of the 12 RS MPs suspended for this session pic.twitter.com/qwkCVvUsse

— ANI (@ANI) November 29, 2021

" జిల్లా న్యాయస్థానం నుంచి సుప్రీం కోర్టు వరకు నిందితుడు తన అభిప్రాయాన్ని చెప్పుకునే స్వేచ్ఛ ఉంది. వారి వాదనను వినిపించేందుకు న్యాయవాదిని కూడా ఏర్పాటు చేస్తారు. కానీ ఇక్కడ మా వాదన వినిపించే అవకాశం కూడా ఇవ్వలేదు. గత సెషన్ సీసీటీవీ ఫుటేజ్‌ను పరిశీలిస్తే మేల్ మార్షల్స్ మహిళా ఎంపీలను ఎలా తోసేసారో తెలుస్తుంది. ఇవన్నీ చూడకుండా ఏకపక్షంగా నిర్ణయం తీసుకున్నారు. ఇదో అప్రజాస్వామిక వైఖరి.                                                     "

-ప్రియాంక ఛతుర్వేది, శివసేన ఎంపీ

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి