Wedding Weight Loss : పెళ్లికోసం బరువు తగ్గుతున్నారా? అయితే నిపుణులు ఇచ్చే సూచనలివే

Healthy Weight Loss Tips : పెళ్లి సమయానికి ఫిట్​గా ఉండాలని ప్లాన్ చేస్తున్నారా? అయితే బరువు తగ్గుతూ ఫిట్​గా ఎలా ఉండాలో.. నిపుణుల సలహాలు ఏమిటో చూసేద్దాం. 

పెళ్లి సమయంలో బరువు తగ్గాలంటే ఇవి ఫాలో అయిపోండి(Images Source : Envato)

Source : envato

Best Weight Loss Plan for Brides : బరువు తగ్గితే.. ఏ ఔట్​ఫిట్​ అయినా మంచి లుక్స్ ఇస్తుంది. అందుకే పెళ్లి సమయం దగ్గరకు వచ్చేసరికి చాలామంది బరువు తగ్గాలని.. ఫిట్​గా ఉండాలని చూస్తూ ఉంటారు. పైగా ఇది చాలామంది విష్​ లిస్ట్​లో కూడా ఉంటుంది. మీరు కూడా అలాంటివారిలో ఒకరా? అయితే మీరు బరువు తగ్గడంలో నిపుణుల సలహాలు కొన్ని ఫాలో అవ్వాలి. ఇవి ఇప్పుడే కాకుండా ఫ్యూచర్​లో కూడా మీరు ఫిట్​గా ఉండడంలో హెల్ప్ చేస్తాయి. ఇంతకీ నిపుణులు ఇచ్చే సలహాలు ఏమిటి?

నిపుణుల సలహాలు ఇవే

పెళ్లి సమయంలో బరువు తగ్గి.. స్లిమ్​గా ఉంటే మంచి డ్రెస్​లు వేసుకోవచ్చు.. ఫోటోలు బాగా వస్తాయనుకుంటారు. అలా బరువు తగ్గడానికి ఏవేవో చేస్తూ ఉంటారు. అయితే పెళ్లికి ముందు బరువు తగ్గడానికి కొన్ని టిప్స్ ఫాలో అవ్వాలి. పెళ్లి అనే సందర్భం లేకపోయినా.. ఫిట్​గా ఉండాలనే ఆలోచన ప్రతి ఒక్కరికీ ఉండాలి. అయితే పెళ్లి దగ్గర్లో ఉన్నప్పుడు ఈ రష్​ ఎక్కువగా ఉంటుంది. ఆ సమయంలో ఎక్కువసేపు జిమ్ చేస్తే బరువు తగ్గడంతో పాటు.. హెల్త్​ కూడా కరాబ్ అవుతుందంటున్నారు నిపుణులు. 

రన్నింగ్

ఈ సమయంలో అలాంటి రిస్క్​లు కాకుండా బరువు తగ్గించడంలో హెల్ప్ చేసే వ్యాయామాలు చేస్తూ ఉంటే మంచిది. కాబట్టి దానికో షెడ్యూల్ ఫిక్స్ చేసుకోవాలి. దానిని రెగ్యూలర్​గా ఫాలో కూడా అవ్వాలి. ఇది మీ ఫిట్​నెస్ స్థాయిలు పెంచి.. బరువు తగ్గడంలో హెల్ప్ చేస్తుంది. అలా ప్రభావవంతమైన వాటిలో రన్నింగ్ ఒకటి. రోజూ దాదాపు పది నిమిషాలు జాగింగ్ లేదా రన్నింగ్ చేయండి. వార్మప్​ చేసి రన్నింగ్ చేస్తే.. సౌకర్యంగా ఉంటుంది. దీనివల్ల గుండె ఆరోగ్యం కూడా మెరుగుపడుతుంది. ఈ సమయాన్ని క్రమంగా పెంచుకోవాలి. 

స్క్వాట్స్..

ఇంట్లోనే ఉంటూ.. రెగ్యూలర్​గా స్క్వాట్స్ చేయొచ్చు. ఇది కాళ్లకు బలాన్ని అందించి.. తొడ దగ్గర పేరుకుపోయిన కొవ్వును తగ్గిస్తుంది. స్క్వాట్స్ చేస్తున్నప్పుడు వీపు నిటారుగానే ఉండేలా చూసుకోండి. వీటిని రెగ్యూలర్​గా చేస్తే బరువును ఈజీగా తగ్గుతారు. లేదంటే బర్ఫీస్ కూడా చేయవచ్చు. స్క్వాట్ చేసి.. అనంతరం బర్ఫీ చేస్తూ.. రెండూ చేయవచ్చు. ఇది కూడా మంచి ఫలితాలు ఇస్తుంది. 

ప్లాంక్.. 

ప్లాంక్ కూడా మంచి ఎఫెక్టివ్​ ఎక్సర్​సైజ్​గా చెప్పవచ్చు. దీనిని రెగ్యూలర్​గా చేస్తూ ఉంటే పొట్ట భాగంలో కొవ్వు తగ్గుతుంది. మొత్తం శరీరం స్ట్రాంగ్​గా మారుతుంది. లేదంటే యోగా చేయవచ్చు. ఇది బరువును తగ్గించడంతోపాటు శరీరాన్ని ఫ్లెక్సిబుల్​గా ఉంచుతుంది. స్ట్రెస్​ తగ్గించుకోవడానికి శ్వాసకు సంబంధించినవి ప్రాక్టీస్ చేయవచ్చు.

ఇవన్నీ బరువును తగ్గించడంతోపాటు.. గుండె ఆరోగ్యాన్ని మెరుగుపరుస్తాయి. జీవక్రియను పెంచి బరువు తగ్గేలా చేస్తాయి. అంతేకాకుండా ఫుడ్ విషయంలో కూడా జాగ్రత్తలు తీసుకోవాలి. జంక్​ఫుడ్​ జోలికి వెళ్లకూడదు. అలాగే పెళ్లి అయిపోయింది ఇంక ఫిట్​గా ఉండడం ఎందుకని నెగ్లెక్ట్ చేయకూడదు. రెగ్యూలర్​గా ఈ వ్యాయామాలు చేస్తూ ఉంటే.. పెళ్లి తర్వాత కూడా మీరు ఫిట్​గా ఉంటారు.